https://www.nplg.gov.ge/wikidict/index.php?action=history&feed=atom&title=%E1%83%90%E1%83%A0%E1%83%96%E1%83%90%E1%83%99%E1%83%90%E1%83%9C%E1%83%98არზაკანი - რედაქტირების ისტორია2026-04-28T23:51:14Zამ გვერდის შესწორებათა ისტორია ვიკიშიMediaWiki 1.19.24https://www.nplg.gov.ge/wikidict/index.php?title=%E1%83%90%E1%83%A0%E1%83%96%E1%83%90%E1%83%99%E1%83%90%E1%83%9C%E1%83%98&diff=244357&oldid=prevTkenchoshvili: ახალი გვერდი: '''არზაკანი''' – (ინგლ. Arzakan, რუს. Арзакан), სოფელი და ბალნეო-კლიმატური...2025-04-18T12:17:40Z<p>ახალი გვერდი: '''არზაკანი''' – (ინგლ. Arzakan, რუს. Арзакан), სოფელი და ბალნეო-კლიმატური...</p>
<p><b>ახალი გვერდი</b></p><div>'''არზაკანი''' – (ინგლ. Arzakan, რუს. Арзакан), სოფელი და ბალნეო-კლიმატური, სამთო-სათხილამურო საკურორტო ადგილი სომხეთში, კოტაიკის ოლქის რაზდანის რაიონში, ქ. ერევნიდან 32 და ქ. ვაღარშაპატიდან (ქ. ეჩმიაძინიდან) 39 კმ-ში, ჩრდილო- აღმოსავლეთით, ქ. რაზდანიდან 9 და ქ. სევანიდან 19 კმ-ში, სამხრეთ-დასავლეთით. მდებარეობს მდინარე დალარის ხეობაში, ტახკუნიანცის ქედის ძირში, ზღვის დონიდან 1800-1900 მ-ის სიმაღლეზე. რელიეფი – მთაგორიანი.<br />
<br />
'''ჰავა''' – ზომიერად კონტინენტური, შუა მთის ზედა სარტყლის. ზამთარი ზომიერად ცივია და ხანგრძლივი. თოვლის საფარი მდგრადია. იანვრის საშუალო ტემპერატურაა -6,1°C. ზაფხული მშრალია და თბილი. აგვისტოს საშუალო ტემპერატურაა 27,3°C. საშუალო წლიური ტემპერატურაა 12,0°C. ნალექების წლიური რაოდენობა საშუალოდ შეადგენს 270 მმ-ს. წვიმების მაქსიმუმი მოდის გაზაფხულზე (102 მმ), ხოლო მინიმუმი – ზაფხულზე (37 მმ). მზის ნათების ხანგრძლივობა 2300 საათია წელიწადში.<br />
<br />
არზაკანის ტერიტორიაზე გავრცელებულია: [[ფიჭვი]], [[ნაძვი]], [[მუხა]], [[წაბლი]] და სხვადასხვა სახის ყვავილები. საკურორტო ადგილის მიდამოებში გვხვდება: წიფლნარი, მუხნარი, ფიჭვნარი და ნაძვნარი.<br />
<br />
'''არზაკანის ბუნებრივი სამკურნალო ფაქტორებია:''' სუბთერმული (t – 23°C) და თერმული (t – 42-50°C), დაბალი მინერალიზაციის (M –7-9გ/დმ<sup>3</sup>) ნახშირმჟავა, ჰიდროკარბონატულ-ქლორიდულ-ნატრიუმიანი მინერალური წყლები; შუა მთის ზედა სარტყლის ჰავა და აეროიონებითა და ფიტონციდებით გაჯერებული მთის ჰაერი.<br />
<br />
'''არზაკანის ბუნებრივი სამკურნალო ფაქტორების გამოყენების მეთოდებია:''' მინერალური წყლის აბაზანები და პერორალური მიღება (დალევა), ინჰალაციები, გამორეცხვები და შესხურებები აღნიშნული წყლით; პასიური კლიმატოთერაპია.<br />
<br />
'''ჩვენებები არზაკანში წასასვლელად:''' დასვენება; [[თხილამურები]]თ სრიალი და ციგურაობა ზამთარში; კუჭ-ნაწლავის, ღვიძლის, ნაღველგამომყოფი გზებისა და პანკრეასის ქრონიკული დაავადებები; საყრდენ-სამოძრაო აპარატის, პერიფერიული ნერვული სისტემის, კანის, შარდ-სასქესო ორგანოებისა და ფილტვების ქრონიკული არასპეციფიკური პათოლოგიები.<br />
<br />
===== ტურისტული ობიექტები: ===== <br />
სოფელ არზაკანში (ძველი სომხური სასაფლაო ხაჩქარების (ქვის ჯვრების) დიდი რაოდენობით (X-XIII საუკუნეები) და სხვ.); სოფელ არზაკანის მიდამოებში (სომხური სამოციქულო ეკლესიის ყოვლადწმიდისა დედოფლისა ჩვენისა, ღვთისმშობლისა და მარადის ქალწულისა მარიამის ნეხუცკის მონასტრის (X-XI საუკუნეები) ნაშთები; მდინარე დალარის ხეობა და სხვ.); <br />
<br />
<br />
== წყარო==<br />
[[მსოფლიო კურორტები და საკურორტო ადგილები: მცირე ენციკლოპედია]]<br />
<br />
[[კატეგორია: კურორტები]]<br />
[[კატეგორია:კურორტები სომხეთში]]<br />
[[კატეგორია:კლიმატური კურორტები]]<br />
[[კატეგორია:ბალნეოლოგიური კურორტები]]</div>Tkenchoshvili