https://www.nplg.gov.ge/wikidict/index.php?action=history&feed=atom&title=%E1%83%97%E1%83%94%E1%83%97%E1%83%A0%E1%83%92%E1%83%A3%E1%83%9A%E1%83%90_%E1%83%A8%E1%83%90%E1%83%A8%E1%83%95%E1%83%98 2026-05-02T02:31:35Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%97%E1%83%94%E1%83%97%E1%83%A0%E1%83%92%E1%83%A3%E1%83%9A%E1%83%90_%E1%83%A8%E1%83%90%E1%83%A8%E1%83%95%E1%83%98&diff=248022&oldid=prev 2025-05-19T12:58:50Z

<p>ახალი გვერდი: &#039;&#039;&#039;თეთრგულა შაშვი&#039;&#039;&#039; (ლათ. Turdus torquatus Linnaeus, 1758) − ფრინველი [[ბეღურასნაირნ...</p> <p><b>ახალი გვერდი</b></p><div>'''თეთრგულა შაშვი''' (ლათ. Turdus torquatus Linnaeus, 1758) − ფრინველი [[ბეღურასნაირნი|ბეღურასნაირთა]] რიგიდან.<br /> * კლასი − ფრინველები (AVES)<br /> * რიგი − [[ბეღურასნაირნი]] (Passeriformes)<br /> * ოჯახი − [[შაშვისებრნი]] (Turdidae)<br /> * გვარი − [[შაშვი]] (turdus)<br /> თეთრგულა შაშვი საშუალო სიდიდის შაშვია, ფრთა 130-145 მმ-ია, კუდი − 100–120 მმ, გალო – 30-35 მმ, ნისკარტი – 17-20 მმ, წონა – 90-135 გ. მამალი და დედალი სიდიდით თითქმის ერთნაირია, ხოლო შეფერილობაში მათ შორის არის მცირე განსხვავება. მამალი ზაფხულში ძირითადად შავია, მაგრამ მკერდის წინა ნაწილში განივი ფართო [[თეთრი (ფერი)|თეთრი]] ლაქაა, რომლითაც ეს ფრინველი ადვილად გამოირჩევა სხვებისაგან. გარდა ამისა, ფრთების საშუალო და დიდი მფარავების გარეთა მარაოებზე და შიგნითა მეორე რიგის მომქნევებზე მორუხო-მოთეთრო არშიებია. ასეთი არშიები ხშირად არის სხეულის სხვა ნაწილების ბუმბულებზეც. დედალი უფრო მურა ფერისაა, მკერდზე ლაქა სუფთა თეთრი არაა, მოთეთროა, მოწაბლისფრო ელფერით. სხვა ბუმბულებზეც თეთრი არშიები ნაკლებია ან ნაკლებად თეთრია. ნისკარტი მოყვითალოა, მურა ფერის წვეროთი, ფეხები – მოყავისფრო-ხორცისფერია.<br /> <br /> აღწერილია 3 ქვესახეობა. [[საქართველო]]ში მოიპოვება კავკასიური თეთრგულა შაშვი – T. t. amicorum Hartert, 1923.<br /> <br /> ====გავრცელება==== <br /> არსებობს სახეობის ბუდობის რამდენიმე იზოლირებული არეალი: ერთი მათგანი მოიცავს ბრიტანეთის კუნძულებსა და მთელ სკანდინავიას; მეორე – პირენეის ნახევარკუნძულს; მესამე – აპენინის ნახევარკუნძულს, [[ალპები|ალპებსა]] და კარპატებს, კვიპროსსა და ზოგიერთ სხვა კუნძულს, ხოლო მეოთხე – მცირე [[აზია]]ს, [[კავკასია]]ს და ჩრდილოეთ [[ირანი|ირანს]]. ზამთარს ატარებს ხმელთაშუა ზღვის სანაპირო [[ევროპა|ევროპის]] ქვეყნებში, აგრეთვე [[ალჟირი|ალჟირში]], [[ტუნისი|ტუნისში]], [[ეგვიპტე]]სა და მცირე აზიაში, ზოგან – [[ამიერკავკასია]]შიც. საქართველოში ცნობილია როგორც მობუდარ-გადამფრენი ფრინველი.<br /> <br /> ====ბიოტოპი==== <br /> ბუდობის დროს მოიპოვება ძირითადად ტყის ზემო გამეჩხერებულ ნაწილში, არყნარებში, როდოდენდრონის ბუჩქნარებში, ტანბრეცილ წიწვიანებში ან ნეკერჩხლიანებში, სუბალპურ მდელოებზე. ვერტიკალურად ვრცელდება 2500 მ-მდე ზ. დ.<br /> <br /> ====გამრავლება==== <br /> ბუდეს იკეთებს დაბალ წიწვიან [[ხე]]ებზე, როდოდენდრონის ბუჩქებზე ან ამ ბუჩქების ძირში – მიწაზე. მაისის მეორე ნახევარში დებს 4-5 კვერცხს. კრუხად მორიგეობით ჯდება ორივე სქესის ფრინველი. საინკუბაციო პერიოდი 14 დღეს გრძელდება. ბარტყების აღზრდაზეც ორივე მშობელი ზრუნავს. ზოგან აღნიშნულია წელიწადში ორჯერ ბუდობა.<br /> <br /> ====კვება==== <br /> ზაფხულში, განსაკუთრებით ბარტყების გამოსაკვებად, მხოლოდ [[მწერები|მწერებს]] იყენებს. შემოდგომით ჭამს სუბალპური ზონის კენკრასაც. <br /> <br /> ====მნიშვნელობა==== <br /> სამეურნეო მნიშვნელობა არა აქვს, თუმცა თავის ადგილსამყოფელში მრავალ მწერს ანადგურებს. ესთეტიკურად მიმზიდველი ფრინველია.<br /> <br /> ==წყარო==<br /> [[საქართველოს ფრინველების სარკვევი]]<br /> [[კატეგორია:ფრინველები]]<br /> [[კატეგორია:ბეღურასნაირნი]]<br /> [[კატეგორია:შაშვისებრნი]]<br /> [[კატეგორია:შაშვი]]</div>

Echelidze