https://www.nplg.gov.ge/wikidict/index.php?action=history&feed=atom&title=%E1%83%90%E1%83%9A%E1%83%9E%E1%83%A3%E1%83%A0%E1%83%98_%E1%83%AD%E1%83%95%E1%83%98%E1%83%9C%E1%83%A2%E1%83%90%E1%83%99%E1%83%90 2026-04-29T05:12:08Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%90%E1%83%9A%E1%83%9E%E1%83%A3%E1%83%A0%E1%83%98_%E1%83%AD%E1%83%95%E1%83%98%E1%83%9C%E1%83%A2%E1%83%90%E1%83%99%E1%83%90&diff=247977&oldid=prev 2025-05-19T10:35:23Z

<p>ახალი გვერდი: &#039;&#039;&#039;ალპური ჭვინტაკა&#039;&#039;&#039; (ლათ. Prunella collaris Scopoli, 1769) − ფრინველი [[ბეღურასნაირ...</p> <p><b>ახალი გვერდი</b></p><div>'''ალპური ჭვინტაკა''' (ლათ. Prunella collaris Scopoli, 1769) − ფრინველი [[ბეღურასნაირნი|ბეღურასნაირთა]] რიგიდან.<br /> * კლასი − ფრინველები (AVES)<br /> * რიგი − [[ბეღურასნაირნი]] (Passeriformes)<br /> * ოჯახი − [[ჭვინტაკასებრნი]] (Prunellidae)<br /> * გვარი − [[ჭვინტაკა]] (Prunella)<br /> ალპური ჭვინტაკა სიდიდით სჭარბობს [[ტყის ჭვინტაკა]]ს, ფრთა 90-110 მმ-ია, კუდი – 60-75 მმ, გალო – 23-26 მმ, [[ნისკარტი (ფრინველის)|ნისკარტი]] – 10-14 მმ, წონა – 25-35 გ. სქესობრივი დიმორფიზმი სიდიდესა და შეფერილობაში არაა გაძოხატული. ზრდასრული ფრინველი თავსა და კისერზე ზემოდან, აგრეთვე ზურგის წინა ნაწილში ნაცრისფერია, ჟანგმიწისფერი ელფერით და ბუმბულების ცენტრებში მუქი, არამკვეთრი ლაქებით. ზურგის უკანა ნაწილზე ბუმბულები მურა ან მოჟანგისფრო-მურაა, მოჩალისფრო არშიებით. ფრთების მფარავების ნაწილი შავია, ხოლო ნაწილი − [[რუხი (ფერი)|რუხი]], ბოლოში პატარა [[თეთრი (ფერი)|თეთრი]] კოპლებით; მომქნევები მოშავოა, მოყვითალო წვეროებით. შიგნითა მეორე რიგის მომქნევები თითქმის შავია, ფართო მოყვითალო არშიებით და თეთრი ბოლოებით. თეთრი ფერის ყელზე ნახევარმთვარისებური ფორმის მუქი რუხი ლაქებია. კისრის გვერდები, ჩიჩახვი და მკერდი რუხია, ჟანგმიწისფერი ელფერით. მუცლის ცენტრალური ნაწილი მორუხოა; კუდზედა ბუმბულებს თეთრი არშიები და ცენტრში წაბლისფერი სამკუთხა ლაქები აქვთ. საჭის ბუმბულები მოშავო-მურაა, თეთრი ან მოყვითალო ლაქებით ბოლოში. ნისკარტი მოშავოა წვეროს ნაწილში და მოყვითალო – ძირში. ფეხები მურა-ხორცისფერია.<br /> <br /> აღწერილია 11 ქვესახეობა. [[საქართველო]]ში მოიპოვება კავკასიური ალპური ჭვინტაკა – P. c. montana Hablizl, 1783.<br /> <br /> ====გავრცელება==== <br /> სახეობის არეალი მოიცავს რამდენიმე იზოლირებულ რეგიონს [[ევროპა]]ში, [[აზია]]სა და [[აფრიკა]]ში. ევროპაში იგი მოიპოვება კორსიკასა და სიცილიაზე, პირენეის მთებში, [[ალპები|ალპებში]], აპენინებზე, კარპატებში, ტრანსილვანიაში და ბალკანეთში; აფრიკაში არის ატლასის, [[მაროკო]]სა და [[ალჟირი]]ს მთებში; მცირე აზია, [[კავკასია]] და ჩრდილოეთი [[ირანი]] დამოუკიდებელ არეალს ქმნიან; უფრო ვრცელი არეალი მოიცავს შუა აზიას, ჩრდილო-<br /> აღმოსავლეთ [[ავღანეთი|ავღანეთს]], ჰიმალაის მთებს, ტიბეტს, [[ჩინეთი|ჩინეთს]], კორეას, [[იაპონია|იაპონიის]] კუნძულ ჰონდოს, ციმბირში – ალტაის, საიანის, იაბლონისა და სტანის მთებს. საქართველოში მობინადრეა, მხოლოდ ახდენს სეზონურად ვერტიკალურ გადანაცვლებას.<br /> <br /> ====ბიოტოპი==== <br /> ალპურსა და სუბალპურ ზონაში ეტანება კლდოვან ფერდობებს, მცირე მცენარეული საფარით, როდოდენდრონის ცალკეული ბუჩქებით ან დაბალი ბალახნარებით. ზამთარში ეშვება უფრო დაბლა მსგავს ადგილებში.<br /> <br /> ====გამრავლება==== <br /> ბუდეს იკეთებს დიდი ქვების ქვეშ. მაისის ბოლო რიცხვებში დებს 5-6 კვერცხს. კრუხად ჯდება მხოლოდ დედალი. საინკუბაციო პერიოდის ხანგრძლივობა დადგენილი არაა, იგი დაახლოებით 13-14 დღეს უდრის.<br /> <br /> ====კვება==== <br /> ალპური ჭვინტაკა იკვებება [[მწერები]]თ, ობობებით, პატარა ლოკოკინებით, მცენარეთა [[თესლი|თესლებითა]] და კენკრით.<br /> <br /> ====მნიშვნელობა==== <br /> სამეურნეო მნიშვნელობა არა აქვს.<br /> <br /> ==წყარო==<br /> [[საქართველოს ფრინველების სარკვევი]]<br /> [[კატეგორია:ფრინველები]]<br /> [[კატეგორია:ბეღურასნაირნი]]<br /> [[კატეგორია:ჭვინტაკასებრნი]]<br /> [[კატეგორია:ჭვინტაკა]]</div>

Echelidze