https://www.nplg.gov.ge/wikidict/index.php?action=history&feed=atom&title=%E1%83%92%E1%83%9D%E1%83%92%E1%83%98%E1%83%A3%E1%83%91%E1%83%90 2026-05-04T12:55:21Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%92%E1%83%9D%E1%83%92%E1%83%98%E1%83%A3%E1%83%91%E1%83%90&diff=186140&oldid=prev 2023-02-02T11:09:33Z

<p>ახალი გვერდი: &#039;&#039;&#039;გოგიუბა&#039;&#039;&#039; – (X ს. II ნახ.), ქართული ხუროთმოძღვრების ძეგლი სამხრე...</p> <p><b>ახალი გვერდი</b></p><div>'''გოგიუბა''' – (X ს. II ნახ.), ქართული ხუროთმოძღვრების ძეგლი სამხრეთ [[საქართველო]]ში, ისტორიულ ერუშეთში, ქ. არტაანიდან (ახლანდელი არდაჰანი, [[თურქეთი]]ს ტერიტორია) დაახლოებით 30 კმ-ზე ჩრდილო-აღმოსავლეთით. <br /> <br /> გოგიუბა ეწოდება სოფელსაც, რომლის განაპირასაც დგას ეკლესია, რომელიც 1960-იან წლებში მთლიანად დაანგრიეს. გოგიუბას, სავარაუდოდ, თავდაპირველად გოგუბანი ერქვა. ამჟამად ბინბაშაქი (Binbaşak) ეწოდება. <br /> <br /> გოგიუბის არქიტექტურის შესახებ წარმოდგენას გვიქმნის [[ექვთიმე ღვთისკაცი|ექვთიმე ღვთისკაცის (თაყაიშვილი)]] 1902 წ. ექსპედიციის მასალები. გეგმით გოგიუბა სიმეტრიული ექვსაფსიდიანი ეკლესიაა, რომლის ექვსივე [[აფსიდი]] თანაბარზომიერადაა განლაგებული შუა ვერტიკალური ღერძის გარშემო. სხვა ქართული გუმბათოვანი ტაძრებისგან განსხვავებით, აქ [[გუმბათი]]ს საფუძველი კვადრატი კი არ არის, არამედ რადიალურად განლაგებული აფსიდების [[შვერილი|შვერილზე]] დაყრდნობილი წრიული სალტეა, მასზე გადასასვლელად აფსიდების [[თაღი|თაღებს]] შუა არის ბრტყელი [[ტრომპი|ტრომპები]], რომლებშიც ჩასმულია ფიგურული რელატფები. [[გუმბათის ყელი]], ისევე როგორც გუმბათქვეშა სივრცე, ექვსწახნაგიანია, ხოლო თვით ეკლესიის კორპუსი – თორმეტწახნაგიანი. აფსიდებს შორის შეჭრილია სამკუთხა [[ნიში (არქიტექტურა)|ნიშები]]. შესასვლელები დასავლეთისა და ჩრდილო-დასავლეთის აფსიდებშია დატანებული. გეგმითა და სივრცობრივ-მოცულობითი კომპოზიციით გოგიუბა მჭიდროდ უკავშირდება X ს. ქართული ექვსაფსიდიანი ეკლესიების ჯგუფს (კამჰის ალოთი, ოლთისი, ბოჭორმა, კაცხი). ძეგლი მოპირკეთებული ყოფილა კარგად გათრაშული ქვის [[კვადრი|კვადრებით]].<br /> <br /> დ. ხოშტარია<br /> <br /> <br /> ==ლიტერატურა==<br /> * ხოშტარია დ., შენიშვნები გოგუბნის (გოგიუბის) ეკლესიის თაობაზე, ლიტერატურა და ხელოვნება, 1999, №3; <br /> * Беридзе B., Apxитектура Tao-Kладжети, Tб., 1981; <br /> * Закарая П., Зодчество Тао-Кладжети, Tб., 1990; <br /> * Такаишвили Е., Христианские памятники, Экскурсия 1902 года, MAK, вып. XII, M., 1909.<br /> <br /> ==წყარო==<br /> * [[საქართველოს მართლმადიდებელი ეკლესია:ენციკლოპედია]]<br /> [[კატეგორია:საქართველოს არქიტექტურული ძეგლები]]<br /> [[კატეგორია:ქართული კულტურის ძეგლები საზღვარგარეთ]]<br /> [[კატეგორია:ქართული კულტურის ძეგლები თურქეთში]]</div>

Tkenchoshvili