https://www.nplg.gov.ge/wikidict/index.php?action=history&feed=atom&title=%E1%83%95%E1%83%94%E1%83%9A%E1%83%98%E1%83%A1_%E1%83%9E%E1%83%A0%E1%83%90%E1%83%9C%E1%83%AC%E1%83%98%E1%83%90 2026-05-01T13:10:26Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%95%E1%83%94%E1%83%9A%E1%83%98%E1%83%A1_%E1%83%9E%E1%83%A0%E1%83%90%E1%83%9C%E1%83%AC%E1%83%98%E1%83%90&diff=242684&oldid=prev 2025-03-10T11:41:28Z

<p>ახალი გვერდი: &#039;&#039;&#039;ველის პრანწია&#039;&#039;&#039; (ლათ. Chettusia gregaria Pallas, 1771) − ფრინველთა გვარი [[მეჭვავ...</p> <p><b>ახალი გვერდი</b></p><div>'''ველის პრანწია''' (ლათ. Chettusia gregaria Pallas, 1771) − ფრინველთა გვარი [[მეჭვავიასნაირნი|მეჭვავიასნაირთა]] რიგიდან. ამ გვარიდან [[საქართველო]]ში მოიპოვება ერთი სახეობა − ველის პრანწია.<br /> * კლასი − ფრინველები (AVES)<br /> * რიგი − [[მეჭვავიასნაირნი]] (Charadrilformes)<br /> * ოჯახი − [[მეჭვავიასებრნი]] (Charadriidae)<br /> * ქვეოჯახი − [[პრანწიები]] (Vanellinae)<br /> * გვარი − ველის პრანწია (Chettusia )<br /> ველის პრანწია მეჭვავიასნაირთა შორის საშუალო სიდიდის ფრინველია, ფრთა 185-210 მმ-ია, გალო – 60-65 მმ, [[ნისკარტი (ფრინველის)|ნისკარტი]] – 25-30 მმ, წონა – 180-250 გ. მამალი დიდია დედალზე. შეფერილობაში სქესთა შორის მცირე განსხვავებაა. ზაფხულში მამალი ზურგის მხარესა და მკერდზე ღია მოწაბლისფრო-[[რუხი (ფერი)|რუხი]]ა. თავი ზემოდან, მუცლის წინა ნაწილი, ნისკარტი და ფეხები შავია. შავი ზოლები გასდევს პირის კუთხეებიდან თვალების გასწვრივ. შუბლი, ზოლები თვალების ზემოთ, კუდის ზემო და ქვემო მფარავები, აგრეთვე საჭის ბუმბულების კიდურა ორი წყვილი [[თეთრი (ფერი)|თეთრი]]ა. საჭის დანარჩენი ბუმბულებიც თეთრია, მაგრამ წვეროს ქვემოთ შავი ზოლები აქვთ. პირველი რიგის მომქნევები შავია, ხოლო მეორე რიგისა – თეთრი. დედალი ზაფხულში მამლის მსგავსია, მაგრამ თავი ზემოდან შავი კი არა, მოწაბლისფროა, შავი წინწკლებით, ხოლო მკერდი და მუცელი კვამლისფერ-წაბლისფერი. ზამთარში ორივე სქესის ფრინველი რამდენადმე უფრო მკრთალი შეფერილობისაა.<br /> <br /> ====გავრცელება==== <br /> ბუდობის არეალი ძირითადად [[ყაზახეთი|ყაზახეთში]] აბზინდიან ველებზე მდებარეობს და ვრცელდება ვოლგიდან ირტიშისა და ობის სათავეებამდე. [[ჩრდილოეთი]]თ აღწევს ორენბურგამდე, ორსკამდე და თითქმის პეტროპავლოვსკამდე და ომსკამდე. [[სამხრეთი]]ს საზღვარი გადის ყამიშ-სამარის ტბების, არალის ზღვის ჩრდილოეთი სანაპიროებისა და მდ. სარი-სუს ზემო დინების გასწვრივ. იზამთრებს ჩრდილო-აღმოსავლეთ [[აფრიკა]]ში, [[ერაყი|ერაყში]], [[პაკისტანი|პაკისტანსა]] და [[ინდოეთი]]ს დასავლეთ ნაწილში. [[საქართველო]]ში მოიპოვება მიმოფრენის პერიოდებში.<br /> <br /> ====ბიოტოპი==== <br /> ბინადრობს აბზინდიან მშრალ ველებზე და მლაშობ ნაკვეთებზე, მწირი მცენარეულობით.<br /> <br /> ====გამრავლება==== <br /> [[მონოგამია|მონოგამიური]] ფრინველია. ბუდობს განცალკევებულ წყვილებად. ბუდეს იკეთებს მიწაზე პატარა ორმოში, [[აბზინდა]]ს ან ვაციწვერას კორდის ძირში, ამოფენს ხმელი ბალახით. ივნისის პირველ რიცხვებში დებს ჩვეულებრივად 4 კვერცხს. საინკუბაციო პერიოდი 25 დღემდე გრძელდება.<br /> <br /> ====კვება==== <br /> ველის პრანწიას ძირითად საკვებს შეადგენენ [[მწერები]], უმთავრესად სწორფრთიანები და ხოჭოები, მათ შორის უმრავლესობა სოფლის მეურნეობისათვის მავნებელია.<br /> <br /> ====მნიშვნელობა==== <br /> კვების ხასიათის მიხედვით სასარგებლო ფრინველია. საქართველოში, მცირერიცხოვნობის გამო, პრაქტიკული მნიშვნელობა არა აქვს.<br /> <br /> <br /> ==წყარო==<br /> *[[საქართველოს ფრინველების სარკვევი]]<br /> [[კატეგორია:ფრინველები]]<br /> [[კატეგორია:ფრინველთა გვარი]]<br /> [[კატეგორია:მეჭვავიასნაირნი]]<br /> [[კატეგორია:მეჭვავიასებრნი]]<br /> [[კატეგორია:პრანწიები]]</div>

Echelidze