https://www.nplg.gov.ge/wikidict/index.php?action=history&feed=atom&title=%E1%83%90%E1%83%AE%E1%83%9B%E1%83%90%E1%83%9C%E1%83%99%E1%83%90ახმანკა - რედაქტირების ისტორია2026-06-16T15:14:38Zამ გვერდის შესწორებათა ისტორია ვიკიშიMediaWiki 1.19.24https://www.nplg.gov.ge/wikidict/index.php?title=%E1%83%90%E1%83%AE%E1%83%9B%E1%83%90%E1%83%9C%E1%83%99%E1%83%90&diff=244437&oldid=prevTkenchoshvili: ახალი გვერდი: '''ახმანკა''' – (ინგლ. Akhmanka, რუს. Ахманка), პელოიდოთერაპიული საკურორტ...2025-04-21T20:56:11Z<p>ახალი გვერდი: '''ახმანკა''' – (ინგლ. Akhmanka, რუს. Ахманка), პელოიდოთერაპიული საკურორტ...</p>
<p><b>ახალი გვერდი</b></p><div>'''ახმანკა''' – (ინგლ. Akhmanka, რუს. Ахманка), პელოიდოთერაპიული საკურორტო ადგილი [[რუსეთის ფედერაცია]]ში, ტიუმენის ოლქის ნიჟნაია ტავდის რაიონში, დაბა ნიჟნაია ტავდიდან 68, ხოლო ქ. ტიუმენიდან 70 კმ-ში, ჩრდილო-დასავლეთით. მდებარეობს ახმანკის ტბის ნაპირზე. [[რელიეფი]] – ვაკე.<br />
<br />
'''ჰავა''' – კონტინენტური. ზამთარი ცივია, ხანგრძლივი. თოვლის საფარი მდგრადია. იანვრის საშუალო ტემპერატურაა –14°C. ზაფხული გრილია და ხანმოკლე. ივლისის საშუალო ტემპერატურაა 18°C. ნალექების წლიური რაოდენობა შეადგენს 400 მმ-ს. წვიმები ძირითადად მოდის მაისსა და სექტემბერში. მზის ნათების ხანგრძლივობა საშუალოდ 2066 საათია წელიწადში.<br />
<br />
ახმანკა მდებარეობს ფიჭვნარში. საკურორტო ადგილის მიდამოებში გავრცელებულია: [[ნაძვი]], [[ლარიქსი]], [[ვერხვი]], [[არყის ხე]], ბუჩქოვანი [[ტირიფი]], მოცვი და სხვ.<br />
<br />
'''ახმანკის ბუნებრივი სამკურნალო ფაქტორია''' ახმანკის ტბის საპროპელის ტალახი, რომელიც შეიცავს: ცილას, ვიტამინებს, ჰორმონებსა და ანტიბიოტიკებს. <br />
<br />
'''ახმანკაში ბუნებრივი სამკურნალო ფაქტორის გამოყენების მეთოდებია:''' სამკურნალო ტალახის აბაზანები, აპლიკაციები და ტამპონები.<br />
<br />
'''ჩვენებები ახმანკაში წასასვლელად:''' საყრდენ-სამოძრაო აპარატის, პერიფერიული ნერვული სისტემისა და შარდ-სასქესო ორგანოების დაავადებები.<br />
<br />
===== ტურისტული ობიექტები: ===== <br />
საკურორტო ადგილ ახმანკის მიდამოებში (ახმანკის ტბის მიდამოები), დაბა ნიჟნაია ტავდასა და მის მიდამოებში (ყოვლადწმიდა სამების სახელობის მართლმადიდებლური ტაძარი (აშენდა 1906 წელს, იყო რეკონსტრუირებული 2006-2007 წლებში); მხარეთმცოდნეობის მუზეუმი „სიბირსკოე პოდვორიე“; ქარაბაშის თახვების ნაკრძალი; ტიუმენის ბიოლოგიური ნაკრძალი; რეგიონალური მნიშვნელობის ზოოლოგიური ნაკრძალი „ტროიცკიი“; არქეოლოგიის ძეგლი „ველიჟანი-2“; ბუნების რეგიონალური ძეგლები – ზამოროვსკი, ვესელაია გრივა, ნოვოარაქჩინსკი, იშიმბაი და სხვ.) და ქ. ტიუმენში (თათართა ძველი ნაქალაქარის (X-XVI საუკუნეები) ნანგრევები; ყოვლადწმიდა სამების სახელობის მართლმადიდებლური მამათა მონასტერი (დაარსდა 1616 წელს) და ამ მონასტრის ტაძარი (1709-1715 წლები); წმიდა ელიას სახელობის მართლმადიდებლური დედათა მონასტერი (დაარსდა 1601 წელს) და ამ მონასტრის წმიდა ელიას სახელობის ეკლესია (XVIII საუკუნე); მართლმადიდებლური ეკლესიები – ყველაწმიდას სახელობის (1838 წელი), ჯვართამაღლების სახელობის (1791 წელი), მთავარანგელოზ მიქაელის სახელობის (XVIII საუკუნე) და უფალი ღვთისა და მაცხოვრისა ჩვენისა იესო ქრისტეს სახელობის (1794 წელი); მართლმადიდებლური საკათედრო ტაძარი (1768-1801 წლები); წმიდა იოზეფის სახელობის რომაულ-კათოლიკური ეკლესია (XX საუკუნის დასასრული); XX საუკუნეში აშენებული [[მეჩეთი|მეჩეთები]] (ტაძრის, კაზაროვის, მატმასოვის, სამლოცველო სახლი და ნიგმატულა ხაჯის); XX საუკუნის ბოლოს და XXI საუკუნის დასაწყისში აშენებული ან გახსნილი სხვადასხვა რელიგიური დაწესებულება (ევანგელისტურ-ქრისტიანების ეკლესია, ევანგელისტური ქრისტიან-[[ბაპტისტები]]ს ეკლესია; [[მე-7 დღის ადვენტისტები|მე-7 ადვენტისტები]]ს სასულიერო ცენტრი და სხვ.); ყოფილი კომერციული სასწავლებლის შენობა (1910-1914 წლები); ყოფილი ქარვასლის შენობა (1835-1838 წლები); ყოფილი ქალაქის გამგეობის შენობა (XIX საუკუნის დასაწყისი); საფოსტო კანტორის შენობა (1800-1805 წლები); მუზეუმები – მხარეთმცოდნეობის, „ძველი ტიუმენის ავეჯი“, სახვითი ხელოვნების, საავტორო თოჯინებისა და სათამაშოების, XIX-XX საუკუნეების სახლის ისტორიის; XVIII-XIX საუკუნეების საეკლესიო ნაგებობების კომპლექსი; ცირკი-სტუდია „იკარი“; შექსპირის ექსპერიმენტული თეატრი „EST“, გარდაქმნის თეატრი და სხვ.).<br />
<br />
<br />
== წყარო==<br />
[[მსოფლიო კურორტები და საკურორტო ადგილები: მცირე ენციკლოპედია]]<br />
<br />
<br />
[[კატეგორია: კურორტები]]<br />
[[კატეგორია: კურორტები რუსეთში]]<br />
[[კატეგორია:კლიმატური კურორტები]]<br />
[[კატეგორია:პელოიდოთერაპიული საკურორტო ადგილები]]</div>Tkenchoshvili