https://www.nplg.gov.ge/wikidict/index.php?action=history&feed=atom&title=%E1%83%90%E1%83%AE%E1%83%A5%E1%83%94%E1%83%A0%E1%83%A4%E1%83%98ახქერფი - რედაქტირების ისტორია2026-04-29T09:44:01Zამ გვერდის შესწორებათა ისტორია ვიკიშიMediaWiki 1.19.24https://www.nplg.gov.ge/wikidict/index.php?title=%E1%83%90%E1%83%AE%E1%83%A5%E1%83%94%E1%83%A0%E1%83%A4%E1%83%98&diff=244430&oldid=prevTkenchoshvili: ახალი გვერდი: '''ახქერფი''' – (Akherpi, Ахкерпи), ბალნეო-კლიმატური საკურორტო ადგილი [[ს...2025-04-21T17:21:08Z<p>ახალი გვერდი: '''ახქერფი''' – (Akherpi, Ахкерпи), ბალნეო-კლიმატური საკურორტო ადგილი [[ს...</p>
<p><b>ახალი გვერდი</b></p><div>'''ახქერფი''' – (Akherpi, Ахкерпи), ბალნეო-კლიმატური საკურორტო ადგილი [[საქართველო]]ში, მარნეულის მუნიციპალიტეტში, მარნეულიდან 60 კმ-ში, სამხრეთ-დასავლეთით, ლოქის ქედის ჩრდილო კალთაზე, მდინარე ახქერფის (მდინარე ბოლნისისწყლის შენაკადი) ნაპირებზე, ზღვის დონიდან 1010-1040 მ-ის სიმაღლეზე. [[რელიეფი]] – გორაკ-ბორცვიანი.<br />
<br />
დამტკიცებულია, როგორც საკურორტო ადგილი, საქართველოს პრეზიდენტის 2005 წლის 22 ივლისის№655 ბრძანებულებით.<br />
<br />
'''ჰავა''' – საშუალო მთის ქვედა სარტყლის, შეხამებული ველის ჰავასთან. ზამთარი ზომიერად ცივია. იანვრის საშუალო ტემპერატურაა -1,9°C. ზაფხული ხანგრძლივია და გრილი. აგვისტოს საშუალო ტემპერატურაა 19,5°C. საშუალო წლიური ტემპერატურაა 8,6°C. საშუალო წლიური ფარდობითი ტენიანობა შეადგენს 71%-ს, ხოლო ნალექების წლიური რაოდენობა − 550 მმ-ს. ნალექების მაქსიმუმი მოდის მაისზე, ხოლო მინიმუმი − იანვარზე.<br />
<br />
ახქერფსა და მის მიდამოებში გავრცელებულია მუხნარ-რცხილნარი. ყველაზე მაღალ ადგილებში გვხვდება წიფლნარი. უხვადაა ხვიარა მცენარეები: [[კატაბარდა]], [[ღვედკეცი]], [[ეკალღიჭი]] და სხვ. ქვეტყეში არის: [[ქაცვი]], კუნელი, [[იალღუნი]] და სხვ. <br />
<br />
'''ახქერფის ბუნებრივი სამკურნალო ფაქტორებია:''' მინერალური წყლები; მდინარე ახქერფის წყალი საშუალო მთის ქვედა სარტყლის ჰავა და აეროიონებითა და ფიტონციდებით გაჯერებული შუა მთის ჰაერი. ახქერფსა და მის მიდამებში მოიპოვება მინერალური წყლების 4 გამოსავალი. ერთი გამოსავლის წყალი არის სუსტი მინერალიზაციის (M-2,48 გ/დმ<sup>3</sup>) ჰიდროკარბონატული, ნატრიუმიან-მაგნიუმიან-კალციუმიანი მინერალური წყალი. მეორე გამოსავლის წყალი სუსტი მინერალიზაციის (M-2,91 გ/დმ<sup>3</sup>) სულფატურ-ჰიდროკარ- ბონატული, მაგნიუმიან-კალციუმიანი მინერალური წყალია. მესამე და მეოთხე გამოსავლების წყლები სუსტი მინერალიზაციის (M-1,2-1,7 გ/დმ<sup>3</sup>) ჰიდროკარბონატულ-სულფატური, კალციუმიან-ნატრიუმიანი მინერალური წყლებია.<br />
<br />
'''ახქერფის ბუნებრივი სამკურნალო ფაქტორების გამოყენების მეთოდებია:''' მინერალური წყლების პერორალური მიღება (დალევა) და კუჭ-ნაწლავის გამორეცხვები ამ წყლებით; ბანაობა მდინარეში; პასიური კლიმატოთერაპია.<br />
<br />
'''ჩვენებები ახქერფში წასასვლელად:''' დასვენება; კუჭ-ნაწლავის, ღვიძლისა და ნაღველგამომყოფი გზების პათოლოგიები; ნივთიერებათა ცვლის, ენდოკრინული და ცენტრალური ნერვული სისტემების ფუნქციური დარღვევები; ფილტვების ქრონიკული, არასპეციფიკური და გულ-სისხლძარღვთა სისტემის დაავადებები.<br />
<br />
<br />
== წყარო==<br />
[[მსოფლიო კურორტები და საკურორტო ადგილები: მცირე ენციკლოპედია]]<br />
<br />
[[კატეგორია: კურორტები]]<br />
[[კატეგორია:საკურორტო ადგილები საქართველოში]]<br />
[[კატეგორია:ნასოფლარები საქართველოში]]</div>Tkenchoshvili