https://www.nplg.gov.ge/wikidict/index.php?action=history&feed=atom&title=%E1%83%99%E1%83%90%E1%83%95%E1%83%90_%28%E1%83%A5%E1%83%90%E1%83%9A%E1%83%90%E1%83%A5%E1%83%98%29 2026-04-28T02:25:27Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%99%E1%83%90%E1%83%95%E1%83%90_(%E1%83%A5%E1%83%90%E1%83%9A%E1%83%90%E1%83%A5%E1%83%98)&diff=237100&oldid=prev 2024-10-28T07:18:26Z

<p>ახალი გვერდი: &#039;&#039;&#039;კავა&#039;&#039;&#039; – <a href="/wikidict/index.php/%E1%83%A5%E1%83%90%E1%83%9A%E1%83%90%E1%83%A5%E1%83%98" title="ქალაქი">ქალაქი</a>, დაარსებული კერმას კულტურის მიერ გახდა მნ...</p> <p><b>ახალი გვერდი</b></p><div>'''კავა''' – [[ქალაქი]], დაარსებული კერმას კულტურის მიერ გახდა მნიშვნელობით მეორე ქალაქი ამ პერიოდში. ნუბიის ამ რეგიონის ეგვიპტელების მიერ დაპყრობის შემდეგ, [[ამონხეტეპ III]]-მ კავაში [[ამონი]]ს ტაძარი ააგო. <br /> <br /> კავას ეგვიპტური სახელი „ატონი ხილულია“ (შესაძლოა ქალაქს დაერქვა ამონხეტეპ III-ის მეფობის ბოლო წლებში, როცა [[ატონი]]ს კულტი უკვე ძალას იკრეფდა, ან [[ამონხეტეპ IV]] (ეხნატონის) დროს. ამონის კულტის რესტავრაციის შემდეგ, როცა ეგვიპტეში ატონის დევნა დაიწყო, სავარაუდოდ იგივე მოხდა კავაშიც, რადგან აქ არ არის მოძიებული არც ერთი ბლოკი ეხნატონის სახელით, მაგრამ სახელი დარჩა. შემდგომში აქ შაბაკამ (XXV დინასტია) ააგო ტაძარი ან სამლოცველო, მიძღვნილი [[ანუკეტი]]სადმი, მაგრამ ტაძრის გრანდიოზული მშენებლობა ტახარკასთან (XXV დინასტია) არის დაკავშირებული. მისივე თქმით, როცა ის ოცი წლის ასაკში მისმა უფროსმა ძმამ და ფარაონმა ნაპატადან ეგვიპტეში გამოიძახა, გზაზე შეიარა კავაში (კავა ნაპატას ჩრდილოეთით მდებარეობს) და დაითრგუნა, რადგან ტაძარი მიტოვებული და ქვიშაში ჩაფლული იყო. გამეფების შემდეგ ტახარკამ, რომელიც ბევრს აშენებდა ეგვიპტეში და ნუბიაში, არ დაივიწყა კავა და იქ შესანიშნავი ტაძარი ააგო. კავას ტაძარი, რომლის მშენებლობას ტახარკამ ათი წელი მოანდომა, ნუბიელი ფარაონების ეგვიპტის ძველი და კლასიკური პერიოდების ხელოვნებისადმი მიბრუნების ნათელ დემონსტრაციას წარმოადგენს. ტაძრის წარწერებიდან ვიგებთ, რომ ტახარკამ კავაში გააგზავნა [[არქიტექტორი|არქიტექტორები]] მემფისიდან, რომლებმაც, სავარაუდოდ, ნიმუშებისათვის სათანადო „წიგნები“ წაიღეს თან, რადგან ტაძრის გამოსახულებები ძველი სამეფოს ტაძრების (მაგ. სახურას ტაძრის) ოდნავ სახეშეცვლილ ასლებს წარმოადგენს. ქანდაკებები ძირითადად [[ეგვიპტის ახალი სამეფო|ახალი სამეფო]]ს სტილით არის შექმნილი. აქ არის ასევე XVIII დინასტიისათვის დამახასიათებელი ვერძისთავიანი [[სფინქსი|სფინქსების]] ალეაც. შემდგომში კავამ დაკარგა თავისი მნიშვნელობა და თანდათან უმნიშვნელო დასახლებად გადაიქცა.<br /> <br /> <br /> <br /> ==წყარო==<br /> [[ძველი ეგვიპტის ენციკლოპედია]]<br /> [[კატეგორია:ძველი ეგვიპტე]]<br /> [[კატეგორია:ქალაქები სუდანში]]</div>

Tkenchoshvili