https://www.nplg.gov.ge/wikidict/index.php?action=history&feed=atom&title=%E1%83%91%E1%83%A3%E1%83%99%E1%83%98%E1%83%9D%E1%83%A2%E1%83%98 2026-04-30T00:27:38Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%91%E1%83%A3%E1%83%99%E1%83%98%E1%83%9D%E1%83%A2%E1%83%98&diff=245126&oldid=prev 2025-04-28T13:12:39Z

<p>ახალი გვერდი: &#039;&#039;&#039;ბუკიოტი&#039;&#039;&#039; (&#039;&#039;ლათ&#039;&#039;. Aegolius funereus Linnaeus, 1758) − ფრინველთა გვარი, ფრინველი [[ბ...</p> <p><b>ახალი გვერდი</b></p><div>'''ბუკიოტი''' (''ლათ''. Aegolius funereus Linnaeus, 1758) − ფრინველთა გვარი, ფრინველი [[ბუსნაირნი|ბუსნაირთა]] რიგიდან. ამ გვარიდან [[საქართველო]]ში მოიპოვება ერთი სახეობა − ბუკიოტი.<br /> * კლასი − ფრინველები (AVES)<br /> * რიგი − [[ბუსნაირნი]] (Strigiformes)<br /> * ოჯახი − [[ბუსებრნი]] (Strigidae)<br /> * გვარი − ბუკიოტი (Aegolius)<br /> ბუკიოტი ბუსნაირთა შორის ერთ-ერთი პატარა ფრინველია. ფრთა 145-175 მმ-ია, [[ნისკარტი (ფრინველის)|ნისკარტი]] – 10-11 მმ, წონა – 105-190 გ. დედალი ოდნავ დიდია მამალზე. შეფერილობაში სქესთა შორის განსხვავება არაა. ზრდასრული ფრინველი ზურგის მხარეს მურა ფერისაა, თავზე, კისერზე, მხრებსა და ფრთების ზემო მფარავებზე [[თეთრი (ფერი)|თეთრი]] ლაქებით. კეფაზე წვრილი და ხშირი, ხოლო კისრის უკანა ნაწილზე – უფრო მსხვილი თეთრი წინწკლებია. ზურგი ერთფეროვანი მურაა. პირველი რიგის მომქნევები ღია მურაა, თეთრი ლაქებით. საჭის ბუმბულები მურაა, მოგრძო ღია ფერის ლაქებით. დაკეცილ კუდზე ეს ლაქები წარმოქმნიან 5-6 ღია ფერის განივ ზოლს. სახის დისკო თეთრია, მაგრამ თვალებთან და ყურებთან მურა სიჭრელეა, ხოლო თვალების წინ – შავი ლაქები. ნისკარტი [[ყვითელი (ფერი)|ყვითელი]]ა, გალო შემოსილი, ბრჭყალები შავი.<br /> <br /> აღწერილია 7 ქვესახეობა. [[საქართველო]]ში მოიპოვება კავკასიური ბუკიოტი – A. f. caucasicus Buturlin, 1907. იგი ზურგის მხარეს მურა-ყავისფერია. მხრებზე მუქი მურა ფერი სჭარბობს ღია ფერის სიჭრელეს. საჭის ბუმბულებზე 3-4 თეთრი განივი ზოლია. მუცლის მხარე ძლიერაა დაწინწკლული მურა ფერით. ფეხების ბუმბულსაფარველზეც ყოველთვისაა მურა წინწკლები.<br /> <br /> ====გავრცელება==== <br /> სახეობის ბუდობის არეალი მოიცავს [[ევროპა]]სა და [[აზია]]ს – [[ატლანტის ოკეანე|ატლანტის ოკეანის]] სანაპიროებიდან, კამჩატკამდე და კურილის კუნძულებამდე; [[ჩრდილოეთი]]თ ვრცელდება მაღალტანიანი ტყის ზონის საზღვრამდე, ხოლო [[სამხრეთი]]თ მოიპოვება პირენეიდან და ალპებიდან, ბალკანეთამდე და [[კავკასია]]მდე; აზიაში ბუდობს ტარბაგატაის, ტიანშანის, ზერავშანის ქედებზე და ჩრდილოეთ [[მონღოლეთი|მონგოლეთში]]. ჩრდილოეთ [[ამერიკა]]ში გავრცელებულია ტყის ჩრდილოეთი საზღვრიდან ბრიტანეთის კოლუმბიამდე, წმინდა ლავრენტის ყურემდე და ახალ შოტლანდიამდე. საქართველოს ფარგლებში მობინადრეა.<br /> <br /> ====ბიოტოპი==== <br /> ჩრდილოეთში ბინადრობს ტაიგაში; სამხრეთში – უპირატესად მთების წიწვიან ან შერეულ ტყეებში. კავკასიაში, მათ შორის საქართველოშიც მოიპოვება როგორც წიწვიან, ისე ფოთლოვან ტყეებში.<br /> <br /> ====გამრავლება==== <br /> ბუდობს ხის ფუღუროებში, ხალისით სახლდება შავი კოდალას ბუდეში. აპრილის მეორე ნახევარში დებს 4-6 კვერცხს, თუმცა ნაყოფიერება გარკვეულ კავშირშია თაგვისებური მღრღნელების რიცხობრიობასთან. ამიტომ კვერცხების რაოდენობამ შეიძლება 10-მდეც მიაღწიოს. კრუხად ჯდება მხოლოდ დედალი. საინკუბაციო პერიოდი 28-30 დღემდე გრძელდება. კავკასიური ქვესახეობის ეკოლოგია შეუსწავლელია.<br /> <br /> ====კვება==== <br /> ძირითად საკვებს შეადგენენ წვრილი ძუძუმწოვრები, უპირატესად თაგვისებური მღრღნელები. იჭერს პატარა ფრინველებსაც, მაგრამ ამას მხოლოდ შემთხვევითი ხასიათი აქვს.<br /> <br /> ====მნიშვნელობა==== <br /> მავნე თაგვისებური მღრღნელების მასობრივად განადგურებით დიდი სარგებლობა მოაქვს სახალხო მეურნეობისათვის.<br /> <br /> ==წყარო==<br /> *[[საქართველოს ფრინველების სარკვევი]]<br /> [[კატეგორია:ფრინველები]]<br /> [[კატეგორია:ფრინველთა გვარი]]<br /> [[კატეგორია:ბუსნაირნი]]<br /> [[კატეგორია:ბუსებრნი]]</div>

Echelidze