https://www.nplg.gov.ge/wikidict/index.php?action=history&feed=atom&title=%E1%83%99%E1%83%9D%E1%83%98%E1%83%9C%E1%83%94კოინე - რედაქტირების ისტორია2026-05-09T14:07:15Zამ გვერდის შესწორებათა ისტორია ვიკიშიMediaWiki 1.19.24https://www.nplg.gov.ge/wikidict/index.php?title=%E1%83%99%E1%83%9D%E1%83%98%E1%83%9C%E1%83%94&diff=217979&oldid=prevTkenchoshvili: ახალი გვერდი: '''კოინე'''– (ბერძნ. koinέ diάlektos საერთო ენა II მეტყველება), [[ენა (მეტყვე...2024-01-28T20:47:33Z<p>ახალი გვერდი: '''კოინე'''– (ბერძნ. koinέ diάlektos საერთო ენა II მეტყველება), [[ენა (მეტყვე...</p>
<p><b>ახალი გვერდი</b></p><div>'''კოინე'''– (ბერძნ. koinέ diάlektos საერთო ენა II მეტყველება), [[ენა (მეტყველება)|ენის]] ფუნქციური ტიპი, საერთო ენა, რომელიც რომელიმე წამყვანი (ცენტრალური) [[დიალექტი]]ს (ენის) საფუძველზე ჩამოყალიბდა დიალექტთაშორისი (ენათაშორისი) ურთიერთობისა და ეთნიკური (ეროვნული) თვითგამოხატვის ძირითად საშუალებად.<br />
<br />
კოინე თავდაპირველად, როგორც საერთო ენობრივი ფორმა, ჩამოყალიბდა ძვ. [[საბერძნეთი|საბერძნეთში]] (ატიკური დიალექტის ბაზაზე), როდესაც [[ალექსანდრე მაკედონელი]]ს დაპყრობითი [[ომი|ომების]] შემდეგ განსაკუთრებით იგრძნობოდა საერთო <br />
ენის საჭიროება. <br />
<br />
თანამედროვე სოციოლინგვისტიკაში ტერმინი კოინე გამოიყენება ენის ნებისმიერი ვარიანტის მიმართ, რომელიც წარმოიქმნება დიალექტთა შორის განსხვავებების გაერთფერებით. ამ მნიშვნელობით კოინე შესაძლოა წარმოადგენდეს საერთო ზეპირ საკომუნიკაციო <br />
ნორმას გარკვეულ რეგიონში (მაგ., ქალაქური კოინე) არსებობდეს როგორც დიალექტთაშორისი ოდენობა ცალკეულ დიალექტთა აქტიური ურთიერთობის არეალში (მაგ., თიანეთი), ან გამოვლინდეს ხალხური სიტყვიერების რომელსამე ცალკეულ სფეროში (მაგ.: <br />
[[ანდაზა|ანდაზებში]], [[ზღაპარი|ზღაპრებში]], პოეზიაში).<br />
<br />
ქართული ენობრივი სინამდვილისათვის ნიშანდობლივი ჩანს ერთგვარი პოეტური კოინეს არსებობა ხალხური შემოქმედების დონეზე, <br />
რამდენადაც დიალექტურად მკვეთრად განსხვავებულ სხვადასხვა კუთხეთა პოეტური ფოლკლორი [[დიალექტიზმი|დიალექტიზმების]] თვალსაზრისით საკმაოდ ხელშესახებად არის რეგლამენტირებული და მინიმალურ ენობრივ სხვაობას წარმოაჩენს. სხვა ქართველურ ენათა ანალოგიური ტენდენციებისა და საერთო პოეტური კულტურის გათვალისწინებით, შესაძლებელია ეს ფაქტი [[არქეტიპი (ტექსტოლოგია)|არქეტიპულ]] მოვლენად შეფასდეს. კოინეს, როგორც ენობრივ მოვლენას, ერთგვარი შუალედური ადგილი <br />
უკავია ლინგვა-ფრანკასა და სალიტერატურო ენას შორის და არცთუ იშვიათად იგი ამ უკანასკნელის ჩამოყალიბების წინაპირობადაც <br />
გვევლინება. <br />
<br />
ა. არაბული <br />
<br />
==წყარო==<br />
[[ქართული ენა: ენციკლოპედია]]<br />
[[კატეგორია:ენათმეცნიერება]]</div>Tkenchoshvili