https://www.nplg.gov.ge/wikidict/index.php?action=history&feed=atom&title=%E1%83%90%E1%83%9B%E1%83%90%E1%83%A0%E1%83%90_%28%E1%83%99%E1%83%A3%E1%83%A0%E1%83%9D%E1%83%A0%E1%83%A2%E1%83%98%29 2026-05-09T09:32:47Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%90%E1%83%9B%E1%83%90%E1%83%A0%E1%83%90_(%E1%83%99%E1%83%A3%E1%83%A0%E1%83%9D%E1%83%A0%E1%83%A2%E1%83%98)&diff=244125&oldid=prev 2025-04-12T14:40:21Z

<p>ახალი გვერდი: &#039;&#039;&#039;ამარა&#039;&#039;&#039; – (ინგლ. Amara, რუს. Амара), ბალნეო-პელოიდო-კლიმატური კურორტ...</p> <p><b>ახალი გვერდი</b></p><div>'''ამარა''' – (ინგლ. Amara, რუს. Амара), ბალნეო-პელოიდო-კლიმატური კურორტი [[რუმინეთი|რუმინეთში]], კიმპიის ბერეგანულუის ცენტრალურ ნაწილში, ქ. სლობოძეადან 7 კმ-ში, ჩრდილო-დასავლეთით. მდებარეობს ამარას ტბის ჩრდილო-დასავლეთ ნაპირზე. ზღვის დონიდან 30 მ-ის სიმაღლეზე. [[რელიეფი (გეოგრაფია)|რელიეფი]] – ბორცვიანი. <br /> <br /> '''ჰავა''' – ზომიერად კონტინენტური, ველის. ზამთარი ზომიერად ცივია. იანვრის საშუალო ტემპერატურაა -3°C. ზაფხული თბილია და მშრალი. აგვისტოს საშუალო ტემპერატურაა 22°C. საშუალო წლიური ტემპერატურაა 10,3°C. საშუალო ფარდობითი ტენიანობა შეადგენს 63%-ს, ხოლო ნალექების წლიური რაოდენობა – 500 მმ-ს. ზაფხულში გაბატონებულია აღმოსავლეთისა და სამხრეთ-აღმოსავლეთის, ხოლო ზამთარში – ჩრდილო-აღმოსავლეთის ქარები. <br /> <br /> კურორტის ტერიტორია დაფარულია ხეხილის ბაღებითა და ვენახებით, ხოლო მისი მიდამოების ტერიტორია – ველის მცენარეულობით – ბალახებით (წივანა, ვაციწვერა, თივაქასრა, კეწეწურა და სხვ.), ბუჩქებით (ქონდარა [[ნუში]], [[გრაკლა]], ყორღანი და სხვ.) და ნახევარბუჩქებით. <br /> <br /> '''ამარას ბუნებრივი სამკურნალო ფაქტორებია:''' ამარას ტბის დაბალი მინერალიზაციის (M – 9,88 გ/დმ&lt;sup&gt;3&lt;/sup&gt;) ტუტე სულფიდურ-ქლორიდული, მაგნიუმიანი მინერალური წყალი, რომელიც შეიცავს ბრომის იონებს; ამარას ტბის ლამის სულფიდური სამკურნალო ტალახი; სუსტი მინერალიზაციის სულფატურ-ჰიდროკარბონატული, ნატრიუმიან-მაგნიუმიანი მინერალური წყალი; ველის ჰავა.<br /> <br /> '''ამარას ბუნებრივი სამკურნალო ფაქტორების გამოყენების მეთოდებია:''' ამარას ტბის მინერალური წყლის აბაზანები და შესხურებები ამ წყლით; სულფატურ-ჰიდროკარბონატული, ნატრიუმიან-მაგნიუმიანი მინერალური წყლის პერორალური მიღება (დალევა), გამორეცხვები და ინჰალაციები ამ წყლით; სამკურნალო ტალახის აბაზანები, აპლიკაციები და ტამპონები; ჰაერისა და მზის აბაზანები, პასიური კლიმატოთერაპია.<br /> <br /> '''ჩვენებები ამარაში წასასვლელად:''' საყრდენ-სამოძრაო აპარატის, პერიფერიული ნერვული სისტემის, შარდ-სასქესო ორგანოების, კანის, ცხვირისა და ყელის დაავადებები; კუჭ-ნაწლავის, ღვიძლის, ნაღველგამომყოფი გზებისა და პანკრეასის ქრონიკული პათოლოგიები; ნივთიერებათა ცვლისა და ენდოკრინული სისტემის ფუნქციური დარღვევები. <br /> <br /> ===== ტურისტული ობიექტები: ===== <br /> ამარაში (დენდრარიუმი, ჟეგალიის ცხენების ჯოგი და სხვ.), &lt;br /&gt;<br /> ქ. სლობოძეაში (მუნიციპალიტეტის შენობა (XVIII საუკუნე); მუზეუმები – მუნიციპალური და სოფლის მეურნეობის; წმიდა ვოევოდების სახელობის რუმინული ეკლესია (1628 წელი); სამონადირეო რეზერვაციები – ლუნკა იალომიცეში, სუდიცში, კრინგულ ფრუმოსში და ბუეშტში; კულტურის ცენტრი „იონელ პერლია“ და სხვ.).<br /> <br /> == წყარო==<br /> [[მსოფლიო კურორტები და საკურორტო ადგილები: მცირე ენციკლოპედია]]<br /> <br /> [[კატეგორია:კურორტები]]<br /> [[კატეგორია:კურორტები რუმინეთში]]<br /> [[კატეგორია:ბალნეოლოგიური კურორტები]]<br /> [[კატეგორია:კლიმატური კურორტები]]</div>

Tkenchoshvili