https://www.nplg.gov.ge/wikidict/index.php?action=history&feed=atom&title=%E1%83%91%E1%83%A3%E1%83%A1%E1%83%98%E1%83%A0%E1%83%98%E1%83%A1%E1%83%98_%28%E1%83%93%E1%83%90%E1%83%A1%E1%83%90%E1%83%AE%E1%83%9A%E1%83%94%E1%83%91%E1%83%A3%E1%83%9A%E1%83%98_%E1%83%9E%E1%83%A3%E1%83%9C%E1%83%A5%E1%83%A2%E1%83%98%29 2026-06-29T07:40:56Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%91%E1%83%A3%E1%83%A1%E1%83%98%E1%83%A0%E1%83%98%E1%83%A1%E1%83%98_(%E1%83%93%E1%83%90%E1%83%A1%E1%83%90%E1%83%AE%E1%83%9A%E1%83%94%E1%83%91%E1%83%A3%E1%83%9A%E1%83%98_%E1%83%9E%E1%83%A3%E1%83%9C%E1%83%A5%E1%83%A2%E1%83%98)&diff=239021&oldid=prev 2024-11-17T16:19:04Z

<p>ახალი გვერდი: &#039;&#039;&#039;ბუსირისი&#039;&#039;&#039; – არაბული აბუსირი, ბერძნული Busiris, წარმოიშვა ეგვ. Pr-Wś...</p> <p><b>ახალი გვერდი</b></p><div>'''ბუსირისი''' – არაბული აბუსირი, ბერძნული Busiris, წარმოიშვა ეგვ. Pr-Wśir-დან ([[ოსირისი]]ს სახლი). დღეს ჰქვია ცხრა დასახლებულ პუნქტს, რომელთა ადგილას ძველ ეგვიპტეში სავარაუდოდ ოსირისის თაყვანისცემის საკულტო ადგილები იყო. <br /> <br /> 1. სოფელი [[აბუსირი]] [[მემფისი]]ს [[ნეკროპოლისი|ნეკროპოლისთან]], სადაც იყო ოსირისის ტაძარი, სახელად Pr Wśir nb R3śt3w. „ოსირისის, რასეტაუს (მემფისის ნეკროპოლისის) ბატონის ტაძარი“. დღეს მის სიახლოვეს მდებარე ნეკროპოლისის ნაწილსაც აბუსირს ეძახიან. ნეკროპოლისის ამ ნაწილის ათვისება დაიწყო V დინასტიიდან, როცა დინასტიის პირველმა [[ფარაონი|ფარაონმა]], [[უსერკაფი|უსერკაფმა]], აქ თავისი [[მზის ტაძარი (ეგვიპტე)|მზის ტაძარი]] ააგო. აქ მდებარეობს ასევე [[შეპსესკარა]]ს, [[საჰურა]]ს, [[ნიუსერრა]]ს, [[ნეფერეფრა]]ს, [[ნეფერირკარა (კაკაი)|ნეფერირკარა]]ს და დედოფალ ხენტკაუსი II-ის (ნეფერირკარას მეუღლე და ნიუსერრას და ნეფერეფრას დედა) [[პირამიდა (ეგვიპტური)|პირამიდები]]. გვიანდელ პერიოდამდე იყო დიდგვაროვან და საშუალო კლასის ეგვიპტელთა სასაფლაო. უსერკაფის მზის ტაძრის ჩრდილო-დასავლეთით, აბუ-გურაბის ბორცვზე, ნიუსერრას ცნობილი მზის ტაძარი მდებარეობს. აბუსირი ცნობილია ეგვიპტოლოგიაში ასევე ე.წ. „აბუსირის პაპირუსებით“. XIX ს. დასასრულს ნეფერირკარას (კაკაის) მოსახსენიებელ ტაძარში აღმოჩენილი იქნა ადმინისტრაციული პაპირუსების უზარმაზარი მასა. XX ს. დასასრულს ჩეხების ექსპედიციის მიერ ნაპოვნი იქნა სატაძრო ადმინისტრაციული დოკუმენტების ასევე დიდი მასა ნეფერეფრას და მისი დედის – ხენტკაუსის პირამიდების საკულტო კომპლექსებში. აბუსირის პირამიდები ზომით ძალიან ჩამოუვარდება III-IV