https://www.nplg.gov.ge/wikidict/index.php?action=history&feed=atom&title=%E1%83%90%E1%83%AD%E1%83%90%E1%83%9C%E1%83%93%E1%83%90%E1%83%A0%E1%83%90აჭანდარა - რედაქტირების ისტორია2026-06-15T00:44:04Zამ გვერდის შესწორებათა ისტორია ვიკიშიMediaWiki 1.19.24https://www.nplg.gov.ge/wikidict/index.php?title=%E1%83%90%E1%83%AD%E1%83%90%E1%83%9C%E1%83%93%E1%83%90%E1%83%A0%E1%83%90&diff=244605&oldid=prevTkenchoshvili: ახალი გვერდი: '''აჭანდარა''' – (ინგლ. Achandara, რუს. Ачандара), ბალნეო-კლიმატური საკურორ...2025-04-23T18:54:45Z<p>ახალი გვერდი: '''აჭანდარა''' – (ინგლ. Achandara, რუს. Ачандара), ბალნეო-კლიმატური საკურორ...</p>
<p><b>ახალი გვერდი</b></p><div>'''აჭანდარა''' – (ინგლ. Achandara, რუს. Ачандара), ბალნეო-კლიმატური საკურორტო ადგილი [[საქართველო]]ში, აფხაზეთში, გუდაუთის მუნიციპალიტეტში, გუდაუთიდან 18 კმ-ში, ჩრდილო-აღმოსავლეთით, შავი ზღვიდან 13 კმ-ში, მდინარე ჭბაართსა და მდინარე დოხურთს შორის, ზღვის დონიდან 150 მ-ის სიმაღლეზე. [[რელიეფი (გეოგრაფია)|რელიეფი]] – გორაკ-ბორცვიანი დაბლობი.<br />
<br />
'''ჰავა''' – შავი ზღვის სუბტროპიკული, ნოტიო. ზამთარი რბილია, უთოვლო. იანვრის საშუალო ტემპერატურაა 6,2°C . ზაფხული თბილია. აგვისტოს საშუალო ტემპერატურაა 23,6°C. საშუალო წლიური ფარდობითი ტენიანობა 70%-ია, ხოლო ნალექების წლიური რაოდენობაა 1500 მმ.<br />
<br />
აჭანდარისა და მისი მიდამოების ტერიტორიაზე შემორჩენილია: [[მურყანი|მურყნის]], [[ოფი]]ს, [[ტირიფი]]სა და სხვა ლიანებიანი ტყეები. აღნიშნული ტერიტორია შემოსილია მარადმწვანე კოლხური ტყით ([[ქართული მუხა]], [[რცხილა]], [[წიფელი]], [[ცაცხვი]], [[წაბლი]] და სხვ.). ამ ტყის ქვეტყეში გვხვდება: [[შქერი]], [[ბაძგი]], [[თაგვისარა]], [[ბზა]] და სხვ. ბევრია [[ლიანები]] ([[სურო]], [[ეკალღიჭი]], [[კატაბარდა]], [[ღვედკეცი]], [[სვია]]).<br />
<br />
'''აჭანდარის ბუნებრივი სამკურნალო ფაქტორებია:''' სუბთერმული მინერალური წყლები; სუბტროპიკული ჰავა და ზღვის მარილებით გაჯერებული ზღვისპირა ჰაერი.<br />
<br />
აჭანდარისა და მისი მიდამოების ტერიტორიაზე მდებარეობს მინერალური წყლების 3 გამოსავალი. ერთი გამოსავლის წყალი (ჭაბურღილი №35) არის სუსტი მინერალიზაციის (M-2,21 გ/დმ<sup>3</sup>) მეთანიანი, ქლორიდულ-ნატრიუმიანი მინერალური წყალი, მეორე გამოსავლის წყალი – დაბალი მინერალიზაციის (M-5,3 გ/დმ<sup>3</sup>) მეთანიანი, ქლორიდულ-ნატრიუმიანი მინერალური წყალი. მესამე გამოსავლის წყალი სუსტი მინერალიზაციის (M-1,83 გ/დმ<sup>3</sup>) ქლორიდულ-სულფატურ- ჰიდროკარბონატული, ნატრიუმიან-კალციუმიანი მინერალური წყალია.<br />
<br />
'''აჭანდარის ბუნებრივი სამკურნალო ფაქტორების გამოყენების სავარაუდო მეთოდებია''': ქლორიდულ-სულფატურ-ჰიდროკარბონატული მინერალური წყლის პერორალური მიღება (დალევა) და გამორეცხვები, შესხურებები და ინჰალაციები ამ წყლით; მეთანიანი მინერალური წყლების აბაზანები; პასიური კლიმატოთერაპია.<br />
<br />
'''სავარაუდო ჩვენებები აჭანდარაში წასასვლელად:''' დასვენება; ფილტვების ქრონიკული, არასპეციფიკური და გულ-სისხლძარღვთა სისტემის, კუჭ-ნაწლავის, ღვიძლისა და ნაღველგამომყოფი გზების დაავადებები; შაქრიანი დიაბეტის ინსულინდამოუკიდებელი ფორმა; ნივთიერებათა ცვლისა და ცენტრალური ნერვული სისტემის ფუნქციური დარღვევები; კანის, შარდ-სასქესო ორგანოების, საყრდენ-სამოძრაო აპარატისა და პერიფერიული ნერვული სისტემების პათოლოგიები.<br />
<br />
<br />
== წყარო==<br />
[[მსოფლიო კურორტები და საკურორტო ადგილები: მცირე ენციკლოპედია]]<br />
[[კატეგორია:საკურორტო ადგილები საქართველოში]]<br />
[[კატეგორია: კურორტები]]<br />
[[კატეგორია:ბალნეოლოგიური კურორტები]]<br />
[[კატეგორია:კლიმატური კურორტები]]</div>Tkenchoshvili