https://www.nplg.gov.ge/wikidict/index.php?action=history&feed=atom&title=%E1%83%91%E1%83%96%E1%83%94%E1%83%AC%E1%83%95%E1%83%98%E1%83%90 2026-05-03T15:26:46Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%91%E1%83%96%E1%83%94%E1%83%AC%E1%83%95%E1%83%98%E1%83%90&diff=247618&oldid=prev 2025-05-15T10:55:27Z

<p>ახალი გვერდი: &#039;&#039;&#039;ბზეწვია&#039;&#039;&#039; (&#039;&#039;ლათ&#039;&#039;. Motacilla cinerea Tunstall, 1771) − ფრინველი [[ბეღურასნაირნი|ბეღ...</p> <p><b>ახალი გვერდი</b></p><div>'''ბზეწვია''' (''ლათ''. Motacilla cinerea Tunstall, 1771) − ფრინველი [[ბეღურასნაირნი|ბეღურასნაირთა]] რიგიდან.<br /> * კლასი − ფრინველები (AVES)<br /> * რიგი − [[ბეღურასნაირნი]] (Passeriformes)<br /> * ოჯახი − [[ბოლოქანქარასებრნი]] (Motacillidae)<br /> * გვარი − [[ბოლოქანქარა]] (Motacilla)<br /> ბზეწვია პატარა ზომის ფრინველია, ფრთა 80-90 მმ-ია, კუდი – 75-105 მმ, [[ნისკარტი (ფრინველის)|ნისკარტი]] – 10-13 მმ, წონა – 14-21 გ. მამალი ცოტათი დიდია დედალზე. სქესთა შორის განსხვავება არის შეფერილობაშიც. ზაფხულში მამლის თავი, ყურების მფარავები, კისერი და ზურგი ნაცრისფერ-[[რუხი (ფერი)|რუხი]]ა; წელი და კუდზედა ბუმბულები მოყვითალო-[[მწვანე (ფერი)|მწვანე]]; მომქნევები მოშავო-მურა. მეორე რიგის უკანასკნელ მომქნევებს გარეთა მარაოებზე მოთეთრო ან მორუხო არშიები აქვთ. მურა ფერის ფრთებზე [[თეთრი (ფერი)|თეთრი]] განივი ზოლები წარმოქმნილია მეორე რიგის მომქნევების თეთრი ძირებით. ფრთების პატარა მფარავები რუხია, საშუალო და დიდი – მუქი მურა, ღია ფერის არშიებით. საჭის ბუმბულები მოშავო-მურაა, კიდურა სამი წყვილი თეთრია, მაგრამ მეორესა და მესამეს გარეთა მარაოებზე არის მურა ფერის არეებიც. ნისკარტის ძირიდან თავის გვერდებზე 2 თეთრი ზოლია: ერთი თვალების ზემოთ, ხოლო მეორე – ლოყების ქვემოთ. ნიკაპი და ყელი შავია. დანარჩენი ქვემო მხარე − [[ყვითელი (ფერი)|ყვითელი]]. ფრთების ქვემო მფარავები და იღლია თეთრია, ნისკარტი და ბრჭყალები – შავი, ფეხები − ღია მურა. შემოდგომით შავი ნიკაპი და ყელი თეთრით იცვლება. ზრდასრული დედალი ქვემო მხარეს ღია ყვითელია, ნიკაპი და ყელი თეთრი აქვს. თეთრი წარბები უფრო ვიწროა.<br /> <br /> აღწერილია 2-დან 6-მდე ქვესახეობა. [[საქართველო]]ში მოიპოვება ევროპული ბზეწვია – M. c. cinerea Tunst., 1771.<br /> <br /> ====გავრცელება====<br /> სახეობის ბუდობის არეალი მდებარეობს ბრიტანეთის კუნძულებზე, სკანდინავიის სამხრეთ სანაპირო ზოლში, [[ევროპა|ევროპის]] მთების სისტემებზე, ხმელთაშუა ზღვამდე და მის კუნძულებზე; კანარისა და აზორის კუნძულებზე, [[მაროკო]]ში და მთელ სამხრეთ [[აფრიკა]]ში, [[მადაგასკარი|მადაგასკარზე]]; მცირე [[აზია]]ში, [[ირანი|ირანში]], [[ავღანეთი|ავღანეთში]], ჩრდილოეთ [[ჩინეთი|ჩინეთსა]] და მანჯურიაში; სსრ კავშირში – კარპატებიდან და ყირიმიდან – შუა აზიაში, კამჩატკაზე, სახალინსა და კურილის კუნძულებამდე. ზამთრობს უპირატესად სამხრეთ აფრიკაში, აზიის სამხრეთ ნაწილში და ინდო-ავსტრალიის კუნძულებზე. საქართველოში ცნობილია როგორც მობინადრე ფრინველი.<br /> <br /> ====ბიოტოპი==== <br /> მთის [[მდინარე]]ების, ნაკადულებისა თუ სხვა წყალსატევების სანაპიროები ტყეში, ბუჩქნარებში, ქვა-ღორღიან ადგილებში. გვხვდება ქალაქებსა და სხვა დასახლებულ პუნქტებშიც, უფრო მრავლადაა 600-800 მ-ის სიმაღლეზე, თუმცა გვხვდება 2500-3000 მ-დეც ზ. დ. ზამთარში მთებიდან დაბლობებში ინაცვლებს.<br /> <br /> ====გამრავლება==== <br /> ბუდობს ცალკეულ წყვილებად. ბუდეს იკეთებს მიწაზე, ზოგან ქალაქებში მდინარის მახლობელი სახლების სახურავებს ქვეშ. წელიწადში მრავლდება 2-ჯერ (დასავლეთ ევროპაში 3-ჯერაც). პირველად მარტის ბოლოს ან აპრილის დასაწყისში, ხოლო მეორედ ივნისის შუა რიცხვებში დებს 5-6 კვერცხს. კრუხად მორიგეობით ჯდება ორივე სქესის ფრინველი. საინკუბაციო პერიოდის ხანგრძლივობა 12-14 დღემდე აღწევს.<br /> <br /> ====კვება==== <br /> უპირატესად იკვებება წყლისპირა [[მწერები]]თა და მათი [[ლარვა|ლარვებით]], აგრეთვე [[კიბოსნაირნი|კიბოსნაირებით]]. ხშირად პოულობს პატარა ზომის მწერებს წყლიდან მოშორებით ქვებზე, კლდეებსა და ფლატეებზეც.<br /> <br /> ====მნიშვნელობა==== <br /> კვების ხასიათის მიხედვით უთუოდ სასარგებლო ფრინველია.<br /> <br /> ==წყარო==<br /> [[საქართველოს ფრინველების სარკვევი]]<br /> [[კატეგორია:ფრინველები]]<br /> [[კატეგორია:ბეღურასნაირნი]]<br /> [[კატეგორია:ბოლოქანქარასებრნი]]<br /> [[კატეგორია:ბოლოქანქარა]]</div>

Echelidze