https://www.nplg.gov.ge/wikidict/index.php?action=history&feed=atom&title=%E1%83%91%E1%83%90%E1%83%A6%E1%83%98%E1%83%A1_%E1%83%90%E1%83%A1%E1%83%9E%E1%83%A3%E1%83%AD%E1%83%90%E1%83%99%E1%83%90 2026-06-22T13:11:26Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%91%E1%83%90%E1%83%A6%E1%83%98%E1%83%A1_%E1%83%90%E1%83%A1%E1%83%9E%E1%83%A3%E1%83%AD%E1%83%90%E1%83%99%E1%83%90&diff=248758&oldid=prev 2025-05-30T10:31:16Z

<p>ახალი გვერდი: &#039;&#039;&#039;ბაღის ასპუჭაკა&#039;&#039;&#039; (&#039;&#039;ლათ&#039;&#039;. Sylvia borin Boddaert, 1783) − ფრინველი [[ბეღურასნაირ...</p> <p><b>ახალი გვერდი</b></p><div>'''ბაღის ასპუჭაკა''' (''ლათ''. Sylvia borin Boddaert, 1783) − ფრინველი [[ბეღურასნაირნი|ბეღურასნაირთა]] რიგიდან.<br /> * კლასი − ფრინველები (AVES)<br /> * რიგი − [[ბეღურასნაირნი]] (Passeriformes)<br /> * ოჯახი − [[ასპუჭაკასებრნი]] (Sylviidae)<br /> * გვარი − [[ასპუჭაკა]] (Sylvia)<br /> ბაღის ასპუჭაკა ბეღურაზე პატარა ფრინველია, ფრთა 73-83 მმ-ია, კუდი 50-60 მმ, [[ნისკარტი (ფრინველის)|ნისკარტი]] – 9-11 მმ, წონა – 15-25 გ. მამალი ოდნავ დიდია დედალზე. შეფერილობაში სქესობრივი დიმორფიზმი შეუმჩნეველია. ზრდასრული ფრინველი ზურგის მხარეს მორუხო-მურაა; მომქნევები და საჭის ბუმბულები მოწაბლისფროა, მაგრამ მეორე რიგის მომქნევების წვეროებზე ვიწრო მოთეთრო არშიებია. ყურების მფარავები მორუხო-ჟანგმიწისფერია. ყელი, მკერდი, მუცელი და კუდქვეშა ბუმბულები მორუხო-[[თეთრი (ფერი)|თეთრია]]. თვალებს ზემოთ ოდნავ შესამჩნევი ღია ფერის ზოლებია. შემოდგომით, ახალ ბუმბულსაფარველზე, ზურგის მხარეს წენგოსფერი ელფერი ჩნდება. ნისკარტი მოწაბლისფროა, ხოლო ფეხები – მოწაბლისფრო-[[რუხი (ფერი)|რუხი]]. <br /> <br /> აღწერილია 2 ქვესახეობა. [[საქართველო]]ში მოიპოვება ევროპული ბაღის ასპუჭაკა – S. b. borin Bodd., 1783.<br /> <br /> ====გავრცელება==== <br /> ბუდობს თითქმის მთელ [[ევროპა]]ში და დასავლეთ ციმბირში: [[დასავლეთი]]თ ჩრდილო-აღმოსავლეთი [[ესპანეთი]]დან და [[დიდი ბრიტანეთი|ბრიტანეთის]] კუნძულებიდან, [[აღმოსავლეთი]]თ – მდ. ენისეიმდე და ალტაის ჩრდილოეთ და დასავლეთ კალთებამდე; [[ჩრდილოეთი]] საზღვარი გადის სკანდინავიის ჩრდილოეთი ნაწილიდან კანდალაქშზე, [[არხანგელსკოე|არხანგელსკზე]], მდ. პეჩორასთან 63-ე პარალელზე, მდ. ობზე ბერიოზოვოსთან და ენისეისკზე; [[სამხრეთი]]თ მოიპოვება შუა ესპანეთამდე, სიცილიაზე, [[ალბანეთი|ალბანეთში]], [[ბულგარეთი|ბულგარეთში]]. ყირიმში, [[ამიერკავკასია]]ში, ვოლგისა და ურალის შესართავამდე და დასავლეთ ალტაიმდე. ზამთარს ატარებს ტროპიკულსა და სამხრეთ [[აფრიკა]]ში. საქართველოში მოიპოვება ყველგან, როგორც მობუდარი ფრინველი. <br /> <br /> ====ბიოტოპი==== <br /> ბინადრობს ძირითადად ბუჩქნარებში, მეჩხერი ტყის ქვე-ტყეში, ტყისპირებში, ბაღებსა და პარკებში.<br /> <br /> ====გამრავლება==== <br /> ბუდეს აკეთებს ერთობლივად ორივე სქესის ფრინველი. ბუდე მოთავსებულია ბუჩქზე, დაბალ [[ხე]]ზე, ზოგჯერ გვიმრაზე ან ხის გადანაჭერზე. მაისის მეორე ნახევარში, ზოგან ივნისის პირველ რიცხვებში დებს 4-6 კვერცხს. კრუხად ჯდება მორიგეობით ორივე მშობელი. საინკუბაციო პერიოდი 11-12 დღეს გრძელდება. არის ცნობები ივლისში მეორედ ბუდობის შესახებაც.<br /> <br /> ====კვება==== <br /> სხვა ასპუჭაკების მსგავსად, იკვებება ძირითადად [[მწერები]]თ, ხოლო ზაფხულის მეორე ნახევარში, მწერებთან ერთად, ჭამს კენკრასაც. <br /> <br /> ====მნიშვნელობა==== <br /> მავნე მწერების მასობრივად განადგურებით მნიშვნელოვანი სარგებლობა მოაქვს ტყის, ბაღებისა და პარკებისათვის. აქვს ესთეტიკური მნიშვნელობაც თავისი სასიამოვნო გალობის გამო.<br /> <br /> ==წყარო==<br /> [[საქართველოს ფრინველების სარკვევი]]<br /> [[კატეგორია:ფრინველები]]<br /> [[კატეგორია:ბეღურასნაირნი]]<br /> [[კატეგორია:ასპუჭაკასებრნი]]<br /> [[კატეგორია:ასპუჭაკა]]</div>

Echelidze