https://www.nplg.gov.ge/wikidict/index.php?action=history&feed=atom&title=%E1%83%90%E1%83%AE%E1%83%A3%E1%83%9C%E1%83%98 2026-04-29T09:53:30Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%90%E1%83%AE%E1%83%A3%E1%83%9C%E1%83%98&diff=244431&oldid=prev 2025-04-21T17:32:43Z

<p>ახალი გვერდი: &#039;&#039;&#039;ახუნი&#039;&#039;&#039; – (ინგლ. Akhuni, რუს. Ахуны), ბალნეო-პელოიდო-კლიმატური კურორ...</p> <p><b>ახალი გვერდი</b></p><div>'''ახუნი''' – (ინგლ. Akhuni, რუს. Ахуны), ბალნეო-პელოიდო-კლიმატური კურორტი [[რუსეთის ფედერაცია]]ში, პენზის ოლქში, ქ. პენზის გარეუბანში, ქ. მოსკოვიდან 710 კმ-ში, აღმოსავლეთით. მდებარეობს ვოლგისპირა მაღლობზე, მდინარე სურის (მდინარე ვოლგის მარჯვენა შენაკადი) ნაპირზე, ზღვის დონიდან 115-230 მ-ის სიმაღლეზე. [[რელიეფი (გეოგრაფია)|რელიეფი]] – ბორცვიანი.<br /> <br /> '''ჰავა''' – კონტინენტური. ზამთარი ცივია. თოვლის საფარი მდგრადია. იანვრის საშუალო ტემპერატურაა -13°C. ზაფხული გრილია. ივლისის საშუალო ტემპერატურაა 19°C. ნალექების მაქსიმუმი მოდის ზაფხულზე (162 მმ), ხოლო მინიმუმი − გაზაფხულზე (110 მმ). მზის ნათების ხანგრძლივობა წელიწადში 1806 საათია.<br /> <br /> კურორტი მდებარეობს ფიჭვნარში. ახუნის მიდამოები, მდინარე სურის მარცხენა ნაპირზე, დაფარულია ფართოფოთლოვანი ტყეებით ([[ცაცხვი]], [[ნეკერჩხალი]], [[ვერხვი]] და [[არყის ხე]]). აღნიშნული მდინარის მარჯვენა ნაპირის ტერიტორიაზე გავრცელებულია ფართოფოთლოვანი ტყეები და ფიჭვნარი.<br /> <br /> '''ახუნის ბუნებრივი სამკურნალო ფაქტორებია:''' დაბალი მინერალიზაციის (M – 8 გ/დმ&lt;sup&gt;3&lt;/sup&gt;) ქლორიდულ-ნატრიუმიანი მინერალური წყალი, [[ტორფი]]ს სამკურნალო ტალახი და ფიჭვნარის ფიტონციდებით გაჯერებული ჰაერი.<br /> <br /> '''ახუნის ბუნებრივი სამკურნალო ფაქტორების გამოყენების მეთოდებია:''' მინერალური წყლის აბაზანები; ინჰალაციები და შესხურებები ამ წყლით; სამკურნალო ტალახის აბაზანები, აპლიკაციები და ტამპონები; პასიური კლიმატოთერაპია.<br /> <br /> '''ჩვენებები ახუნში წასასვლელად:''' დასვენება; საყრდენ-სამოძრაო აპარატის, პერიფერიული ნერვული სისტემისა და შარდ-სასქესო ორგანოების პათოლოგიები; ფილტვების ქრონიკული, არასპეციფიკური და გულ-სისხლძარღვთა სისტემის დაავადებები.<br /> <br /> ===== ტურისტული ობიექტები: ===== <br /> ქ. ახუნში (მირონ-ლუკიის მთავარეპისკოპოსისა და საკვირველთმოქმედისა წმიდა ნიკოლოზის სახელობის მართლმადიდებლური ხის ეკლესია (XIX საუკუნის დასასრული), მდინარე სურის ხეობა და სხვ.), &lt;br /&gt;<br /> ქ. ახუნის მიდამოებში (ძველი ნასოფლარის (ძვ.წ. I ათასწლეულის II ნახევარი) და ძველი ნაქალაქარის (IX-X საუკუნეები) ნარჩენები და სხვ.) და &lt;br /&gt;<br /> ქ. პენზაში (ყოვლადქებულთა, თავთა მოციქულთა პეტრესა და პავლეს სახელობის მართლმადიდებლური ტაძარი (XVII საუკუნე) და ამ ტაძრის სამრეკლო (XIX საუკუნე); უფლისა ღვთისა და მაცხოვრისა ჩვენისა იესო ქრისტეს ფერისცვალების სახელობის მართლმადიდებლური საკათედრო ტაძარი (XVIII-XIX საუკუნეები); მართლმადიდებლური ეკლესიები − ყოვლადწმიდისა დედოფლისა ჩვენისა, ღვთისმშობლისა და მარადის ქალწულისა მარიამის საფარველის სახელობის (XIX საუკუნე), სულიწმიდის გარდამოსვლის (სულთმოფენობის) სახელობისა (XIX საუკუნე) და წმიდა მიტროფანეს, ვორონეჟის ეპისკოპოსის სახელობის (XIX საუკუნე); ყოვლადწმიდა სამების სახელობის დედათა მართლმადიდებლური მონასტერი (დაარსდა 1690-1692 წლებში, დაიწვა 1770 წელს და აშენდა ახლიდან 1771-1789 წლებში); მუზეუმები − მხარეთმცოდნეობის (დაარსდა 1905 წელს), ქალაქის საფოსტო კავშირის, [[მეიერხოლდი ვსევოლოდ|მეიერხოლდი]]ს სახ. სასცენო ხელოვნების („მეიერხოლდის სახლი“), ლიტერატურული, სახალხო შემოქმედების, გ. მიასნიკოვის სახ. ერთი სურათის, ვ. კლიუჩევსკის, ი. ულიანოვის, ნ. ბურდენკოს და სხვ.; ლიტერატურულ-მემორიალური მუზეუმების სახელმწიფო გაერთიანება; კ. სავიცკის სახ. სამხატვრო გალერეა (დაარსდა 1892 წელს); ყოფილი გუბერნატორის სახლი (XVIII საუკუნე); გიმნაზიის შენობა (XIX საუკუნე); ქალაქის საავადმყოფო (1830 წელი); მუსიკალური სასწავლებლის შენობა (XIX საუკუნე); ბანკის შენობა (1907 წელი); სახალხო სახლის შენობა (1911-1916 წლები); მ. ლერმონტოვის სახ. ბიბლიოთეკა (XX საუკუნის დასაწყისი); შუქ-მუსიკალური ჩანჩქერები; გუგულიანი საათი; ბავშვთა რკინიგზა; პარკი-ნაკრძალი „ტარხანი“; პლანეტარიუმი; ზოოპარკი; ბოტანიკური ბაღი და სხვ.).<br /> <br /> <br /> == წყარო==<br /> [[მსოფლიო კურორტები და საკურორტო ადგილები: მცირე ენციკლოპედია]]<br /> <br /> [[კატეგორია: კურორტები]]<br /> [[კატეგორია:კურორტები რუსეთში]]<br /> [[კატეგორია:კლიმატური კურორტები]]<br /> [[კატეგორია:ბალნეოლოგიური კურორტები]]</div>

Tkenchoshvili