https://www.nplg.gov.ge/wikidict/index.php?action=history&feed=atom&title=%E1%83%92%E1%83%A3%E1%83%A0%E1%83%98%E1%83%90-%E1%83%A1%E1%83%90%E1%83%9B%E1%83%94%E1%83%92%E1%83%A0%E1%83%94%E1%83%9A%E1%83%9D%E1%83%A1_%E1%83%94%E1%83%9E%E1%83%90%E1%83%A0%E1%83%A5%E1%83%98%E1%83%90 2026-06-29T20:38:18Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%92%E1%83%A3%E1%83%A0%E1%83%98%E1%83%90-%E1%83%A1%E1%83%90%E1%83%9B%E1%83%94%E1%83%92%E1%83%A0%E1%83%94%E1%83%9A%E1%83%9D%E1%83%A1_%E1%83%94%E1%83%9E%E1%83%90%E1%83%A0%E1%83%A5%E1%83%98%E1%83%90&diff=186646&oldid=prev 2023-02-11T13:09:37Z

<p>ახალი გვერდი: &#039;&#039;&#039;გურია-სამეგრელოს ეპარქია&#039;&#039;&#039; — რუსეთის მართლმადიდებელი ეკლ...</p> <p><b>ახალი გვერდი</b></p><div>'''გურია-სამეგრელოს ეპარქია''' — რუსეთის მართლმადიდებელი ეკლესიის საქართველოს საეგზარქოსოს [[ეპარქია]]. კათედრლური ტაძარი – [[ფოთის საკათედრო ტაძარი|ფოთის წმ. ნიკოლოზის ეკლესი]]ა. შეიქმნა საქართველოს საეგზარქოსოს გურიისა და სამეგრელოს ეპარქიების ტერიტორიების შერწყმის შედეგად 1885 წ. მოიცავდა დასავლურ ქართულ ისტორიულ პროვინციებს: [[სამეგრელო]]ს (1829-1873 წწ. სამეგრელოს ეპარქიის შემადგენლობაში, 1873-1885 წწ. [[იმერეთი]]ს), [[გურია|გურიის]] (ოზურგეთის მაზრა; 1844-1885 წწ. გურიის ეპარქიის შემადგენლობაში), [[სვანეთი]]სა და ოდიშის ([[ლეჩხუმი]]ს, ზუგდიდისა და სენაკის მაზრები; 1857-1885 წწ. გურიის ეპარქიის შემადგენლობაში), [[აჭარა|აჭარის]], [[შავშეთი]]ს, [[კლარჯეთი]]ს, იმერხევის, კოლას, [[არტაანი (მხარე სამხრეთ საქართველოში)|არტაანის]], ოლთისის (ართვინის, ბათუმის და ოლთისის ოლქები; 1878-1885 წწ. გურიის ეპარქიის შემადგენლობაში). 1901 წ. გურია-სამეგრელოს ეპარქიაში 322 ათასი მორწმუნე მართლმადიდებელი ირიცხებოდა. იყო 352 სამრევლო და 458 ეკლესია, სადაც მსახურობდა: 8 [[დეკანოზი]], 425 [[მღვდელი]], 90 [[დიაკონი]] და 375 მედავითნე. <br /> <br /> მოქმედი იყო: [[ჯუმათის მონასტერი]], იოანე ნათლისმცემლის უდაბნო, ყოვლადწმიდა ღვთისმშობლის მიძინების მარტვილის მონასტერი, ნახარებოს ხარების მონასტერი, [[ხობის მონასტერი|ყოვლადწმიდა ღვთისმშობლის მიძინების ხობის მონასტერი]], [[შემოქმედის მონასტერი|შემოქმედის მაცხოვრის მონასტერი]], ყოვლადწმიდა ღვთისმშობლის შობის თეკლათის დედათა ზოგადცხოვრებული მონასტერი, ჯიხეთის დედათა მონასტერი. გურია-სამეგრელოს ეპარქიის ტერიტორიაზე გაიხსნა 2 სასულიერო სასწავლებელი (სამეგრელოსა და ოზურგეთის), 141 სამრევლო სამზრუნველო, 7 საეკლესიო [[ბიბლიოთეკა]], 135 სამრევლო და 16 დაწყებითი სკოლა, 4 სამონასტრო სკოლა. მოქმედებდა საეპარქიო კანცელარია და სასულიერო წოდების უპოვართა სამზრუნველო.