https://www.nplg.gov.ge/wikidict/index.php?action=history&feed=atom&title=%E1%83%98%E1%83%90%E1%83%93%E1%83%9D%E1%83%9C%E1%83%98 2026-04-29T08:50:37Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%98%E1%83%90%E1%83%93%E1%83%9D%E1%83%9C%E1%83%98&diff=249240&oldid=prev 2025-06-11T10:22:23Z

<p>ახალი გვერდი: <a href="/wikidict/index.php/%E1%83%A4%E1%83%90%E1%83%98%E1%83%9A%E1%83%98:Iadoni.png" title="ფაილი:Iadoni.png">&#039;&#039;&#039;იადონი&#039;&#039;&#039;</a> &#039;&#039;&#039;იადონი&#039;&#039;&#039; (&#039;&#039;ლათ&#039;&#039;. Serinus canaria Linnaeus, 1758) − ფრინვე...</p> <p><b>ახალი გვერდი</b></p><div>[[ფაილი:Iadoni.png|thumb|'''იადონი''']]<br /> '''იადონი''' (''ლათ''. Serinus canaria Linnaeus, 1758) − ფრინველი, ფრინველთა გვარი [[ბეღურასნაირნი|ბეღურასნაირთა]] რიგიდან.<br /> ამ გვარიდან საქართველოში მოიპოვება 2 სახეობა − იადონი და [[თავწითელა მთიულა]].<br /> * კლასი − ფრინველები (AVES)<br /> * რიგი − [[ბეღურასნაირნი]] (Passeriformes)<br /> * ოჯახი − [[მთიულასებრნი]] (Fringillidae)<br /> * გვარი − იადონი (Serinus) <br /> პატარა ზომის ფრინველია; ფრთა 65-75 მმ-ია, კუდი – 45-55 მმ, [[ნისკარტი (ფრინველის)|ნისკარტი]] – 6-7 მმ, წონა – 10-14 გ. სქესთა შორის სიდიდეში განსხვავება თითქმის არაა, ხოლო შეფერილობაში მცირე სხვაობაა. საერთო შეფერილობით ჩამოჰგავს ჭივჭავს. ზრდასრულ მამალს შუბლი, ვიწრო ზოლი თხემზე, წარბები, კუდზედა ბუმბულები, „საყელური“ და სხეულის ქვემო მხარე, [[თეთრი (ფერი)|თეთრი]] მუცლის გარდა, ლიმონისფერ ან მომწვანო-[[ყვითელი (ფერი)|ყვითელია]], თხემის გვერდები – მომწვანო-[[რუხი (ფერი)|რუხი]], მუქი მურა შტრიხებით. ზურგი მომწვანო-რუხია, მოთეთრო და მუქი მურა ლაქებით. ფრთის პატარა მფარავებიც მომწვანო-რუხია, ხოლო ფრთის დანარჩენი ბუმბულები, აგრეთვე საჭის ბუმბულები, მოწაბლისფრო-რქისფერი, გამოხუნებული მომწვანო არშიებით. თავის გვერდები რუხია. სხეულის გვერდებზე არის მურა ფერის სიჭრელე. დედალი ზურგის მხრიდან მურაა, ჟანგისფერ-მოყავისფრო, მოშავო-მურა და მოთეთრო ღერძულა ლაქებით. კუდზედა ბუმბულები მომწვანო-ყვითელია. ნისკარტი მურა-რქისფერია, ფეხები – მურა-ხორცისფერი.<br /> <br /> აღწერილია 3 ქვესახეობა [[საქართველო]]ში გვხვდება ევროპული იადონი – S. c. serinus Linn., 1766.<br /> <br /> ====გავრცელება==== <br /> სახეობის ბუდობის არეალი მოიცავს დასავლეთ [[ევროპა|ევროპის]] დიდ ნაწილს, გარდა სკანდინავიის, [[დანია|დანიის]], ინგლისის, [[ნიდერლანდები|ჰოლანდიისა]] და [[რუმინეთი]]სა. მოიპოვება ხმელთაშუა ზღვის კუნძულებზე, კანარის კუნძულებსა და კუნძულ მადეირაზე, ჩრდილო-დასავლეთ [[აფრიკა]]ში ([[მაროკო]], [[ალჟირი]], [[ტუნისი]]), მცირე [[აზია]]ში, [[სირია]]სა და [[პალესტინა]]ში. უკანასკნელ ხანებში გაიფართოვა არეალი ევროპის აღმოსავლეთ ნაწილში და მიაღწია ლენინგრადამდე, ტარტუმდე საქართველოში ცნობილია როგორც მცირე რაოდენობით მოზამთრე ფრინველი.<br /> <br /> ====ბიოტოპი==== <br /> იადონი საბინადროდ ირჩევს მეტწილად კულტურულ [[ლანდშაფტი|ლანდშაფტს]] – ბაღებს, პარკებს, ხეივნებს, სხვა ხემცენარეთა ნარგავებს, მით უფრო, თუ აქა-იქ წიწვიანებიც ურევია. არაკულტურულ [[ლანდშაფტი|ლანდშაფტში]] გვხვდება მეჩხერი ტყის ფარგლებში, ტყისპირებში, ბუჩქნარებში, განცალკევებით მდგომ [[ხე]]ებზე.<br /> <br /> ====გამრავლება==== <br /> ბუდობს უფრო ხშირად წიწვიანი ხეების კრონაში, ზოგჯერ ხშირტოტებიან ფოთლოვან ხეებზე ან ბუჩქებზეც აგებს საკმაოდ მოხდენილ ბუდეს რბილი მცენარეული მასალისაგან. წელიწადში ნორმალურად ორჯერ მრავლდება. პირველი ბუდობა მიმდინარეობს აპრილ-მაისში, ხოლო მეორე – ივნის-ივლისში. დებს 3-5 კვერცხს. კრუხად ჯდება დედალი. საინკუბაციო პერიოდი 13 დღემდე გრძელდება.<br /> <br /> ====კვება==== <br /> იადონი იკვებება ნაირგვარ მცენარეთა, მათ შორის მეტწილად სარეველა, ბოსტნეული და სხვათა [[თესლი|თესლებითა]] და ნორჩი მწვანე [[ფოთოლი|ფოთლებით]]. ჭამს პატარა ზომის [[მწერები|მწერებსაც]] – ბუგრებს, ხოჭოებს და სხვ.<br /> <br /> ====მნიშვნელობა==== <br /> კვების ხასიათის მიხედვით სასარგებლო ფრინველია. ჩვენში სამეურნეო მნიშვნელობა არა აქვს. დიდად ფასობს ფრინველების მოყვარულთა შორის როგორც ლამაზი გარეგნობისა და სასიამოვნო მგალობელი ფრინველი.<br /> <br /> ==წყარო==<br /> [[საქართველოს ფრინველების სარკვევი]]<br /> [[კატეგორია:ფრინველთა გვარი]]<br /> [[კატეგორია:ფრინველები]]<br /> [[კატეგორია:ბეღურასნაირნი]]<br /> [[კატეგორია:მთიულასებრნი]]<br /> [[კატეგორია:იადონი]]</div>

Echelidze