https://www.nplg.gov.ge/wikidict/index.php?action=history&feed=atom&title=%E1%83%91%E1%83%9D%E1%83%9A%E1%83%9D%E1%83%A8%E1%83%90%E1%83%95%E1%83%90 2026-04-29T02:19:40Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%91%E1%83%9D%E1%83%9A%E1%83%9D%E1%83%A8%E1%83%90%E1%83%95%E1%83%90&diff=248457&oldid=prev 2025-05-21T10:55:07Z

<p>ახალი გვერდი: &#039;&#039;&#039;ბოლოშავა&#039;&#039;&#039; (&#039;&#039;ლათ&#039;&#039;. Turdus pilaris Linnaeus, 1758) − ფრინველი [[ბეღურასნაირნი|ბეღ...</p> <p><b>ახალი გვერდი</b></p><div>'''ბოლოშავა''' (''ლათ''. Turdus pilaris Linnaeus, 1758) − ფრინველი [[ბეღურასნაირნი|ბეღურასნაირთა]] რიგიდან.<br /> * კლასი − ფრინველები (AVES)<br /> * რიგი − [[ბეღურასნაირნი]] (Passeriformes)<br /> * ოჯახი − [[შაშვისებრნი]] (Turdidae)<br /> * გვარი − [[შაშვი]] (turdus)<br /> ბოლოშავა საშუალო ზომის შაშვია, ფრთა 135-150 მმ-ია, კუდი – 95-115 მმ, [[ნისკარტი (ფრინველის)|ნისკარტი]] – 15-20 მმ, წონა – 85-130 გ. სქესთა შორის განსხვავება სიდიდესა და შეფერილობაში არაა ან უმნიშვნელოა. ზრდასრული ფრინველის თავი, კისერი, ზურგის უკანა ნაწილი და კუდზედა ბუმბულები [[რუხი (ფერი)|რუხი]]ა; თხემზე მუქი ღერძულა ხაზებია, ზურგის წინა ნაწილი მოწაბლისფრო-მურა. ფრთების ზემო მფარავები რუხია, მურა ელფერით; მომქნევები მოშავო-მურაა, მაგრამ უკანა მომქნევების გარეთა მარაოები რუხი. ნიკაპი, ყელი, ჩიჩახვი და მკერდი ჟანგმიწისფერ-მოყვითალოა, მუქი გასწვრივი წინწკლებით. სხეულის ქვემო მხარის დანარჩენი ნაწილი [[თეთრი (ფერი)|თეთრი]]ა, გვერდებზე მოწაბლისფრო წინწკლებით. იღლიისა და ფრთის ქვემო მფარავები თეთრია; საჭის ბუმბულები მოშავო-მურაა; ნისკარტის უმეტესი ნაწილი [[ყვითელი (ფერი)|ყვითელი]]ა, ხოლო წვეროში მუქი მურა. ფეხები მურა ფერისაა.<br /> <br /> აღწერილია 3 ქვესახეობა. [[საქართველო]]ში მოიპოვება დასავლური ბოლოშავა – T. p. subpilaris Brehm, 1831.<br /> <br /> ====გავრცელება====<br /> სახეობის ბუდობის არეალი მოიცავს ჩრდილო-აღმოსავლეთ [[ევროპა]]სა და ჩრდილო-დასავლეთ ციმბირს: [[დასავლეთი]]თ [[შვეიცარია]]მდე და აღმოსავლეთ ბავარიამდე; [[ჩრდილოეთი]]თ – სკანდინავიას, კოლის ნახევარკუნძულს, ჩრდილოეთ ურალს და ტაიმირის ტყის ზონას; [[აღმოსავლეთი]]თ აღწევს მდ. ალდანამდე; [[სამხრეთი]] საზღვარი დაახლოებით ასეთია: [[ავსტრია]], [[შვეიცარია]], [[უნგრეთი]], პოლტავა, ვორონეჟი, სარატოვი, [[ყაზახეთი]]ს ჩრდილოეთი ნაწილი, ალტაი და იმიერბაიკალეთი. არეალის დიდ ნაწილში მობინადრეა, მაგრამ ზოგიერთი ადგილიდან საკმაოდ შორს მიფრინავს სამხრეთისაკენ. საქართველოში მასობრივად მოზამთრე ფრინველია.<br /> <br /> ====ბიოტოპი==== <br /> ბინადრობს როგორც წიწვიან, ისე ფოთლოვან და შერეულ ტყეებში, მაგრამ ეტანება ტყისპირებსა და ტენიან ადგილებს კულტურული [[ლანდშაფტი]]ს სიახლოვეს. ზამთარში უფრო ხშირად მოიპოვება უთოვლო ნახნავებში და კენკროვან ბუჩქნარებში.<br /> <br /> ====გამრავლება==== <br /> ბუდობს ჩვეულებრივად კოლონიებად, ერთ [[ხე]]ზე შეიძლება იყოს რამდენიმე ბუდე. წელიწადში მრავლდება ორჯერ. პირველად მაისის პირველ ნახევარში, ხოლო მეორედ ივნისის ბოლოს დებს 4-7 კვერცხს. კრუხად ჯდება მხოლოდ დედალი. საინკუბაციო პერიოდი 12-14 დღემდე გრძელდება. ბარტყების გამოკვებაში მამალიც მონაწილეობს.<br /> <br /> ====კვება====<br /> ზაფხულში იკვებება ძირითადად [[მწერები]]თ, მათი ლარვებით, მრავალფეხებით, ჭიებით, წვრილი ლოკოკინებით და ხმელეთის სხვა უხერხემლოებით. შემოდგომითა და ზამთარში ჭამს მეტწილად ნაირგვარ კენკრას.<br /> <br /> ====მნიშვნელობა==== <br /> მავნე მწერების მასობრივად განადგურებისა და კენკროვან მცენარეთა გავრცელების გამო ითვლება სასარგებლო ფრინველად.<br /> <br /> ==წყარო==<br /> [[საქართველოს ფრინველების სარკვევი]]<br /> [[კატეგორია:ფრინველები]]<br /> [[კატეგორია:ბეღურასნაირნი]]<br /> [[კატეგორია:შაშვისებრნი]]<br /> [[კატეგორია:შაშვი]]</div>

Echelidze