დინასტიების ფარაონების პირამიდებს და თითქმის ყველა საფეხუროვანია. <br /> <br /> 2. დღევანდელი აბუსირ ელ-მელექი [[ფაიუმი|ფაიუმში]] შესასვლელთან, სადაც [[მეჩეთი|მეჩეთში]] პტახ-სოკარ-ოსირისის ტაძრის ქვის ბლოკებია აღმოჩენილი. მდებარეობდა ზემო ეგვიპტის XX [[ნომი|ნომში]]. ოსირისის კულტი აქ, როგორც ჩანს, უმნიშვნელოვანესი იყო, რადგან მას ჩრდილოეთის აბიდოსს ეძახდნენ. აბუსირ ელ მელექის მიდამოებში ნაპოვნია ასევე წინადინასტიური პერიოდის სასაფლაო (დაახლ. 3600-3499 წწ. Hayes, 1953, 8). <br /> <br /> 3. (ასევე ცნობილი, როგორც თაპოსირის აგნა). [[ალექსანდრია (ქალაქი ეგვიპტეში)|ალექსანდრიიდან]] 45კმ. დასავლეთით, მნიშვნელოვანი ქალაქი [[პტოლემაიოსები]]ს დროს, სადაც იყო [[ისიდა]]ს დიდი ტაძარი და საკრალური ცხოველების ნეკროპოლისი. აქ დღემდე შემორჩენილ შუქურაზე ამბობენ, რომ ის [[ალექსანდრიის შუქურა|ალექსანდრიის შუქურის]] მომცრო ასლია. ბოლო წლებში ისიდას ტაძართან ჩატარებული გათხრების მონაცემებზე დაყრდნობით ეგვიპტელი არქეოლოგი ზაჰი ჰავაზი ვარაუდობს, რომ [[კლეოპატრა VII|კლეოპატრა]] და მარკუს ანტონიუსი სწორედ აქ არიან დასაფლავებული;<br /> <br /> 4. ამ ქალაქებიდან ყველაზე ცნობილი მდებარეობდა დღევანდელი აბუსირ ელ ბანას ადგილას, [[ნილოსი]]ს დელტის ცენტრში, ნილოსის დამიეტის ტოტის მარცხენა ნაპირზე. ქალაქის უძველესი სახელი იყო Ddw უძველესი ღმერთის ჯედუს და მისი [[სიმბოლო]]ს, [[ჯედ-სვეტი]]ს გამო. ჯედუ მალე შთანთქა ადგილობრივმა ღვთაებამ ანცთიმ, რომელიც თავის მხრივ ოსირისს შეერწყა. ქალაქის სახელიც გახდა Pr Wśir nb Dd – „ოსირისის, ჯედ-სვეტის ბატონის სახლი“. ეს ადგილი ოსირისის დაბადების ადგილად ითვლებოდა და უმნიშვნელოვანეს როლს თამაშობდა ეგვიპტის ისტორიაში. უძველესი მოხსენიება [[პირამიდების ტექსტები|პირამიდების ტექსტებშია]] დაფიქსირებული. ოსირისის მითის აქ მოყვანილი ვერსიის თანახმად (PT 1008) ოსირისი სეტხის მიერ სწორედ აქ იქნა მოკლული. იყო IX ქვემოეგვიპტური ნომის დედაქალაქი. <br /> <br /> დანარჩენი ხუთი ბუსირისის შესახებ ჯერ-ჯერობით არაფერია ცნობილი. ესენია: ბუსირისი ქუფთის (ძველი კოპტოსი) სიახლოვეს ზემო ეგვიპტეში, ბუსირისი ელ აშმუ ნეინთან (Hermopolis magna), ფაიუმთან (დღეს აბუსირ დიფინუ) ალექსანდრიის აღმოსავლეთით (შესაძლოა Taposiris parva) და დელტაში აბუსირ ბანას სამხრეთით (დღეს ბანა აბუსირი).<br /> <br /> ==წყარო==<br /> [[ძველი ეგვიპტის ენციკლოპედია]]<br /> [[კატეგორია:ძველი ეგვიპტე]]<br /> [[კატეგორია:დასახლებული პუნქტები ძველ ეგვიპტეში]]<br /> [[კატეგორია:ქალაქები ძველ ეგვიპტეში]]</div>

Tkenchoshvili