https://www.nplg.gov.ge/wikidict/index.php?action=history&feed=atom&title=%E1%83%90%E1%83%A8%E1%83%94 2026-04-30T14:09:26Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%90%E1%83%A8%E1%83%94&diff=244602&oldid=prev 2025-04-23T17:53:53Z

<p>ახალი გვერდი: &#039;&#039;&#039;აშე&#039;&#039;&#039; – (ინგლ. Ashe, რუს. Аше), ზღვისპირა კლიმატური საკურორტო ადგი...</p> <p><b>ახალი გვერდი</b></p><div>'''აშე''' – (ინგლ. Ashe, რუს. Аше), ზღვისპირა კლიმატური საკურორტო ადგილი [[რუსეთის ფედერაცია|რუსეთის ფედერაციი]]ს ქ. სოჭის ლაზარევსკის რაიონში, კურორტ ლაზარევსკოედან 7, ხოლო ქ. სოჭიდან 52 კმ-ში, ჩრდილო-დასავლეთით და ქ. ტუაფსედან 23 კმ-ში, სამხრეთ-აღმოსავლეთით. მდებარეობს შავი ზღვის ნაპირზე, მდინარე აშეს ხეობაში. [[რელიეფი (გეოგრაფია)|რელიეფი]] – მთაგორიანი.<br /> <br /> '''ჰავა''' – ზღვისპირა, სუბტროპიკული. ზამთარი რბილია. იანვრის საშუალო ტემპერატურაა 8°С. ზაფხული თბილია. აგვისტოს საშუალო ტემპერატურაა 23°С. საშუალო წლიური ტემპერატურა არის 13,5°С, ხოლო ნალექების წლიური რაოდენობაა 1200 მმ. ნალექების მაქსიმუმი მოდის ზამთარზე, მინიმუმი – ზაფხულზე.<br /> <br /> აშეს პლაჟები შემოვლებულია: [[პალმა|პალმებით]], მაგნოლიებითა და კამელიებით. საკურორტო ადგილის ტერიტორია დაფარულია: ვენახებით, ხეხილის ბაღებით (ვაშლი, [[მსხალი]] და [[ბალი]]), კაკლისა და [[მუხა|მუხის]] ხეებით. აშეს მიდამოებში გავრცელებულია: ველური ვაშლის, მსხლის, [[ქლიავი]]სა და ბალის ნარგავები. ხეობები დაფარულია ფოთლოვანი (მუხა, [[რცხილა]], [[წაბლი]]) ტყით.<br /> <br /> '''აშეს ბუნებრივი სამკურნალო ფაქტორებია:''' ზღვისპირა სუბტროპიკული ჰავა, ზღვის მარილებით გაჯერებული ზღვისპირა ჰაერი და ზღვის წყალი.<br /> <br /> '''აშეს ბუნებრივი სამკურნალო ფაქტორების გამოყენების მეთოდია''' თალასოთერაპია (ჰაერისა და მზის აბაზანები, ბანაობა ზღვაში წელიწადის თბილ პერიოდში; პასიური კლიმატოთერაპია მთელი წლის განმავლობაში და სხვ.).<br /> <br /> '''ჩვენებები აშეში წასასვლელად''': დასვენება; გულ-სისხლძარღვთა სისტემისა და ფილტვების ქრონიკული, არასპეციფიკური დაავადებები; ნივთიერებათა ცვლისა და ცენტრალური ნერვული სისტემის ფუნქციური დარღვევები.<br /> <br /> ===== ტურისტული ობიექტები: ===== <br /> კურორტ აშეს მიდამოებში ([[დოლმენი|დოლმენები]] (ძვ.წ. III-II ათასწლეულები) აულ შხაფათში; მამედის ხეობა; მოხუცებისა და ჩახუტების კლდეები; მდინარე აშეს ხეობა; ჩანჩქერები – „პატარძლების,“ „ფსედახი“ და „შაფსუგი“; „კუდიანების“ მღვიმე და სხვ.), &lt;br /&gt;<br /> კურორტ ლაზარევსკოეზე (მართლმადიდებლური ეკლესიები − ყოვლადწმიდისა დედოფლისა ჩვენისა, ღვთისმშობლისა და მარადის ქალწულისა მარიამის შობის სახელობის (1903 წელი) და მირონ-ლუკიის მთავარეპისკოპოსისა, საკვირველთმოქმედისა წმიდა ნიკოლოზის სახელობის (1999 წელი); ლაზარევსკის რაიონის ისტორიის მუზეუმი; ოკეანარიუმი „ტროპიკული ამორძალი“ და ტერარიუმი; აკვაპარკები „ზღვის ვარსკვლავი“ და „ნაუტილუსი“; ღამის კლუბები – „პარადიზი“, „ატლანტისი“ და „U-2;“ ა. ოდოევსკის ძეგლი და სხვ.), კურორტ ლაზარევსკოეს მიდამოებში (დაბა დაგომისში – ყოვლადწმიდისა დედოფლისა ჩვენისა, ღვთისმშობლისა და მარადის ქალწულისა მარიამის ყაზანის ხატის სახელობის მართლმადიდებლური ეკლესია (1912-1917 წლები) და რუსეთის სამეფო ოჯახის მოწამეთა სახელობის მართლმადიდებლური სამლოცველო (2000 წელი); გამაჯანსაღებელი კომლექსი „დაგომისი“; დაბა სოლოხაულში – ჯვართამაღლების სახელობის მართლმადიდებლური მამათა მონასტერი (2000 წელი); აულ თხაგაფშში – [[მეჩეთი]] (XIX საუკუნის 90-იანი წლები); კურორტ ლოოში – ბიზანტიური მართლმადიდებლური ტაძრის ნანგრევები (აშენებული იყო X-XII საუკუნეებში, დაინგრა XIII საუკუნეში, აღადგინეს XIV საუკუნეში და XV-XVI საუკუნეებში გადაკეთდა ციხესიმაგრედ) და წმიდა ოვანესის სახელობის სომხური სამოციქულო ეკლესია (2006 წელი); დაბა გოლოვინკაში – მოციქულთა სწორისა, ქალწულისა წმიდა ნინოს სახელობის მართლმადიდებლური ეკლესია (2009-2014 წლები); დაბა კალინოვკაში - წმიდა სარქისის (სურბ სარქის) სახელობის სომხური სამოციქულო ეკლესია (1993 წელი); კიბორჩხალების ხეობა; სვირის ხეობა და სხვ.). <br /> <br /> == წყარო==<br /> [[მსოფლიო კურორტები და საკურორტო ადგილები: მცირე ენციკლოპედია]]<br /> <br /> [[კატეგორია:კურორტები რუსეთში]]<br /> [[კატეგორია: კურორტები]]<br /> [[კატეგორია:ზღვისპირა კურორტები]]<br /> [[კატეგორია:კლიმატური კურორტები]]</div>

Tkenchoshvili