https://www.nplg.gov.ge/wikidict/index.php?action=history&feed=atom&title=%E1%83%9B%E1%83%92%E1%83%9A%E1%83%98%E1%83%9C%E1%83%90%E1%83%95%E1%83%90%E1%83%A1%E1%83%94%E1%83%91%E1%83%A0%E1%83%9C%E1%83%98 2026-05-02T16:42:51Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%9B%E1%83%92%E1%83%9A%E1%83%98%E1%83%9C%E1%83%90%E1%83%95%E1%83%90%E1%83%A1%E1%83%94%E1%83%91%E1%83%A0%E1%83%9C%E1%83%98&diff=248834&oldid=prev 2025-06-02T10:10:30Z

<p>ახალი გვერდი: &#039;&#039;&#039;მგლინავასებრნი&#039;&#039;&#039; (ლათ. Certhiidae) − ფრინველთა ოჯახი [[ბეღურასნაირნ...</p> <p><b>ახალი გვერდი</b></p><div>'''მგლინავასებრნი''' (ლათ. Certhiidae) − ფრინველთა ოჯახი [[ბეღურასნაირნი|ბეღურასნაირთა]] რიგიდან.<br /> მგლინავასებრთა ოჯახში გაერთიანებულია პატარა ზომის ტყისა და კლდეებზე მცხოვრები ფრინველები, რომლებისთვისაც ყველაზე უფრო დამახასიათებელია გრძელი, წვრილი და რკალისებურად მოხრილი [[ნისკარტი (ფრინველის)|ნისკარტი]]. ფრთა მომრგვალებულია, 10 პირველი რიგის მომქნევით. მათ შორის ყველაზე გრძელია მე-3, მე-4 და მე-5. კუდი შედგება საჭის 12 ბუმბულისაგან. ბუმბულსაფარველი უხვი და რბილია, ზოგჯერ აბრეშუმივით ხასხასა. შეფერილობა ნაირგვარია, მაგრამ [[მწვანე (ფერი)|მწვანე]] და [[ცისფერი]] არასოდეს ურევია. სამაგიეროდ არის წითელი შეფერილობის ცალკეული ნაწილები. სქესობრივი დიმორფიზმი შეფერილობაში არაა გამოხატული. ზოგიერთ სახეობას შეფერილობა ეცვლება სეზონების მიხედვით. ფეხები საკმაოდ ძლიერი აქვთ, გალო წინიდან დაფარულია ერთმანეთთან თითქმის შერწყმული ფარებით. ბრჭყალები დიდი, მოკაუჭებული და წვეტიანია, რომლითაც ფრინველი ადვილად ეჭიდება [[ხე]]ებისა და კლდეების ვერტიკალურ ზედაპირს და ადვილად შეუძლია მათზე ცოცვა, თუმცა მოძრაობენ მხოლოდ აღმა მიმართულებით.<br /> <br /> მგლინავასებრნი ბინადრობენ ტყეებში ან მთის ფერდობების კლდეებზე და ფლატეებზე. ბუდობენ ფუღუროებში, ნახევრად ახლეჩილ ხის ქერქსა და ღეროს შორის, მერქნისა და ქერქის ნაპრალებში, კლდეებისა და ფლატეების ნაპრალებსა და ღრმულებში. აკეთებენ შედარებით დიდი ზომის რბილ ბუდეს, უხვი ამონაფენით. დებენ 3-10 კვერცხს. საინკუბაციო პერიოდი ორ კვირამდე გრძელდება. საკვებს შეადგენენ [[მწერები]], მათი კვერცხები და [[ლარვა|ლარვები]], აგრეთვე ობობები. მცირე რაოდენობით ზოგჯერ კენკავენ [[თესლი|თესლებსაც]]. მწერებს შორის უმრავლესობა მავნე სახეობებია, რომელთა მასობრივად განადგურებით დიდი სარგებლობა მოაქვს სახალხო მეურნეობისათვის, განსა- კუთრებით დენდროფილურ ფორმებს.<br /> მგლინავასებრნი ფართოდ არიან გავრცელებული [[ევროპა]]ში, [[აზია]]ში, [[აფრიკა]]ში, ჩრდილოეთ [[ამერიკა]]სა და [[ავსტრალია]]ში. ისინი არ მოიპოვებიან მხოლოდ ანტარქტიკაში, სამხრეთ ამერიკაში, [[ახალი ზელანდია|ახალ ზელანდიასა]] და [[მადაგასკარი|მადაგასკარზე]].<br /> <br /> ოჯახი შეიცავს რამდენიმე ქვეოჯახსა და გვარს, 17 სახეობით. საქართველოში მოიპოვება 2 გვარის წარმომადგენლები.<br /> :*[[კლდეცოცია]]<br /> :*[[მგლინავა]]<br /> <br /> ==წყარო==<br /> [[საქართველოს ფრინველების სარკვევი]]<br /> [[კატეგორია:ფრინველთა ოჯახი]]<br /> [[კატეგორია:ბეღურასნაირნი]]<br /> [[კატეგორია:მგლინავასებრნი]]</div>

Echelidze