https://www.nplg.gov.ge/wikidict/index.php?action=history&feed=atom&title=%E1%83%96%E1%83%90%E1%83%A0%E1%83%9C%E1%83%90%E1%83%A8%E1%83%9D 2026-04-29T18:53:34Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%96%E1%83%90%E1%83%A0%E1%83%9C%E1%83%90%E1%83%A8%E1%83%9D&diff=244562&oldid=prev 2025-04-22T12:32:48Z

<p>ახალი გვერდი: &#039;&#039;&#039;ზარნაშო&#039;&#039;&#039; (&#039;&#039;ლათ&#039;&#039;. Bubo bubo Linnaeus, 1758) − ფრინველთა გვარი, ფრინველი [[ბუსნ...</p> <p><b>ახალი გვერდი</b></p><div>'''ზარნაშო''' (''ლათ''. Bubo bubo Linnaeus, 1758) − ფრინველთა გვარი, ფრინველი [[ბუსნაირნი|ბუსნაირთა]] რიგიდან. ამ გვარიდან [[საქართველო]]ში მოიპოვება ერთი სახეობა − ზარნაშო.<br /> * კლასი − ფრინველები (AVES)<br /> * რიგი − [[ბუსნაირნი]] (Strigiformes)<br /> * ოჯახი − [[ბუსებრნი]] (Strigidae)<br /> * გვარი − ზარნაშო (Bubo)<br /> ზარნაშო დიდი ზომის ფრინველია, ფრთა 430-500 მმ-ია, [[ნისკარტი (ფრინველის)|ნისკარტი]] – 25-31 მმ, წონა – 2000-2600 გ. დედალი დიდია მამალზე. შეფერილობაში სქესობრივი დიმორფიზმი არაა გამოხატული, მაგრამ დამახასიათებელია ინდივიდუალური მრავალფეროვნება. უფრო ხშირად მუქი ქარცი შეფერილობისაა, შავი და მურა ფერის ლაქებით. თავზე გასწვრივი მუქი ზოლებია; მხრების ბუმბულებს მუქი წვეროები აქვთ, ხოლო გარეთა მარაოებზე ხშირად ფართო თეთრი ლაქებია, რაც ზურგზე თავისებურ სიჭრელეს ქმნის. ფრთები მოკლე და ფართოა. პირველი რიგის პირველი სამი მომქნევის გარეთა მარაოს კიდეები დაკბილულია, ამასთან მეორესა და მესამეს დაკბილვა მხოლოდ წვეროს შევიწროებულ ნაწილში აქვთ. კუდი მცირედ მომრგვალებულია, საჭის ბუმბულებზე განივი ზოლებია. სახის დისკო მხოლოდ ქვემო ნახევარშია გამოხატული. მკერდზე შავი ან მურა ფერის გასწვრივი სიჭრელეა. გალო და თითები მთლიანად შემოსილია. ნისკარტი და ბრჭყალები შავია.<br /> <br /> აღწერილია 17 ქვესახეობა. საქართველოში მოიპოვება სამხრული ზარნაშო – B. b. interpositus Rotschill et Hartert, 1910.<br /> <br /> ====გავრცელება==== <br /> სახეობის არეალი მეტად ვრცელია. იგი მოიცავს [[ევროპა]]სა და [[აზია]]ს – [[ჩრდილოეთი]]თ ტყის ზონის საზღვრამდე; [[აღმოსავლეთი]]თ ვრცელდება იაკუტიაში, ოხოტის ზღვის სანაპირომდე, სახალინსა და [[იაპონია]]ში; [[სამხრეთი]]თ – ხმელთაშუა ზღვამდე, ყირიმში, [[კავკასია]]ში, არაბეთში, [[პალესტინა]]ში, მესოპოტამიაში, სამხრეთ ჩინეთში. მოიპოვება აგრეთვე პალეარქტიკულ [[აფრიკა]]ში – [[მაროკო]]დან და [[ეგვიპტე]]დან [[სუდანი|სუდანამდე]]. საქართველოში გვხვდება ყველგან, როგორც მობინადრე ფრინველი.<br /> <br /> ====ბიოტოპი==== <br /> ზარნაშო ეკოლოგიურად ნამდვილი უბიკვისტია, გვხვდება ტყეში, ველებში, უდაბნოებში, დაბლობებსა და მთებში. [[კავკასია]]ში ვერტიკალურად ვრცელდება 2700 მ-მდე, ხოლო ტიბეტში 4700 მ-მდეც აღწევს ზ. დ. ადგილსამყოფელის არჩევის დროს მთავარია თავშესაფრისა და უხვი საკვების არსებობა.<br /> <br /> ====გამრავლება==== <br /> ბუდეს იკეთებს მიწაზე – ტყეში ძირკვების ძირში, ფლატეებისა და კლდეების ნაპრალებში, ზოგჯერ პირდაპირ მიწაზე ველებში ან თივის ზვინებზეც კი. მარტის ბოლოს დებს 2-3 კვერცხს. კრუხად ჯდება მხოლოდ დედალი. საინკუბაციო პერიოდი 35 დღემდე გრძელდება.<br /> <br /> ====კვება==== <br /> ზარნაშოს საკვებს შეადგენენ მღრღნელები, ზღარბები, ბიგები, მელიები, კვერნები, ზოგჯერ იჭერს და ჭამს შვლის ნუკრს, კურდღელს, ნაირგვარ ფრინველს. ნადირობს ღამით, თუმცა ჩრდილოეთში აქტიურია დღისითაც.<br /> <br /> ====მნიშვნელობა====<br /> ზიანი მოაქვს ფაუნის ზოგიერთი სასარგებლო წარმომადგენლების საკვებად გამოყენებით, მაგრამ მავნე მღრღნელების განადგურებით გარკვეული სარგებლობაც მოაქვს.<br /> <br /> ==წყარო==<br /> *[[საქართველოს ფრინველების სარკვევი]]<br /> [[კატეგორია:ფრინველები]]<br /> [[კატეგორია:ფრინველთა გვარი]]<br /> [[კატეგორია:ბუსნაირნი]]<br /> [[კატეგორია:ბუსებრნი]]</div>

Echelidze