https://www.nplg.gov.ge/wikidict/index.php?action=history&feed=atom&title=%E1%83%9A%E1%83%A3%E1%83%A0%E1%83%AF%E1%83%98_%E1%83%99%E1%83%9A%E1%83%93%E1%83%98%E1%83%A1_%E1%83%A8%E1%83%90%E1%83%A8%E1%83%95%E1%83%98 2026-05-03T20:37:24Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%9A%E1%83%A3%E1%83%A0%E1%83%AF%E1%83%98_%E1%83%99%E1%83%9A%E1%83%93%E1%83%98%E1%83%A1_%E1%83%A8%E1%83%90%E1%83%A8%E1%83%95%E1%83%98&diff=248496&oldid=prev 2025-05-21T12:31:40Z

<p>ახალი გვერდი: &#039;&#039;&#039;ლურჯი კლდის შაშვი&#039;&#039;&#039; (&#039;&#039;ლათ&#039;&#039;. Monticola solitarius Linnaeus, 1758) − ფრინველი [[ბეღურას...</p> <p><b>ახალი გვერდი</b></p><div>'''ლურჯი კლდის შაშვი''' (''ლათ''. Monticola solitarius Linnaeus, 1758) − ფრინველი [[ბეღურასნაირნი|ბეღურასნაირთა]] რიგიდან.<br /> * კლასი − ფრინველები (AVES)<br /> * რიგი − [[ბეღურასნაირნი]] (Passeriformes)<br /> * ოჯახი − [[შაშვისებრნი]] (Turdidae)<br /> * გვარი − [[კლდის შაშვი]] (Monticola)<br /> ლურჯი კლდის შაშვი შაშვისებრთა ოჯახის საშუალო ზომის ფრინველია. ფრთა 110-130 მმ-ია, კუდი – 75-85 მმ, [[ნისკარტი (ფრინველის)|ნისკარტი]] – 25-30 მმ, წონა – 55-65 გ. მამალი დიდია დედალზე. შეფერილობაშიც სქესობრივი დიმორფიზმი კარგადაა შესამჩნევი. ზრდასრული მამალი მუქი [[ცისფერი]]ა ან უფრო მოცისფრო [[ლურჯი]], მაგრამ მუცლის მხარეს რამდენადმე უფრო ღია ფერისაა. ფრთები და კუდი შავი აქვს. ფრთებისქვეშა ბუმბულები მორუხო-ლურჯია. ფეხები მუქი მურაა, ხოლო ნისკარტი და ბრჭყალები − შავი. დედალი ზურგის მხარეს მუქი მურაა, მკრთალი მოლურჯო ელფერით; სხეულის ქვემო მხარე უფრო ღია მურა ან მუქი-[[რუხი (ფერი)|რუხი]]ა, მაგრამ ბევრია აქ მუქი მურა წინწკლები. კუდქვეშა ბუმბულები მოქარცისფრო-ჟანგისფერია, განივი ზოლებით. ფრთები და კუდი მუქი მურაა. ნისკარტი შავია, ხოლო ფეხები – მუქი მურა.<br /> <br /> აღწერილია 5 ქვესახეობა. [[საქართველო]]ში მოიპოვება ევროპული ლურჯი კლდის შაშვი – M. s. solitarius Linn., 1758.<br /> <br /> ====გავრცელება==== <br /> სახეობის ბუდობის არეალი [[დასავლეთი]]თ იწყება [[აფრიკა|აფრიკის]] ჩრდილო-დასავლეთ ნაწილში და პირენეის ნახევარკუნძულზე, საიდანაც [[აღმოსავლეთი]]თ მიუყვება [[ევროპა|ევროპისა]] და [[აზია|აზიის]] სამხრეთ ნაწილებს და მოიპოვება სამხრეთ [[საფრანგეთი|საფრანგეთში]], [[იტალია]]ში, [[შვეიცარია]]ში, [[ავსტრია]]ში, იუგოსლავიაში, [[საბერძნეთი|საბერძნეთში]], მცირე აზიაში, [[პალესტინა]]ში, [[ამიერკავკასია]]ში, [[ირანი|ირანში]], [[ავღანეთი|ავღანეთში]], [[ტაჯიკეთი|ტაჯიკეთში]], ქაშმირში, ჰიმალაის მთებში, ტიბეტში, ჩრდილოეთ [[ბირმა]]ში, [[ჩინეთი]]ს ზღვის ნაპირებამდე. ზამთარს ატარებს ხმელთაშუა ზღვის სანაპირო ქვეყნებში, ჩრდილო-დასავლეთ და აღმოსავლეთ აფრიკაში, სამხრეთ-დასავლეთ არაბეთში, [[ინდოეთი|ინდოეთში]], ინდოჩინეთში და ინდო-ავსტრალიის კუნძულებზე. საქართველოში ცნობილია როგორც მობუდარი ფრინველი.<br /> <br /> ====ბიოტოპი==== <br /> მთების ვრცელი მშრალი ხეობები კლდოვანი ფერდობებითა და ხრამებით, ღარიბი ქსეროფილური მცენარეული საფარით, უპირატესად ნარეკლიანი ბუჩქნარებით, ზოგან მაღალტანიანი ფოთლოვანი ტყისპირებშიც. ვერტიკალურად ვრცელდება 2500 მ-მდე ზღვის დონიდან.<br /> <br /> ====გამრავლება==== <br /> ბუდეს აკეთებს დედალი [[ხავსი]]ს, ხმელი წვრილი ღეროებისა და სხვა მცენარეული მასალისაგან, კლდის ნაპრალებში ან ქვა-ღორღიანებში. მაისში დებს 3-7 კვერცხს. კრუხად ჯდება მხოლოდ დედალი. საინკუბაციო პერიოდი 14-15 დღემდე გრძელდება.<br /> <br /> ====კვება====<br /> ლურჯი კლდის შაშვის საკვებს შეადგენენ ხმელეთის წვრილი უხერხემლოები, მეტწილად [[მწერები]] და მათი მუხლუხოები, აგრეთვე [[მოლუსკები]], ობობები და მრავალი სხვა.<br /> <br /> ====მნიშვნელობა==== <br /> მცირერიცხოვნების გამო სამეურნეო მნიშვნელობა არა აქვს.<br /> <br /> ==წყარო==<br /> [[საქართველოს ფრინველების სარკვევი]]<br /> [[კატეგორია:ფრინველები]]<br /> [[კატეგორია:ბეღურასნაირნი]]<br /> [[კატეგორია:შაშვისებრნი]]<br /> [[კატეგორია:კლდის შაშვი]]</div>

Echelidze