https://www.nplg.gov.ge/wikidict/index.php?action=history&feed=atom&title=%E1%83%9B%E1%83%90%E1%83%A0%E1%83%A8%E1%83%90%E1%83%9A%E1%83%98%E1%83%A1_%E1%83%92%E1%83%94%E1%83%92%E1%83%9B%E1%83%90 2026-04-29T05:57:31Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%9B%E1%83%90%E1%83%A0%E1%83%A8%E1%83%90%E1%83%9A%E1%83%98%E1%83%A1_%E1%83%92%E1%83%94%E1%83%92%E1%83%9B%E1%83%90&diff=222208&oldid=prev 2024-04-04T11:10:27Z

<p>ახალი გვერდი: &#039;&#039;&#039;მარშალის გეგმა&#039;&#039;&#039; – <a href="/wikidict/index.php/%E1%83%9B%E1%83%94%E1%83%9D%E1%83%A0%E1%83%94_%E1%83%9B%E1%83%A1%E1%83%9D%E1%83%A4%E1%83%9A%E1%83%98%E1%83%9D_%E1%83%9D%E1%83%9B%E1%83%98" class="mw-redirect" title="მეორე მსოფლიო ომი">მეორე მსოფლიო ომის</a> შემდეგ [[ევროპა|ევრო...</p> <p><b>ახალი გვერდი</b></p><div>'''მარშალის გეგმა''' – [[მეორე მსოფლიო ომი]]ს შემდეგ [[ევროპა|ევროპის]] აღდგენისა და განვითარების პროგრამა, რომელსაც საფუძვლად ედო [[აშშ]]-ის ეკონომიკური დახმარება. წამოაყენა აშშ-ის სახელმწიფო მდივანმა [[მარშალი ჯორჯ|ჯ. კ. მარშალმა]] 5.VI.1947. [[დიდი ბრიტანეთი]]ს, [[საფრანგეთი]]სა და სსრკ-ის საგარეო საქმეთა მინისტრების პარიზის თათბირზე (1947). საბჭოთა მხარემ გააკრიტიკა დასავლეთის [[სახელმწიფო|სახელმწიფოთა]] პოზიცია რომელიც: მისი აზრით, ცდილობდა ევროპის სახელმწიფოთია საშინაო საქმეებში ჩარევას დახმარების საბაბით. საბჭოთა განცხადებაში აღნიშნული იყო, რომ ინგლის-საფრანგეთის წინადადებები მიზნად ისახავს ევროპის სახელმწიფოთა დაყოფას 2 ჯგუფად, ხოლო ამერიკულ [[კრედიტი|კრედიტებს]] ერთი ჯგუფის ევროპული სახელმწიფოები გამოიყენებენ მეორის წინააღმდეგ. ამასთან დაკავშირებით, სსრკ-მა უარი თქვა „მარშალის გეგმაში“ მონაწილეობაზე. საბჭოთა პოზიციას მხარი დაუჭირეს [[ალბანეთი|ალბანეთმა]], [[ბულგარეთი|ბულგარეთმა]], [[უნგრეთი|უნგრეთმა]], [[პოლონეთი|პოლონეთმა]]. [[რუმინეთი|რუმინეთმა]], ჩეხოსლოვაკიამ და იუგოსლავიამ. „მარშალის გეგმაში“ მონაწილეობაზე უარი თქვა ასევე [[ფინეთი|ფინეთმა]]. 12-15.VII.1947 პარიზში ჩატარდა იმ 16 ქვეყნის კონფერენცია, რომლებიც შეუერთდნენ „მარშალის გეგმა“-ს (დიდი ბრიტანეთი, საფრანგეთი, [[ავსტრია]], [[ბელგია]], [[დანია]], [[საბერძნეთი]], [[ირლანდია]], [[ისლანდია]], [[იტალია]], [[ლუქსემბურგი]], [[ნიდერლანდები]], [[ნორვეგია]], [[პორტუგალია]], [[შვედეთი]], [[შვეიცარია]] და [[თურქეთი]]. დასავლეთ ევროპის ქვეყნებისათვის დახმარება უნდა გაფორმებულიყო ორმხრივი შეთანხმებები სახით (რომელსაც, ხელი მოაწერა პარიზის კონფერენციის ყველა მონაწილემ, შვეიცარიის გარდა) ამასთან, ამ სახელმწიფოებს უნდა შეესრულებინათ, შემდეგი პირობები: [[მრეწველობა|მრეწველობის]] ნაციონალიზაციაზე უარის თქმა და სრული თავისუფლების მინიჭება კერო [[მეწარმეობა|მეწარმეობისათვის]] ამერიკული [[საქონელი|საქონლის]] შეტანაზე, [[საბაჟო გადასახადი]]ს ცალმხრივი შემცირება და სხვ. მარშალის გეგმის შესრულებაში კონტროლი დაევალა აშშ-ში შექმნილი ეკონომიკური თანამშრომლობის ადმინისტრაციას. დასავლეთევროპული ქვეყნების განაცხადთა შესადგენად მათი წარმომადგენლებისაგან შეიქმნა ევროპის ეკონომიკური თანამშრომლობის ორგანიზაცია. მარშალის გეგმის განხორციელების 4 წლის მანძილზე ამერიკული დახმარების მოცულობამ დაახლოებით 17 მლრდ დოლარი შეადგინა. დახმარების გაწევა ხდებოდა სესხებისა და [[სუბსიდია|სუბსიდიების]] საფუძველზე სხვადასხვა სახის მოხმარების საგნების მიწოდების სახით. მთელი თანხის 60% განაწილდა დიდ ბრიტანეთზე, საფრანგეთზე, იტალიაზე, დასავლეთ გერმანიაზე. უკვე 1951 მარშალის გეგმა ფაქტობრივად, გადაიქცა დასავლეთი ევროპის სახელმწიფოებისათვის ამერიკული სამხედრო დახმარების პროგრამად.<br /> <br /> ==წყარო==<br /> * [[ქართული დიპლომატიური ლექსიკონი]]<br /> [[კატეგორია:მსოფლიო ეკონომიკური პროგრამები]]<br /> [[კატეგორია:მარშალის გეგმა]]</div>

Tkenchoshvili