https://www.nplg.gov.ge/wikidict/index.php?action=history&feed=atom&title=%E1%83%90%E1%83%AE%E1%83%94%E1%83%9C%E1%83%99%E1%83%98%E1%83%A0%E1%83%AE%E1%83%98ახენკირხი - რედაქტირების ისტორია2026-05-07T09:21:05Zამ გვერდის შესწორებათა ისტორია ვიკიშიMediaWiki 1.19.24https://www.nplg.gov.ge/wikidict/index.php?title=%E1%83%90%E1%83%AE%E1%83%94%E1%83%9C%E1%83%99%E1%83%98%E1%83%A0%E1%83%AE%E1%83%98&diff=244438&oldid=prevTkenchoshvili: ახალი გვერდი: '''ახენკირხი''' – (ინგლ. Achenkirch, რუს. Ахенкирх), კლიმატური, სამთო-სათხილ...2025-04-21T21:10:59Z<p>ახალი გვერდი: '''ახენკირხი''' – (ინგლ. Achenkirch, რუს. Ахенкирх), კლიმატური, სამთო-სათხილ...</p>
<p><b>ახალი გვერდი</b></p><div>'''ახენკირხი''' – (ინგლ. Achenkirch, რუს. Ахенкирх), კლიმატური, სამთო-სათხილამურო კურორტი დასავლეთ [[ავსტრია]]ში, ტიროლში, შვაცის ოლქში, კურორტ ახენზეეჰოფიდან 2,3 კმ-ში, ჩრდილოეთით, ქ. ინსბრუკიდან 53,5 კმ-ში, ჩრდილო- აღმოსავლეთით. მდებარეობს [[ალპები|ალპებში]], კარვანდელისა და როფანის მთაგრეხილებს შორის, ახენტალის ველზე, ახენზეეს ტბის ჩრდილო ნაპირზე, ზღვის დონიდან 930 მ-ის სიმაღლეზე. [[რელიეფი (გეოგრაფია)|რელიეფი]] – მთაგორიანი.<br />
<br />
'''ჰავა''' – ზომიერად კონტინენტური, დაბალი მთის. ზამთარი ზომიერად ცივია. თოვლის საფარი მდგრადია. იანვრის საშუალო ტემპერატურაა -3,3°C. ზაფხული გრილია და წვიმიანი. ივლისის საშუალო ტემპერატურაა 16°C. საშუალო წლიური ტემპერატურაა 6,7°C, ხოლო ნალექების წლიური რაოდენობა – 988 მმ. ნალექების მაქსიმუმი მოდის ზაფხულზე (398 მმ), ხოლო მინიმუმი – ზამთარზე (155 მმ). ყველაზე ნალექიანი თვეა ივლისი (143 მმ), ყველაზე მშრალი – თებერვალი (45 მმ).<br />
<br />
ახენკირხის ტერიტორიაზე გავრცელებულია: ხეხილის ბაღები (ვაშლი, [[ქლიავი]], [[მსხალი]] და სხვ.), ვენახები, [[მუხა|მუხის]], [[წიფელი|წიფლისა]] და [[ნაძვი]]ს ნარგავები. კურორტის მიდამოებში გვხვდება: ნაძვნარი, წიფლნარი და ალპური მდელოები.<br />
<br />
'''ახენკირხის ბუნებრივი სამკურნალო ფაქტორებია''' დაბალი მთის ჰავა, ფიტონციდებითა და მსუბუქი აეროიონებით გაჟღენთილი მთისა და ტბისპირა ჰაერი, ტბის წყალი.<br />
<br />
'''ახენკირხის ბუნებრივი სამკურნალო ფაქტორების გამოყენების მეთოდებია:''' ბანაობა ტბაში, ჰაერისა და მზის აბაზანები წელიწადის თბილ პერიოდში; პასიური კლიმატოთერაპია მთელი წლის განმავლობაში.).<br />
<br />
ჩვენებები ახენკირხში წასასვლელად: დასვენება; ზამთარში – სრიალი [[თხილამურები]]თა და სნოუბორდით; ციგაობა, ციგურაობა, სეირნობა ძაღლებიანი მარხილით და სხვ.; წელიწადის თბილ პერიოდში – სერფინგი, ვინდსერფინგი, ჰალფპაიპი, მაუნთ-ბაიკი და სხვ.; ნივთიერებათა ცვლისა და ცენტრალური ნერვული სისტემის ფუნქციური დარღვევები.<br />
<br />
===== ტურისტული ობიექტები: ===== <br />
ურორტ ახენკირხში – ახენკირხის წმიდა იოანე ნათლისმცემლის სახელობის რომაულ- კათოლიკური ეკლესია (XVIII საუკუნე); ქალაქის ევანგელისტურ-ლუთერანული ეკლესია (XVI საუკუნე); ოჯახური ფერმა-მუზეუმი Hematmuseum Sixenhof (აშენდა 1361 წელს, დაიწვა და ხელახლა აშენდა 1810 წელს), თავგადასავლების პარკი, ჩანჩქერები, ბუნებრივი ნაკრძალი და სხვ.; კურორტ პერტისაუში – პერტისაუს ყოვლადწმიდა სამების სახელობის რომაულ-კათოლიკური ეკლესია (XIX საუკუნე), ბუნებრივი ნაკრძალი-ზოოპარკი და სხვ.; კურორტ მაურახში – მაურახის ყოვლადწმიდა მარიამის სახელობის რომაულ-კათოლიკური ეკლესია, ჩანჩქერი, [[ალკოჰოლური სასმელები]]ს ქარხანა და სხვ.).<br />
<br />
<br />
== წყარო==<br />
[[მსოფლიო კურორტები და საკურორტო ადგილები: მცირე ენციკლოპედია]]<br />
<br />
<br />
[[კატეგორია: კურორტები]]<br />
[[კატეგორია: კურორტები ავსტრიაში]]<br />
[[კატეგორია:კლიმატური კურორტები]]<br />
[[კატეგორია:სამთო-სათხილამურო კურორტები]]</div>Tkenchoshvili