https://www.nplg.gov.ge/wikidict/index.php?action=history&feed=atom&title=%E1%83%90%E1%83%99%E1%83%A3%E1%83%A1%E1%83%98%E1%83%9A%E1%83%90%E1%83%94_%E1%83%90%E1%83%A0%E1%83%92%E1%83%9D%E1%83%A1%E1%83%94%E1%83%9A%E1%83%98 2026-05-09T11:40:08Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%90%E1%83%99%E1%83%A3%E1%83%A1%E1%83%98%E1%83%9A%E1%83%90%E1%83%94_%E1%83%90%E1%83%A0%E1%83%92%E1%83%9D%E1%83%A1%E1%83%94%E1%83%9A%E1%83%98&diff=233702&oldid=prev 2024-08-15T20:20:36Z

<p>ახალი გვერდი: &#039;&#039;&#039;აკუსილაე არგოსელი&#039;&#039;&#039; – ბერძენ ლოგოგრაფოსთა უფროსი თაობის წ...</p> <p><b>ახალი გვერდი</b></p><div>'''აკუსილაე არგოსელი''' – ბერძენ ლოგოგრაფოსთა უფროსი თაობის წარმომადგენელი. გადმოცემით იგი იყო ქალაქ არგოსიდან, მაგრამ რომელი არგოსიდან დადგენილი არ არის. მეცნიერთა ნაწილი თვლის, რომ იგი პელოპონესის ცნობილ ქალაქ არგოსიდან იყო, ხოლო სვიდას ლექსიკონით – ბეოტიის არგოსიდან.<br /> <br /> აკუსილაეს ბიოგრაფია ჩვენთვის ზუსტად არ არის ცნობილი. მეცნიერთა ნაწილი აკუსილაეს ცხოვრების ხანად ძვ. წ. VI. ს. მეორე და მესამე მეოთხედს მიიჩნევს (575-525 წწ.), სხვები, მას თვლიან ძვ. წ. V ს. მწერლად. <br /> <br /> აკუსილაეს ნაშრომებიდან მოღწეულია სულ 31 მცირე ფრაგმენტი, ამიტომ სრული წარმოდგენის შექმნა მის ნაწარმოებთა რაობაზე მეტად ძნელია. აკუსილაე მჭიდროდ არის დაკავშირებული [[ეპოსი|ეპოსთან]], აქედან იღებს მთლიანად თავის თემატიკას, ოღონდ მას აძლევს პროზაულ–ისტორიულ სახეს. განსაკუთრებით ეტყობა [[ჰესიოდე]]ს ეპიკური პოემების გავლენა. ჩვენამდე მოღწეული ფრაგმენტებიდან ირკვევა, რომ აკუსილაეს ნაშრომი გენეალოგიურ-მითოლოგიურ ნაწარმოებს წარმოადგენდა რომელშიაც მითური გადმოცემები აღიარებული იყო, როგორც ჭეშმარიტი ისტორიული ფაქტები. აკუსილაე თავის თხრობას ქვეყნის შექმნიდან იწყებდა. მისი წარმოდგენით, ჯერ [[ქაოსი]] იშვა, შემდეგ მიწა და მერე [[ეროსი]]. რა დრომდე მოაქვს აკუსილაეს ამბების გადმოცემა, ძნელი დასადგენია. სავარაუდოა, რომ მისი ნაწარმოები [[ტროას ომი]]ს ამბებით და ომის მონაწილეთა სამშობლოში დაბრუნებით წყდებოდა.<br /> <br /> როგორც ერთ-ერთი შემორჩენილი ფრაგმენტიდან ირკვევა, სხვა მითებთან ერთად აკუსილაეს დამუშავებული ჰქონია [[თქმულება]] „არგონავტების შესახებ“. <br /> <br /> <br /> ==წყარო==<br /> [[ბერძენი და რომაელი ისტორიკოსები]]<br /> [[კატეგორია:ბერძენი ლოგოგრაფოსები]]</div>

Tkenchoshvili