https://www.nplg.gov.ge/wikidict/index.php?action=history&feed=atom&title=%E1%83%9B%E1%83%92%E1%83%90%E1%83%9A%E1%83%9D%E1%83%91%E1%83%94%E1%83%9A%E1%83%98_%E1%83%90%E1%83%A1%E1%83%9E%E1%83%A3%E1%83%AD%E1%83%90%E1%83%99%E1%83%90 2026-05-05T17:34:49Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%9B%E1%83%92%E1%83%90%E1%83%9A%E1%83%9D%E1%83%91%E1%83%94%E1%83%9A%E1%83%98_%E1%83%90%E1%83%A1%E1%83%9E%E1%83%A3%E1%83%AD%E1%83%90%E1%83%99%E1%83%90&diff=248757&oldid=prev 2025-05-30T10:12:34Z

<p>ახალი გვერდი: მგალობელი ასპუჭაკა (&#039;&#039;ლათ&#039;&#039;. Sylvia hortensis Gmelin, 1788) − ფრინველი [[ბეღურასნა...</p> <p><b>ახალი გვერდი</b></p><div>მგალობელი ასპუჭაკა (''ლათ''. Sylvia hortensis Gmelin, 1788) − ფრინველი [[ბეღურასნაირნი|ბეღურასნაირთა]] რიგიდან.<br /> * კლასი − ფრინველები (AVES)<br /> * რიგი − [[ბეღურასნაირნი]] (Passeriformes)<br /> * ოჯახი − [[ასპუჭაკასებრნი]] (Sylviidae)<br /> * გვარი − [[ასპუჭაკა]] (Sylvia)<br /> მგალობელი ასპუჭაკა ბეღურაზე მომცრო ზომის ფრინველია, ფრთა 75-85 მმ-ია, კუდი – 65-72 მმ, [[ნისკარტი (ფრინველის)|ნისკარტი]] – 12-15 მმ, წონა – 20-27 გ. მამალი ოდნავ დიდია დედალზე. შეფერილობაში სქესობრივი დიმორფიზმი კარგადაა გამოხატული. ზრდასრულ მამალს თავი ზემოდან, კეფა და ყურების მფარავები შავი აქვს; ზურგი, მხრები, ფრთების მფარავები, წელი და კუდზედა ბუმბულები – ასპიდურ-[[რუხი (ფერი)|რუხი]]. მომქნევები მუქი მურაა, ღია ფერის არშიებით. საჭის ბუმბულები მოშავოა, მაგრამ წვეროები მოთეთრო, ხოლო კიდურა წყვილის გარეთა მარაოები [[თეთრი (ფერი)|თეთრი]] აქვთ. მუცლის მხარე მოთეთროა, მკერდი და სხეულის გვერდები მორუხო. კუდქვეშა და წვივის ბუმბულებიც მორუხოა, მაგრამ – ღია ფერის კიდეებით. ნისკარტი და ფეხები შავი ან მოშავოა. დედალს თავი ზემოდან, კეფა და ყურების მფარავები მოშავო-მურა აქვს, ხოლო ზურგი – მოწაბლისფრო-რუხი.<br /> <br /> აღწერილია 2 ქვესახეობა. [[საქართველო]]ში მოიპოვება აღმოსავლური მგალობელი ასპუჭაკა – S. h. crassirostris Cretzschmar, 1826.<br /> <br /> ====გავრცელება==== <br /> სახეობის ბუდობის არეალი შედგება სამი იზოლირებული რეგიონისაგან: ერთი მოიცავს ჩრდილო-დასავლეთ [[აფრიკა]]ს; მეორე – ხმელთაშუა ზღვის სანაპირო [[ევროპა|ევროპის]] ქვეყნებს – [[ესპანეთი|ესპანეთს]], [[პორტუგალია]]ს, სამხრეთ [[საფრანგეთი|საფრანგეთს]], [[იტალია]]სა და იუგოსლავიას; მესამე – მცირე [[აზია]]ს, [[ამიერკავკასია]]ს, [[ირანი|ირანს]], [[ავღანეთი|ავღანეთს]] და შუა აზიას – ჩრდილოეთით ტალასის ალათაუმდე. ზამთრობს ცენტრალურ [[აფრიკა]]ში, სამხრეთ არაბეთში, [[პაკისტანი|პაკისტანსა]] და [[ინდოეთი|ინდოეთში]]. საქართველოში ცნობილია, როგორც მობუდარი ფრინველი.<br /> <br /> ====ბიოტოპი==== <br /> ბინადრობს მთების მშრალ ბუჩქნარებში, ტყისპირებში, მაღალ ბალახნარებში, ბაღებში, სამოსახლოს მახლობელ ადგილებში.<br /> <br /> ====გამრავლება==== <br /> ბუდეს აკეთებს ნამჯის, ბალახის ღეროებისა და სხვა მასალისაგან ბუჩქზე, იშვიათად [[ხე]]ზეც. მაისის მეორე ნახევარში დებს 4-6 კვერცხს. კრუხად ჯდება მეტწილად დედალი, ზოგჯერ მას ცვლის მამალიც. საინკუბაციო პერიოდი 12 დღემდე გრძელდება. არის ცნობა წელიწადში მეორედ ბუდობის შესახებაც.<br /> <br /> ====კვება==== <br /> მგალობელი ასპუჭაკას ძირითადი საკვებია ნაირგვარი [[მწერები]], მათი [[ლარვა|ლარვები]], აგრეთვე ობობები. შემოდგომითა და ზამთარში ჭამს კენკრასაც.<br /> <br /> ====მნიშვნელობა====<br /> მავნე მწერების განადგურებით გარკვეული სარგებლობა მოაქვს, მაგრამ მცირერიცხოვნობის გამო ეს სარგებლობა დიდი არაა. დიდია მისი ესთეტიკური მნიშვნელობა, როგორც შესანიშნავი მგალობელი ფრინველი.<br /> <br /> ==წყარო==<br /> [[საქართველოს ფრინველების სარკვევი]]<br /> [[კატეგორია:ფრინველები]]<br /> [[კატეგორია:ბეღურასნაირნი]]<br /> [[კატეგორია:ასპუჭაკასებრნი]]<br /> [[კატეგორია:ასპუჭაკა]]</div>

Echelidze