https://www.nplg.gov.ge/wikidict/index.php?action=history&feed=atom&title=%E1%83%99%E1%83%9A%E1%83%93%E1%83%98%E1%83%A1_%E1%83%9B%E1%83%94%E1%83%A0%E1%83%AA%E1%83%AE%E1%83%90%E1%83%9A%E1%83%98 2026-04-28T20:42:15Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%99%E1%83%9A%E1%83%93%E1%83%98%E1%83%A1_%E1%83%9B%E1%83%94%E1%83%A0%E1%83%AA%E1%83%AE%E1%83%90%E1%83%9A%E1%83%98&diff=247591&oldid=prev 2025-05-14T13:21:47Z

<p>ახალი გვერდი: &#039;&#039;&#039;კლდის მერცხალი&#039;&#039;&#039; (ლათ. Ptyonoprogne rupestris Scopolf, 1769) − ფრინველი [[ბეღურასნაი...</p> <p><b>ახალი გვერდი</b></p><div>'''კლდის მერცხალი''' (ლათ. Ptyonoprogne rupestris Scopolf, 1769) − ფრინველი [[ბეღურასნაირნი|ბეღურასნაირთა]] რიგიდან.<br /> * კლასი − ფრინველები (AVES)<br /> * რიგი − [[ბეღურასნაირნი]] (Passeriformes)<br /> * ოჯახი − [[მერცხლისებრნი]] (Hirundinidae)<br /> * გვარი − [[მთის მერცხალი]] (Ptyonoprogne)<br /> კლდის მერცხალი პატარა ზომის მერცხალია, ფრთა 125-135 მმ-ია, კუდი – 55-60 მმ, [[ნისკარტი (ფრინველის)|ნისკარტი]] – 7-8 მმ, წონა 20-25 გ. სიდიდესა და შეფერილობაში სქესობრივი დიმორფიზმი არაა გამოხატული. ზურგის მხარეს ზრდასრული ფრინველი მურა-კლდისფერი ან მურა-[[რუხი (ფერი)|რუხი]]ა, ფრთებზე და ზოგიერთების თავზე რამდენადმე უფრო მუქი. სხეულის ქვემო მხარე ღია მურა ან ჭუჭყიანი მოთეთრო ფერისაა, მუცელზე მურა ჟანგმიწისფერი ელფერით. ყელი ღია, თითქმის მოთეთროა, წვრილი მურა სამკუთხა წინწკლებით. მომქნევები და საჭის ბუმბულები მოშავო-მურაა. საჭის ბუმბულების შიგნითა მარაოებზე, გარდა შუა და კიდურა წყვილებისა, ოვალური ფორმის თითო [[თეთრი (ფერი)|თეთრი]] ლაქაა. კუდი მცირედ, მხოლოდ 4-6 მმ-ითაა ამოკვეთილი. ნისკარტი შავია, ფეხები – ღია მურა ფერის.<br /> <br /> აღწერილია 2 ქვესახეობა. [[საქართველო]]ში მოიპოვება დასავლური კლდის მერცხალი – P. r. rupestris Scop., 1769.<br /> <br /> ====გავრცელება==== <br /> სახეობის ბუდობის არეალი მოიცავს სამხრეთი [[ევროპა|ევროპის]], ჩრდილო-დასავლეთი [[აფრიკა|აფრიკის]], შუა და ცენტრალური [[აზია|აზიის]] შედარებით ვიწრო ზოლს. ევროპაში ბუდობს [[ესპანეთი|ესპანეთში]], სამხრეთ [[საფრანგეთი|საფრანგეთში]], ალპებში, აპენინისა და ბალკანეთის ნახევარკუნძულებზე, [[კავკასია]]ში; აზიაში – წინა და შუა აზიის სამხრეთ ნაწილში, ჩრდილოეთ [[ინდოეთი|ინდოეთში]] და [[ჩინეთი|ჩინეთში]]; [[აფრიკა]]ში – ატლასის მთებში. იზამთრებს ჩრდილო-დასავლეთ აფრიკაში (საჰარის ჩრდილოეთით), [[ეთიოპია]]სა და [[სუდანი|სუდანში]], აგრეთვე არაბეთის სამხრეთ ნაწილში. საქართველოში მობუდარია.<br /> <br /> ====ბიოტოპი==== <br /> მაღალი მთების ღრმა, კლდოვანი ხეობები და ხრამები, უპირატესად [[მდინარე]]ების ან სხვა წყალსატევების მახლობლად. ვერტიკალურად ვრცელდება მთავარ კავკასიონზე 2500 მ-მდე ზ. დ.<br /> <br /> ====გამრავლება==== <br /> ჩვეულებრივად ბუდობს კოლონიებად. ბუდეს იკეთებს მიწისა და ნერწყვის ნარევისაგან, ამაგრებს მას კლდეთა კედლების პატარა ჩაღრმავებაში. ბუდე ღია, ჯამის ფორმისაა, წააგავს [[სოფლის მერცხალი|სოფლის მერცხლის]] ბუდეს. მაისის ბოლოს დებს 3-4 კვერცხს. კრუხად ჯდება უპირატესად დედალი. საინკუბაციო პერიოდი 14 დღეს გრძელდება.<br /> <br /> ====კვება==== <br /> ძირითადი საკვებია პატარა ზომის მფრინავი [[მწერები]]. <br /> <br /> ====მნიშვნელობა==== <br /> მიუხედავად იმისა, რომ მთებში უამრავ მწერს ანადგურებს, დიდი პრაქტიკული მნიშვნელობა არა აქვს.<br /> <br /> ==წყარო==<br /> [[საქართველოს ფრინველების სარკვევი]]<br /> [[კატეგორია:ფრინველთა გვარი]]<br /> [[კატეგორია:ფრინველები]]<br /> [[კატეგორია:ბეღურასნაირნი]]<br /> [[კატეგორია:მერცხლისებრნი]]<br /> [[კატეგორია:მთის მერცხალი]]</div>

Echelidze