https://www.nplg.gov.ge/wikidict/index.php?action=history&feed=atom&title=%E1%83%99%E1%83%9D%E1%83%93%E1%83%90%E1%83%9A%E1%83%90%E1%83%A1%E1%83%9C%E1%83%90%E1%83%98%E1%83%A0%E1%83%9C%E1%83%98 2026-05-01T13:03:32Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%99%E1%83%9D%E1%83%93%E1%83%90%E1%83%9A%E1%83%90%E1%83%A1%E1%83%9C%E1%83%90%E1%83%98%E1%83%A0%E1%83%9C%E1%83%98&diff=245888&oldid=prev 2025-05-05T11:14:17Z

<p>ახალი გვერდი: &#039;&#039;&#039;კოდალასნაირნი&#039;&#039;&#039; (&#039;&#039;ლათ&#039;&#039;. Piciformes) − ფრინველთა რიგი. კოდალასნაირთა...</p> <p><b>ახალი გვერდი</b></p><div>'''კოდალასნაირნი''' (''ლათ''. Piciformes) − ფრინველთა რიგი. კოდალასნაირთა რიგი აერთიანებს საშუალო და პატარა ზომის საკმაოდ ნაირგვარი ფრინველების ჯგუფს, რომელთაც აქვთ შინაგანი და გარეგანი აგებულების ზოგიერთი საერთო ნიშანი. ამასთან ერთმანეთისაგან კარგადაც გამოირჩევიან სხვა, როგორც ანატომიური და გარეგნული, ისე ცხოვრების ნირით.<br /> <br /> ფრინველთა ამ ჯგუფის გამაერთიანებელი ნიშნებიდან აღსანიშნავია თავის ქალასა და ცხვირის ძვლების ერთნაირი აგებულება, აქვთ კისრის 14 მალა და 5 წყვილი ნეკნი, ფეხის 2 თითი წინაა მიმართული, ხოლო 2 − უკან. პტერილიები ვიწროა, აპტერიები კი ფართო, ღინღლი არა აქვთ, ფრთები მოკლე და ბლაგვია, პირველი რიგის მომქნევი 10-11-ია. არის ზოგიერთი სხვა საერთო ნიშანიც ანატომიურ აგებულებაში.<br /> <br /> ახასიათებთ მეხეური ცხოვრების ნირი, ბუდობენ ფუღუროებში ან სოროებში. ბარტყები იჩეკებიან შეუმოსავი და თვალებაუხილველნი.<br /> <br /> რიგს ბევრი საერთო ნიშანი აქვს ბეღურასნაირებთან. ფილოგენეტურად კი უკავშირდებიან პრიმიტიულ [[ყაპყაპისნაირნი|ყაპყაპისნაირებს]]. კერძოდ, წარმოშობილი არიან [[ალკუნი|ალკუნებსა]] და მომოტებთან ახლო მდგომი ფორმებიდან.<br /> <br /> სისტემატიკურად, რიგი იყოფა 2 ქვერიგად: იაკამარებად (Galbulae) და საკუთრივ კოდალებად (Pici). იაკამარები, რომელსაც მიეკუთვნება 2 ოჯახი 15 სახეობით, დამახასიათებელია მხოლოდ ცენტრალური და სამხრეთი ამერიკის ტროპიკული ზონისათვის. საკუთრივ კოდალების ქვერიგში გამოყოფენ 4 ოჯახს, 345 სახეობით, რომლებიც ფართოდ არიან გავრცელებული [[ევროპა|ევროპის]], [[აზია|აზიის]], [[აფრიკა|აფრიკისა]] და [[ამერიკა|ამერიკის]] ტყეებში. <br /> [[საქართველო]]ში მოიპოვება ამ ქვერიგის მხოლოდ ერთი ოჯახის წარმომადგენლები.<br /> :*[[კოდალასებრნი]]<br /> <br /> ==წყარო==<br /> [[საქართველოს ფრინველების სარკვევი]]<br /> [[კატეგორია:ფრინველთა რიგი]]<br /> [[კატეგორია:კოდალასნაირნი]]</div>

Echelidze