https://www.nplg.gov.ge/wikidict/index.php?action=history&feed=atom&title=%E1%83%90%E1%83%A0%E1%83%90%E1%83%91%E1%83%90 2026-05-01T12:54:41Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%90%E1%83%A0%E1%83%90%E1%83%91%E1%83%90&diff=244342&oldid=prev 2025-04-17T17:10:05Z

<p>ახალი გვერდი: &#039;&#039;&#039;არაბა&#039;&#039;&#039; – (ინგლ. Araba, რუს. Араба), მთის კლიმატური, სამთო-სათხილამუ...</p> <p><b>ახალი გვერდი</b></p><div>'''არაბა''' – (ინგლ. Araba, რუს. Араба), მთის კლიმატური, სამთო-სათხილამურო კურორტი [[იტალია]]ში, ბელუნოს პროვინციაში, ქ. ბოლცანოდან 75, ხოლო კურორტ ბორმიოდან 42 კმ-ში, ჩრდილო-დასავლეთით და ქ. ინსბრუკიდან 73 კმ-ში, სამხრეთ-დასავლეთით. მდებარეობს დოლომიტის ალპების ცენტრში, სელის მთიანი მასივის ძირში, მარმოლადის მთის ჩრდილოეთით, ლივინალონგოს ველზე, ზღვის დონიდან 1600-1640 მ-ის სიმაღლეზე. [[რელიეფი (გეოგრაფია)|რელიეფი]] – მთაგორიანი.<br /> <br /> '''ჰავა''' – ზომიერად კონტინენტური, საშუალო მთის ზედა სარტყლის. ზამთარი ზომიერად ცივია და ხანგრძლივი. თოვლის საფარი მდგრადია. იანვრის საშუალო ტემპერატურაა -6°C. ზაფხული გრილია და ხანმოკლე. აგვისტოს საშუალო ტემპერატურაა 16°C. ნალექების წლიური რაოდენობა შეადგენს 1200 მმ-ს. წვიმები უფრო ხშირია სექტემბერში.<br /> <br /> არაბასა და მისი მიდამოების ტერიტორია დაფარულია წიწვოვანი ([[სოჭი]], [[ფიჭვი]], [[ნაძვი]]) ტყეებითა და კორომებით.<br /> <br /> '''არაბას ბუნებრივი სამკურნალო ფაქტორებია:''' საშუალო მთის ზედა სარტყლის ჰავა; იონებითა და ფიტონციდებით გაჯერებული მთის ჰაერი.<br /> <br /> '''არაბას ბუნებრივი სამკურნალო ფაქტორის გამოყენების მეთოდია''' პასიური კლიმატოთერაპია.<br /> <br /> '''ჩვენებები არაბაში წასასვლელად: დასვენება;''' თხილამურებით სრიალი და ციგურაობა ზამთარში; ფილტვების ქრონიკული არასპეციფიკური დაავადებები; ნივთიერებათა ცვლისა და ცენტრალური ნერვული სისტემის ფუნქციური დარღვევები.<br /> <br /> ===== ტურისტული ობიექტები: ===== <br /> კურორტ არაბასა და მის მიდამოებში (ყოვლადქებულთა, თავთა მოციქულთა წმიდათა პეტრესა და პავლეს სახელობის რომაულ- კათოლიკური ეკლესია (XVII საუკუნე); [[I მსოფლიო ომი 1914–18|I მსოფლიო ომი]]ს მუზეუმი, ზღვის დონიდან 1950 მ-ის სიმაღლეზე; რომაულ-კათოლიკური სამლოცველო (XIX საუკუნე) მთა პუნტა-როკის მწვერვალზე, რომელშიც ასვენია იოანე-პავლე II-ის მიერ ნაკურთხი ყოვლადწმიდისა დედოფლისა ჩვენისა, ღვთისმშობლისა და მარადის ქალწულისა მარიამის ხატი „დოლომიტების დედოფალი“ და სხვ.), &lt;br /&gt;<br /> ქ. ინსბრუკში (უნივერსიტეტი (XVII საუკუნე); ქალაქის კოშკი (XIV-XVI საუკუნეები); ჰოფბურგის სასახლე (XIV-XVIII საუკუნეები); პროტესტანული ეკლესია – ჰოფკირხე (1553-1562 წლები); წმიდა ანას სვეტი (1706 წელი); მუზეუმები –მხარეთმცოდნეობის, ეთნოგრაფიული და ისტორიული; ოლიმპიური სტადიონი; ბოტანიკური ბაღი და სხვ.)<br /> <br /> == წყარო==<br /> [[მსოფლიო კურორტები და საკურორტო ადგილები: მცირე ენციკლოპედია]]<br /> <br /> [[კატეგორია: კურორტები]]<br /> [[კატეგორია:კურორტები იტალიაში]]<br /> [[კატეგორია:კლიმატური კურორტები]]<br /> [[კატეგორია:სამთო-სათხილამურო კურორტები]]</div>

Tkenchoshvili