https://www.nplg.gov.ge/wikidict/index.php?action=history&feed=atom&title=%E1%83%9B%E1%83%93%E1%83%94%E1%83%9A%E1%83%9D%E1%83%A1_%E1%83%9B%E1%83%AC%E1%83%A7%E1%83%94%E1%83%A0%E1%83%A9%E1%83%98%E1%83%A2%E1%83%90 2026-05-02T14:53:54Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%9B%E1%83%93%E1%83%94%E1%83%9A%E1%83%9D%E1%83%A1_%E1%83%9B%E1%83%AC%E1%83%A7%E1%83%94%E1%83%A0%E1%83%A9%E1%83%98%E1%83%A2%E1%83%90&diff=247598&oldid=prev 2025-05-15T09:32:30Z

<p>ახალი გვერდი: &#039;&#039;&#039;მდელოს მწყერჩიტა&#039;&#039;&#039; (ლათ. Anthus pratensis Linnaeus, 1758) − ფრინველი [[ბეღურასნაი...</p> <p><b>ახალი გვერდი</b></p><div>'''მდელოს მწყერჩიტა''' (ლათ. Anthus pratensis Linnaeus, 1758) − ფრინველი [[ბეღურასნაირნი|ბეღურასნაირთა]] რიგიდან.<br /> * კლასი − ფრინველები (AVES)<br /> * რიგი − [[ბეღურასნაირნი]] (Passeriformes)<br /> * ოჯახი − [[ბოლოქანქარასებრნი]] (Motacillidae)<br /> * გვარი − [[მწყერჩიტა]] (Anthus)<br /> მდელოს მწყერჩიტა პატარა ზომის ფრინველია, ფრთა 70-85 მმ-ია, კუდი – 50-65 მმ, [[ნისკარტი (ფრინველის)|ნისკარტი]] – 10-12 მმ, წონა – 15-20 გ. სქესობრივი დიმორფიზმი სიდიდესა და შეფერილობაში არ შეიმჩნევა. ზრდასრული ფრინველი ზურგის მხარეს ღია წენგოსფერია და კარგადაა გამოხატული მუქი ღერძულა წინწკლები თავსა და ზურგზე. ზურგის უკანა ნაწილსა და კუდის ზემო მფარავებზე წინწკლები არაა (გამონაკლისია ყველაზე გრძელი მფარავები). მუცლის მხარე მოთეთროა, მაგრამ ყელის ირგვლივ ჩიჩახვზე და სხეულის გვერდებზე მუქი ზოლები კარგად ჩანს. მომქნევები მურაა ფრთის ზემო მფარავები და მესამე რიგის მომქნევები მუქი მურაა, ღია ფერის არშიებით. საჭის კიდურა ბუმბულები მურაა, მაგრამ მათი წვეროები და გარეთა მარაოები თითქმის მთლიანად [[თეთრი (ფერი)|თეთრია]]; საჭის მეორე წყვილის წვეროებზე პატარა თეთრი კოპლებია. საჭის დანარჩენი ბუმბულები მუქი მურაა, შუა წყვილი კი სხვებზე უფრო ნათელია და ფართო ღია ფერის არშიები აქვთ. ნისკარტი მუქი მურაა, ფეხები – მკრთალი მურა.<br /> <br /> ზოგი ავტორი გამოყოფს 2 ქვესახეობას. [[საქართველო]]ში მოიპოვება ჩვეულებრივი მდელოს მწყერჩიტა – A. p. pratensis Linn., 1758.<br /> <br /> ====გავრცელება==== <br /> სახეობის არეალი მოიცავს [[ევროპა]]ს და ჩრდილოეთი [[აზია|აზიის]] დასავლეთ ნაწილს, [[აღმოსავლეთი]]თ მდ. ობამდე, [[სამხრეთი]]თ მდ.<br /> ურალის შუა დინებამდე, დონის სათავეებამდე, [[რუმინეთი|რუმინეთს]], იუგოსლავიას, ჩრდილოეთ [[იტალია]]ს და სამხრეთ [[საფრანგეთი|საფრანგეთს]]. ზამთარს ატარებს შუა და სამხრეთ ევროპაში, ჩრდილოეთ [[აფრიკა]]ში, მცირე [[აზია]]ში, [[ამიერკავკასია]]ში, [[ირანი|ირანსა]] და [[პალესტინა]]ში. საქართველოში მოიპოვება მიმოფრენისას, აქა-იქ ზამთარშიც.<br /> <br /> ====ბიოტოპი==== <br /> გამრავლების დროს ირჩევს ტენიან ან დაჭაობებულ, კოლბოხებიან მდელოებს, ხავსიან და ბალახნარიან [[ჭაობი|ჭაობებს]]. ქვა-ღორღიან ადგილებს, ტანბრეცილ არყნარიან ან ბუჩქნარიან ტუნდრას. ზამთარში ეტანება უპირატესად ჩალეწილ ან ცხოველების მიერ გათელილ ლელიანებს წყალსატევის უშუალო სიახლოვეს.<br /> <br /> ====გამრავლება==== <br /> ბუდეს იკეთებს მიწაზე, რომელსაც წნავს ბალახისაგან და ამოაფენს გუგულის სელით. არეალის დიდ ნაწილში წელიწადში 2-ჯერ მრავლდება. პირველად აპრილის ბოლოს დებს 4-6 კვერცხს, მეორედ ივნისის მეორე ნახევარში – 3 კვერცხს. კრუხად ჯდება მხოლოდ დედალი. საინკუბაციო პერიოდი 13 დღეს გრძელდება. ბარტყების გამოკვებაში დედალს მამალიც ეხმარება.<br /> <br /> ====კვება====<br /> მდელოს მწყერჩიტას საკვებ რაციონში აღნიშნულია ძირითადად [[მწერები]] – ტკაცუნები და მათი [[ლარვა|ლარვები]], ფოთოლჭამიები, ხერხიები, მეგაზაფხულეები, აგრეთვე ობობები.<br /> <br /> ====მნიშვნელობა====<br /> დიდი სამეურნეო პრაქტიკული მნიშვნელობა არა აქვს, თუმცა ტუნდრაში მრავალ მწერს ანადგურებს.<br /> <br /> ==წყარო==<br /> [[საქართველოს ფრინველების სარკვევი]]<br /> [[კატეგორია:ფრინველები]]<br /> [[კატეგორია:ბეღურასნაირნი]]<br /> [[კატეგორია:ბოლოქანქარასებრნი]]<br /> [[კატეგორია:მწყერჩიტა]]</div>

Echelidze