https://www.nplg.gov.ge/wikidict/index.php?action=history&feed=atom&title=%E1%83%9B%E1%83%94%E1%83%93%E1%83%A3%E1%83%93%E1%83%A3%E1%83%99%E1%83%94_%28%E1%83%A4%E1%83%A0%E1%83%98%E1%83%9C%E1%83%95%E1%83%94%E1%83%9A%E1%83%98%29 2026-05-06T08:08:47Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%9B%E1%83%94%E1%83%93%E1%83%A3%E1%83%93%E1%83%A3%E1%83%99%E1%83%94_(%E1%83%A4%E1%83%A0%E1%83%98%E1%83%9C%E1%83%95%E1%83%94%E1%83%9A%E1%83%98)&diff=247713&oldid=prev 2025-05-16T12:02:00Z

<p>ახალი გვერდი: &#039;&#039;&#039;მედუდუკე&#039;&#039;&#039; (&#039;&#039;ლათ&#039;&#039;. Bombycilla garrulus Linnaeus, 1758) − ფრინველთა გვარი, ფრინველი ...</p> <p><b>ახალი გვერდი</b></p><div>'''მედუდუკე''' (''ლათ''. Bombycilla garrulus Linnaeus, 1758) − ფრინველთა გვარი, ფრინველი [[ბეღურასნაირნი|ბეღურასნაირთა]] რიგიდან. ამ გვარიდან [[საქართველო]]ში მოიპოვება ერთი სახეობა − მედუდუკე.<br /> * კლასი − ფრინველები (AVES)<br /> * რიგი − [[ბეღურასნაირნი]] (Passeriformes)<br /> * ოჯახი − [[მედუდუკესებრნი]] (Bombycillidae)<br /> * გვარი − მედუდუკე (Bombycilla)<br /> <br /> მედუდუკე დაახლოებით შოშიისოდენა ფრინველია, ფრთა 105-120 მმ-ია, კუდი − 55–65 მმ, [[ნისკარტი (ფრინველის)|ნისკარტი]] – 9-11 მმ, წონა – 40-75 გ. მამალი ოდნავ დიდია დედალზე. შეფერილობაში სქესთა შორის მცირე განსხვავებაა. საერთო შეფერილობა მორუხო-მოყავისფროა, თავზე მოღვინისფრო ელფერით, ხოლო წელსა და კუდის ზემო მფარავებზე – სუფთა [[რუხი (ფერი)|რუხი]]. ნესტოების მფარავ ჯაგრისებური ბუმბულებიდან ნისკარტზედას გასწვრივ შავი ზოლები გადის და თვალების უკან აღწევს. ყელზე შავი ლაქაა. იგი მამალს დიდი აქვს, ხოლო დედალს – პატარა არამკაფიო კიდეებით. ნისკარტქვედას ძირში ორივე მხარეს [[თეთრი (ფერი)|თეთრი]] ზოლებია. მტევნის მფარავები შავია, თეთრი წვეროებით. პირველი რიგის მომქნევები მურა-შავია, მაგრამ გარეთა მარაოების წვეროებზე [[ყვითელი (ფერი)|ყვითელი]] ლაქებია, ხოლო შიგნითა მარაოების წვეროებზე – თეთრი. მეორე რიგის შიგნითა მომქნევები ყავისფერია, გარეთა – მურა-რუხი. მათ ბოლოში აქვთ თეთრი ლაქები და ღეპეპების წვეროებზე – ლანცეტისებური ფორმის ღია წითელი ფირფიტები. კუდი ბოლოში შავია, მოლურჯო ანარეკლით, წვეროში ფართო ლიმონისფერ-ყვითელი ზოლით. კუდქვეშა ბუმბულები მკვეთრი ყავისფერია, ნისკარტი და ფეხები – შავი.<br /> <br /> აღწერილია 2 ქვესახეობა. [[საქართველო]]ში გვხვდება ჩვეულებრივი მედუდუკე – B. g. garrulus Linn., 1758.<br /> <br /> ====გავრცელება==== <br /> სახეობის ბუდობის არეალი მდებარეობს [[ევროპა|ევროპის]], [[აზია|აზიისა]] და ჩრდილოეთი [[ამერიკა|ამერიკის]] ტაიგის, ნაწილობრივ ტყე-ტუნდრის ზონებში. ევრაზიაში ვრცელდება: ჩრდილოეთი სკანდინავიიდან და კოლის ნახევარკუნძულიდან კამჩატკამდე; სამხრეთით ციმბირის მთების ტყეებიდან აღწევს სამხრეთ ალტაიმდე, ხოლო დაბლობებში სამხრეთი საზღვარი მიუყვება 58-ე და მე-60 პარალელებს. ზამთარში იწყებს მომთაბარეობას და სამხრეთით ინაცვლებს ხმელთაშუა ზღვის სანაპიროებამდე, მცირე აზიამდე, აღწევს [[ირანი|ირანს]], [[ავღანეთი|ავღანეთს]], შუა აზიას. საქართველოში ხშირად მოიპოვება როგორც მოზამთრე ფრინველი.<br /> <br /> ====ბიოტოპი==== <br /> წიწვიანი ტყეები და არყნარები ტაიგისა და ტყე-ტუნდრის ზონებში, [[შოთხვი]]ს, ასფურცელას, [[ტირიფი]]ს, [[ასკილი]]ს, აგრეთვე [[ჟოლო]]ს, [[მოცხარი]]სა და სხვათა ქვეტყით.<br /> <br /> ====გამრავლება==== <br /> ბუდობს ცალკეულ წყვილებად. ბუდეს იკეთებს [[ხე]]ზე წიწვიანების წვრილი ხმელი ტოტების, მღიერების, ხავსია და სხვა მცენარეული მასალისაგან, რომელიც შიგნიდან ამოფენილია ბუმბულითა და ჩრდილოეთის ირმის ბალნით. მაისის მეორე ნახევარში ან ივნისის დასაწყისში დებს 3-7 კვერცხს. კრუხად ჯდება მხოლოდ დედალი, მამალი კი კვებავს მას ამ დროს, ხოლო შემდეგ – ბარტყებსაც დედალთან ერთად. საინკუბაციო პერიოდი 14 დღეს გრძელდება.<br /> <br /> ====კვება==== <br /> ზაფხულში იკვებება ძირითადად პატარა ზომის [[მწერები]]თ, ნაწილობრივ – კოღოებით. ზამთარში ჭამს ყოველგვარ კენკრას.<br /> <br /> ====მნიშვნელობა==== <br /> დიდი სამეურნეო მნიშვნელობა არა აქვს. ხშირად ჰყავთ გალიებში როგორც დეკორატიული ფრინველი.<br /> <br /> ==წყარო==<br /> [[საქართველოს ფრინველების სარკვევი]]<br /> [[კატეგორია:ფრინველთა გვარი]]<br /> [[კატეგორია:ფრინველები]]<br /> [[კატეგორია:ბეღურასნაირნი]]<br /> [[კატეგორია:მედუდუკესებრნი]]</div>

Echelidze