https://www.nplg.gov.ge/wikidict/index.php?action=history&feed=atom&title=%E1%83%93%E1%83%90%E1%83%A4%E1%83%98%E1%83%A1_%E1%83%97%E1%83%90%E1%83%9B%E1%83%90%E1%83%A8%E1%83%94%E1%83%91%E1%83%98_%28%E1%83%AB%E1%83%95%E1%83%94%E1%83%9A_%E1%83%94%E1%83%92%E1%83%95%E1%83%98%E1%83%9E%E1%83%A2%E1%83%94%E1%83%A8%E1%83%98%29 2026-05-14T12:27:26Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%93%E1%83%90%E1%83%A4%E1%83%98%E1%83%A1_%E1%83%97%E1%83%90%E1%83%9B%E1%83%90%E1%83%A8%E1%83%94%E1%83%91%E1%83%98_(%E1%83%AB%E1%83%95%E1%83%94%E1%83%9A_%E1%83%94%E1%83%92%E1%83%95%E1%83%98%E1%83%9E%E1%83%A2%E1%83%94%E1%83%A8%E1%83%98)&diff=239058&oldid=prev 2024-11-17T20:10:43Z

<p>ახალი გვერდი: &#039;&#039;&#039;დაფის თამაშები&#039;&#039;&#039; – ეგვიპტეში უძველესი დროიდან არსებობდა. ე...</p> <p><b>ახალი გვერდი</b></p><div>'''დაფის თამაშები''' – ეგვიპტეში უძველესი დროიდან არსებობდა. ერთ-ერთი თამაში – სენეტი (ეგვ. sn.t) უკვე [[ეგვიპტის წინადინასტიური პერიოდი|წინადინასტიურ პერიოდში]] და I დინასტიის დროს არის დაფიქსირებული. სენეტის დაფა, რომელიც შაშის წინამორბედად არის მიჩნეული, ოცდაათი უჯრედისაგან შედგებოდა, რომელზეც ფიგურები კამათელზე დამჯდარი რიცხვის შესაბამისად გადაადგილდებოდა. ეგვიპტის ისტორიის ყველა პერიოდიდან შემონახულია დაფის თამაშების მოთამაშეთა გამოსახულებები. ისინი იმდენად პოპულარული იყო, რომ გარდაცვლილსაც ატანდნენ [[სამარხი (ძველი ეგვიპტე)|სამარხში]] და დღეისათვის ორმოცდაათამდე ასეთი დაფაა ნაპოვნი. [[ტუტანხამონი]]ს სამარხში სპილოს ძვლის და ებენის ხისაგან დამზადებული სენეტის ოთხი დაფაა აღმოჩენილი. <br /> <br /> [[ეგვიპტის ახალი სამეფო|ახალი სამეფოდან]], როცა ეგვიპტური [[რელიგია]] ძალიან გართულდა და გაჩნდა უამრავი წიგნი [[საიქიო]]ზე ([[ამდუატი]], ქვაბულების წიგნი და სხვ.), სენეტი, რომელიც აქამდე უბრალო გასართობი თამაში იყო, იმქვეყნიური სამყაროს [[სიმბოლო]]დ გადაიქცა, სადაც ყველა უჯრედს სპეციფიკური დატვირთვა ჰქონდა. პირველ უჯრედს „თოტის სახლი“ დაერქვა, რადგან ითვლებოდა, რომ ის აცხადებდა საიქიოში ახალი გარდაცვლილის ჩასვლის შესახებ. ბოლო უჯრედი [[რა]]-ხორახტის ეკუთვნოდა, რადგან ყოველ დილას [[ქვესკნელი]]დან კვლავ ცაში აღზევდებოდა. მოთამაშეები, რომლებიც თამაშის დასრულებისას რიტუალურად უერთდებოდნენ მზის ცაში აღზევებას თავიანთ სიცოცხლეში, გარდაცვალების შემდეგაც უფრო დაზღვეულებად მოიაზრებოდნენ. დაფის თამაშები [[მითი|მითებშიც]] არის მოხსენიებული. მითის თანახმად, [[თოტი|თოტმა]] მთვარეს სწორედ დაფის თამაშში მოუგო წლის ის დრო, რომლისგანაც ეგვიპტური წლის ხუთი ეპაგომენალური დღე შექმნა.<br /> <br /> <br /> ==წყარო==<br /> [[ძველი ეგვიპტის ენციკლოპედია]]<br /> [[კატეგორია:ძველი ეგვიპტე]]<br /> [[კატეგორია:დაფის თამაშები]]</div>

Tkenchoshvili