https://www.nplg.gov.ge/wikidict/index.php?action=history&feed=atom&title=%E1%83%90%E1%83%9A%E1%83%94%E1%83%A5%E1%83%A1%E1%83%90%E1%83%9C%E1%83%93%E1%83%A0%E1%83%94_III_%28%E1%83%98%E1%83%9B%E1%83%94%E1%83%A0%E1%83%94%E1%83%97%E1%83%98%E1%83%A1_%E1%83%9B%E1%83%94%E1%83%A4%E1%83%94%29 2026-05-09T04:19:42Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%90%E1%83%9A%E1%83%94%E1%83%A5%E1%83%A1%E1%83%90%E1%83%9C%E1%83%93%E1%83%A0%E1%83%94_III_(%E1%83%98%E1%83%9B%E1%83%94%E1%83%A0%E1%83%94%E1%83%97%E1%83%98%E1%83%A1_%E1%83%9B%E1%83%94%E1%83%A4%E1%83%94)&diff=240385&oldid=prev 2024-12-15T20:48:32Z

<p>ახალი გვერდი: &#039;&#039;&#039;ალექსანდრე III&#039;&#039;&#039; – იმერეთის მეფე, 1639-1660 წლებში (დათარიღება: თ. ჟო...</p> <p><b>ახალი გვერდი</b></p><div>'''ალექსანდრე III''' – იმერეთის მეფე, 1639-1660 წლებში (დათარიღება: თ. ჟორდანია, ქრონიკები – 1637-1660; მ. სურგულაძე, მ. ქავთარია – 1639-1659) [[გიორგი III (იმერეთის მეფე)|გიორგი III]]-ის ძე. <br /> <br /> მეფედ აკურთხეს ქუთაისში. შესაძლებელია პირველად ტახტზე 1634 წ. ასულიყო, როდესაც მამამისი ლევან II დადიანმა დაატყვევა. ცოლად ჯერ [[მამია II გურიელი]]ს და ჰყავდა, ხოლო შემდეგ ქართლის მეფეს, [[თეიმურაზ I]]-ს დაუმოყვრდა (რომელიც მხარს უჭერდა ირანთა ბრძოლაში) და მისი ასული, ნესტან-დარეჯანი ითხოვა.<br /> <br /> ლევან II დადიანი (1611-1667), იმერეთის ტახტის ხელში ჩაგდების მიზნით ირანს დაუკავშირდა, რამაც ოსმალეთის გაღიზიანება გამოიწვია. იგი თითქმის ყოველ წელს თავს ესხმოდა და აოხრებდა სამეფოს. ლევანი თავის ლაშქრობებს მეფის წინააღმდეგ უმეტესად ქრისტიანულ დღესასწაულზე აწყობდა. ალექსანდრე იძულებული გახდა ქუთაისის ციხეში გამოკეტილიყო.<br /> <br /> ლევან II-ის ჯარების წინააღმდეგ რამდენიმე წარმატებული [[ლაშქრობა]] ალექსანდრეს ახალგაზრდა ძმამ - მამუკამ მოაწყო, მაგრამ ერთ-ერთ ბრძოლაში ცხენმა უმტყუნა და ოდიშარს ტყვედ ჩაუვარდა (1647). სიტუაციიდან გამოსავლის ძიებაში და თეიმურაზ ქართლის მეფის გავლენით, ალექსანდრე III 1649, 1651 და 1656 წლებში ელჩობებს აგზავნის რუსეთში. 1651 წლის 1 ოქტომბერს კი ხელს აწერს მოსკოვის ხელმწიფის ერთგულების წიგნს.<br /> <br /> მამუკას ტყვეობიდან დახსნის მოლაპარაკებაში აქტიურად ჩაება თეიმურაზ I, მაგრამ დადიანის ბრძანებით მეფის ძმას თვალები დასთხარეს. ამის შემდეგ მამუკას დიდხანს აღარ უცოცხლია და 1653 წლის დეკემბერში გარდაიცვალა. თავად ოდიშის მთავარი, გადმოცემით, შვილის ცხედარს დააკვდა და რადგან პირდაპირი მემკვიდრე არ დარჩენია, მთავრის ტახტი მის ძმისწულმა, ლიპარიტ იესეს ძემ დაიკავა (1657-1658). ალექსანდრე III გაბედულ ქმედებებზე გადავიდა: ილაშქრა ოდიშში და მამია IV-ის ძე ვამეყ III დასვა მთავრის ტახტზე (1658-1660), საზღვრად კი ნაცვლად მდ. ცხენისწყლის მარცხენა ნაპირისა, უნაგირას მთა დაუდგინა.<br /> <br /> ახალციხეში გახიზნულმა ლიპარიტმა დახმარება მიიღო [[როსტომ-ფაშა|როსტომ ფაშა]]სა და [[როსტომი (ქართლის მეფე)|როსტომ]] ქართლის მეფისაგან. შემოიერთა ქაიხოსრო I გურიელი და იმერეთისაკენ დაიძრა. ბრძოლა 1658 წლის ივნისში მოხდა. ალექსანდრე მეფემ იმძლავრა - ვამეყს კვლავ ოდიშის მთავრობა უბოძა და გურიელის ტახტიც თავის მომხრე დემეტრე სიმონის ძეს გადასცა. ამ ღონისძიებებით მან რამდენადმე მაინც განამტკიცა ქვეყნის საშინაო მდგომარეობა, მაგრამ მისი გარდაცვალებისთანავე (1660 წლის 4 მარტი) სამეფო კვლავ შინაფეოდალურმა ომებმა მოიცვა.<br /> <br /> ალექსანდრე III ტახტის მემკვიდრედ ცოლის ძმისწულს ზრდიდა, მაგრამ შვილობილი გარდაეცვალა და იძულებული გახდა გურიაში დატყვევებული თავისი ძე - ბაგრატი ეცნო მემკვიდრედ. <br /> <br /> <br /> ==წყარო==<br /> * [[საქართველოს მეფეები]] <br /> <br /> [[კატეგორია:საქართველოს ისტორია]]<br /> [[კატეგორია:იმერეთის მეფეები‏‎ ]]<br /> [[კატეგორია:ბაგრატიონები]]</div>

Tkenchoshvili