https://www.nplg.gov.ge/wikidict/index.php?action=history&feed=atom&title=%E1%83%90%E1%83%AE%E1%83%A2%E1%83%98 2026-04-28T21:02:37Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%90%E1%83%AE%E1%83%A2%E1%83%98&diff=244434&oldid=prev 2025-04-21T18:04:33Z

<p>ახალი გვერდი: &#039;&#039;&#039;ახტი&#039;&#039;&#039; – (ინგლ. Akhti, რუს. Ахты), ბალნეო-კლიმატური საკურორტო ადგილ...</p> <p><b>ახალი გვერდი</b></p><div>'''ახტი''' – (ინგლ. Akhti, რუს. Ахты), ბალნეო-კლიმატური საკურორტო ადგილი [[რუსეთის ფედერაცია]]ში, დაღესტანში, ახტის რაიონში, ქ. დერბენდიდან 110 კმ-ში, სამხრეთ-დასავლეთით და ქ. მაჰაჭყალიდან 250 კმ-ში. სამხრეთ-აღმოსავლეთით. მდებარეობს მდინარე ახტიჩაის ხეობაში, იქ, სადაც აღნიშნული მდინარე ერთვის მდინარე სემურს, ზღვის დონიდან 1050-1100 მ-ის სიმაღლეზე. რელიეფი –მთაგორიანი.<br /> <br /> '''ჰავა''' – ზომიერად კონტინენტური, შუა მთის ქვედა სარტყლის. ზამთარი რბილია. იანვრის საშუალო ტემპერატურაა 1,3°C. ზაფხული თბილია. ივლისის საშუალო ტემპერატურაა 21,5°C. საშუალო წლიური ტემპერატურაა 10,8°C. ნალექების წლიური რაოდენობა შეადგენს 399 მმ-ს. ნალექების მაქსიმუმი მოდის წელიწადის თბილ პერიოდზე (მაისი-სექტემბერი), ხოლო მინიმუმი – ზამთარზე. მზის ნათების ხანგრძლივობა 2553 საათია წელიწადში.<br /> <br /> ახტის ტერიტორია დაფარულია ხეხილის ბაღებით ([[გარგარი]], [[ბალი]], [[მსხალი]], [[ქლიავი]] და კენკროვანი მცენარეები). საკურორტო ადგილის მიდამოებში გავრცელებულია ველური ვაშლის ხეები და ბალახეულობის სხვადასხვა სახეობა (გლერძი, ჭანგა, ნაცრისფერ-ყვითელი [[ნარშავი]], დაღესტნური პირთეთრა და სხვ.).<br /> <br /> '''ახტის ბუნებრივი სამკურნალო ფაქტორებია:''' ტუტე მინერალური წყლები, შუა მთის ქვედა სარტყლის ჰავა და აეროიონებით გაჯერებული მთის ჰაერი.<br /> <br /> ახტიში გამოვლენილია მინერალური წყლის 14 წყარო. ეს წყლები შესაძლებელია დაიყოს 3 ძირითად ჯგუფად: გოგირდწყალბადიანი (სულფიდური), რადონული და იოდობრომიანი. გარდა ამისა, გამოვლენილია ჰიდროკარბონატული მინერალური წყალი. №№1-10 წყაროების წყალი თერმულია, №11-ის – სუბთერმული, ხოლო №№12-14-ის – ცივი.<br /> <br /> '''ახტის ბუნებრივი სამკურნალო ფაქტორების გამოყენების მეთოდებია:''' მინერალური წყლის აბაზანები და პერორალური მიღება (დალევა); ინჰალაციები, გამორეცხვები და შესხურებები აღნიშნული წყლით; პასიური კლიმატოთერაპია.<br /> <br /> '''ჩვენებები ახტიში წასასვლელად:''' დასვენება; კუჭ-ნაწლავის, ღვიძლისა და ნაღველგამომყოფი გზების, საყრდენ-სამოძრაო აპარატის, პერიფერიული ნერვული სისტემის, კანის, შარდ-სასქესო ორგანოებისა და ფილტვების ქრონიკული, არასპეციფიკური დაავადებები; შაქრიანი დიაბეტის ინსულინდამოუკიდებელი ფორმა; ნივთიერებათა ცვლისა და ცენტრალური ნერვული სისტემის ფუნქციური დარღვევები.<br /> <br /> ===== ტურისტული ობიექტები: ===== <br /> ახტისა და მის მიდამოებში ([[მეჩეთი|მეჩეთები]] – ახტისა (VIII საუკუნე) და ჯუმასი (1899 წელი) (უნდა აღინიშნოს, რომ ახტის მეჩეთი წარმოადგენს გადაკეთებულ V საუკუნის ქართულ მართლმადიდებლურ ეკლესიას, ხოლო ჯუმას მეჩეთი – გადაკეთებულ VI საუკუნის ქართულ მართლმადიდებლურ ეკლესიას); XVII საუკუნეში აშენებული 8 მეჩეთი, რომელთაგან 4 დღესაც ფუნქციონირებს; ციხესიმაგრე (1839 წელი); ხიდები მდინარე ახტიჩაიზე (XX საუკუნის დასაწყისი); მუზეუმები − მხარეთმცოდნეობის, კულტურისა და ხელოვნების; თაგირ ხრიუგსკის სახლ-მუზეუმი; პარკები და სხვ.) და ქ. დერბენდსა და მის მიდამოებში (დერბენდის კედელი (III-IV საუკუნეები); ჯუმას მეჩეთი (VIII- XIV საუკუნეები); მინარეთ-მეჩეთი (XIV-XIX საუკუნეები); [[მედრესე]] (XV-XIX საუკუნეები); [[სინაგოგა]] (XX საუკუნის II ნახევარი); კამაროვან-გუმბათოვანი აბანოები (XVII-XVIII საუკუნეები); ხანის მავზოლეუმი (XVIII საუკუნე); დერბენდის [[ციტადელი]] „ნარინ-ყალას“ (Vსაუკუნე) ნაშთები და ამ ციტადელში ხანის სასახლის (XVIII საუკუნე) ნანგრევები; სახვითი ხელოვნების მუზეუმი; დერბენდის სახელმწიფო ნაკრძალი-მუზეუმი და სხვ.).<br /> <br /> <br /> == წყარო==<br /> [[მსოფლიო კურორტები და საკურორტო ადგილები: მცირე ენციკლოპედია]]<br /> <br /> <br /> [[კატეგორია: კურორტები]]<br /> [[კატეგორია: კურორტები რუსეთში]]<br /> [[კატეგორია:კლიმატური კურორტები]]<br /> [[კატეგორია:ბალნეოლოგიური კურორტები]]</div>

Tkenchoshvili