https://www.nplg.gov.ge/wikidict/index.php?action=history&feed=atom&title=%E1%83%97%E1%83%94%E1%83%97%E1%83%A0%E1%83%96%E1%83%A3%E1%83%A0%E1%83%92%E1%83%90_%E1%83%99%E1%83%9D%E1%83%93%E1%83%90%E1%83%9A%E1%83%90 2026-05-09T12:06:59Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%97%E1%83%94%E1%83%97%E1%83%A0%E1%83%96%E1%83%A3%E1%83%A0%E1%83%92%E1%83%90_%E1%83%99%E1%83%9D%E1%83%93%E1%83%90%E1%83%9A%E1%83%90&diff=246042&oldid=prev 2025-05-06T09:48:54Z

<p>ახალი გვერდი: &#039;&#039;&#039;თეთრზურგა კოდალა&#039;&#039;&#039; (ლათ. Dendrocopos leucotos Bechstein, 1803) − ფრინველი [[კოდალას...</p> <p><b>ახალი გვერდი</b></p><div>'''თეთრზურგა კოდალა''' (ლათ. Dendrocopos leucotos Bechstein, 1803) − ფრინველი [[კოდალასნაირნი|კოდალასნაირთა]] რიგიდან.<br /> * კლასი − ფრინველები (AVES)<br /> * რიგი − [[კოდალასნაირნი]] (Piciformes)<br /> * ოჯახი − [[კოდალასებრნი]] (Picidae)<br /> * გვარი − [[ჭრელი კოდალა]] (Dendrocopos)<br /> თეთრზურგა კოდალა საშუალო სიდიდისაა კოდალებს შორის, ფრთა 140-155 მმ-ია, კუდი – 80-90 მმ, [[ნისკარტი (ფრინველის)|ნისკარტი]] – 30-37 მმ, წონა – 100-125 გ. მამალი ოდნავ დიდია დედალზე. შეფერილობაში სქესთა შორის მცირე განსხვავებაა. მამალს შუბლი [[თეთრი (ფერი)|თეთრი]] აქვს, მოჟანგმიწისფრო ელფერით; თავი ზემოდან წითელია, ხოლო თავის გვერდები, ყელი და ჩიჩახვი – თეთრი. პირის კუთხეებიდან ჩიჩახვისაკენ მიემართება შავი ზოლები, რომლებიც კისრის გვერდებზე იტოტებიან. კისრის უკანა და ზურგის წინა ნაწილები შავია; ზურგის დანარჩენი ნაწილი, [[საქართველო]]ში მობინადრე ფორმას, თეთრი აქვს – მუქი განივი ზოლებით. პირველი რიგის მურა-შავ მომქნევებზე მსხვილი თეთრი ლაქებია (გარდა მეორისა) და თეთრი წვეროები აქვთ. მეორე რიგის მომქნევები მურა-შავია, ფართო თეთრი განივი ზოლებით და წვეროში თეთრი არშიებით. კუდი სოლისებურია. საჭის ორი ცენტრალური წყვილი – მოთეთრო, მურა განივი წინწკლებით. მუცლის უკანა ნაწილი და კუდის ქვემო მფარავები მოვარდისფრო-წითელია დედალს თავზე წითელი არა აქვს და მთლიანად შავია. ნისკარტი [[რუხი (ფერი)|რუხი]]ა, ფეხები – მუქი-რუხი.<br /> <br /> აღწერილია 15 ქვესახეობა. საქართველოში მოიპოვება მუქი თეთრზურგა კოდალა – D. l. lilfordi Sharpe et Dresser, 1871.<br /> <br /> ====გავრცელება==== <br /> სახეობის ბუდობის არეალი მოიცავს [[ევროპა]]სა და [[აზია]]ს: [[დასავლეთი]]თ – ბავარიიდან და [[ავსტრია|ავსტრიიდან]], [[აღმოსავლეთი]]თ – კურილის კუნძულებამდე და სამხრეთ-აღმოსავლეთ [[აზია]]მდე; [[ჩრდილოეთი]]თ - სკანდინავიაში 64-ე პარალელამდე, იაკუტიაში – სტანის ქედამდე. იზოლირებული არეალი არის კამჩატკაზე, [[იაპონია|იაპონიის]] კუნძულებზე; [[სამხრეთი]]თ [[ავსტრია]], [[უნგრეთი]], [[რუმინეთი]], [[იტალია]], [[საბერძნეთი]], მცირე აზია, [[კავკასია]], ალტაი) და სამხრეთ-აღმოსავლეთი [[ჩინეთი]]. საქართველოში მოიპოვება როგორც მობინადრე ფრინველი.<br /> <br /> ====ბიოტოპი==== <br /> ნათელი ფოთლოვანი ტყეები, [[მდინარე|მდინარის]] სანაპირო ჭალები, ბაღები. წიწვიანებში არ შედის, თუმცა გვხვდება შერეულ ტყეში. ვერტიკალურად ვრცელდება 1700 მ-მდე ზ. დ.<br /> <br /> ====გამრავლება==== <br /> ბუდეს იკეთებს ხის ფუღუროში. მაისის პირველ რიცხვებში დებს 5-6 კვერცხს. საინკუბაციო პერიოდის ხანგრძლივობა ზუსტად დადგენილი არაა, მაგრამ იგი 13-14 დღეს უნდა გრძელდებოდეს. <br /> <br /> ====კვება==== <br /> თეთრზურგა კოდალას საკვებს შეადგენენ ყოველგვარი [[მწერები]], რომელთაც იგი პოულობს ტყეში [[ხე]]ებზე, როგორც გარედან, ისე ქერქის ქვეშ და მერქანში. მცირე რაოდენობით ჭამს მცენარეთა [[თესლი|თესლებს]], ზოგჯერ ნაყოფებსაც.<br /> <br /> ====მნიშვნელობა==== <br /> კვების ხასიათის მიხედვით სასარგებლო ფრინველია, მაგრამ მცირერიცხოვნობის გამო დიდი პრაქტიკული მნიშვნელობა არა აქვს.<br /> <br /> ==წყარო==<br /> [[საქართველოს ფრინველების სარკვევი]]<br /> [[კატეგორია:ფრინველები]]<br /> [[კატეგორია:კოდალასნაირნი]]<br /> [[კატეგორია:კოდალასებრნი]]<br /> [[კატეგორია:ჭრელი კოდალა]]</div>

Echelidze