<br /> <br /> XX ს. დასაწყისში [[კავკასია]]ში ეკლესიის რეორგანიზაციის პროექტთან დაკავშირებით იგეგმებოდა გურია-სამეგრელოს ეპარქიიდან გამოეყოთ [[სვანეთი]] და ჩაერთოთ ის სოხუმის ეპარქიაში, რადგანაც ქუთაისსა და რაჭიდან სვანეთში მიმავალი გზა ღია იყო მხოლოდ ზაფხულის თვეებში, ხოლო შავი ზღვის სანაპიროს მხრიდან მდ. ენგურის გაყოლებით მშენებარე გზა უზრუნველყოფდა მომავალში სვანეთში მისვლას მთელი წლის განმავლობაში. კავკასიაში ეკლესიის რეორგანიზაციის პროექტის განხილვის შემდეგ, [[სინოდი]]ს საგანგებო კომისიის სხდომაზე (1916 წ. 29 თებერვალი – 1 მარტი), დაისვა საკითხი, რომ შეეცვალათ საქართველოს საეგზარქოსოს სახელწოდება კავკასიის მიტროპოლიით და გურია-სამეგრელოს ეპარქიის შემადგენლობაში შეეყვანათ სამურზაყანოსა (სოხუმის ოკრუგი) და აჭარის (ბათუმის ოკრუგი) ტერიტორიები.<br /> <br /> გურია-სამეგრელოს ეპარქიამ არსებობა შეწყვიტა [[რუსეთი]]ს მართლმადიდებელი ეკლესიის საქართველოს საეგზარქოსოს გაუქმებისა და [[საქართველოს მართლმადიდებელი ეკლესიის ავტოკეფალიის აღდგენა|საქართველოს ეკლესიის ავტოკეფალიის აღდგენისთანავე]] – 1917 წ. <br /> <br /> გურია-სამეგრელოს ეპარქიას მართავდნენ: [[გრიგოლ დადიანი (ეპისკოპოსი)|გრიგოლი (დადიანი]]; ხელდასხმა 1886 წ. 25 მარტს; 1898 წ. 20 მარტს გათავისუფლებულია ეპარქიის მმართველობისაგან; გ. 1907წ. 12 ოქტომბ.); წმ. [[ალექსანდრე (ოქროპირიძე ალექსი)|ეპისკოპოსი ალექსანდრე (ოქროპირიძე]]; გორის ყოფილი [[ეპისკოპოსი]], ქართლის ეპარქიის ვიკარი 1898 წ. 20 მარტიდან; 1903 წ. 4 ნოემბრიდან [[პენსია]]ზეა; გ. 1907 წ. 9 ნოემბერს); [[აბაშიძე დიმიტრი (მთავარეპისკოპოსი)|ეპისკოპოსი დიმიტრი (აბაშიძე]]; ალავერდის ყოფილი ეპისკოპოსი, საქართველოს ეპარქიის ვიკარი 1903 წ. 4 ნოემბრიდან; 1905 წ. 16 აპრილიდან ბალტის ეპისკოპოსი, პოდოლსკის ეპარქიის ვიკარი); ეპისკოპოსი [[გიორგი (ალადაშვილი)|გიორგი (ალადაშვილი]]; ხელდასხმა 1905 წ. 25 სექტ.; 1908 წ. 1 თებერვლიდან იმერეთის ეპისკოპოსი); წმ. [[ლეონიდე ოქროპირიძე (კათალიკოს-პატრიარქი)|ლეონიდე (ოქროპირიძე]]; იმერეთის ყოფილი ეპისკოპოსი, 1908 წ. 1 თებერვლიდან; 1917 წ. 12 აგვისტოდან თბილელი [[მიტროპოლიტი]]; 1919 წ. (21-ში აირჩიეს), 23 თებერვალს მოხდა მისი აღსაყრდება სრულიად საქართველოს [[კათოლიკოს-პატრიარქი|კათოლიკოს-პატრიარქად]]).<br /> <br /> ''ე. ბუბულაშვილი''<br /> <br /> ==ლიტერატურა==<br /> * ბუბულაშვილი ე. რუსეთის ცარიზმის საეკლესიო პოლიტიკა და მისი შედეგები, საქართველოს ახალი ისტორიის საკითხები, 8, თბ., 2004; <br /> * Дурново Н., Правда о Грузинской Церкви, Tфл., 1907; <br /> * Иоселиани Пл., Краткая история Грузинской Церкви СПб., 1843; <br /> * Кирион, Краткий очерк истории Грузинской Церкви и экзархата за XIX столетие, Тфл.,1901; <br /> * Рункевич C., Грузинский экзархат, ПЭБ., т. 4.<br /> <br /> ==წყარო==<br /> * [[საქართველოს მართლმადიდებელი ეკლესია:ენციკლოპედია]]<br /> [[კატეგორია:საქართველოს ეპარქიები]]</div>

Tkenchoshvili