https://www.nplg.gov.ge/wikidict/index.php?action=history&feed=atom&title=%E1%83%9B%E1%83%94%E1%83%A4%E1%83%94%E1%83%A2%E1%83%95%E1%83%98%E1%83%90 2026-04-29T03:09:22Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%9B%E1%83%94%E1%83%A4%E1%83%94%E1%83%A2%E1%83%95%E1%83%98%E1%83%90&diff=248909&oldid=prev 2025-06-03T20:18:20Z

<p>ახალი გვერდი: <a href="/wikidict/index.php/%E1%83%A4%E1%83%90%E1%83%98%E1%83%9A%E1%83%98:Mefetvia.png" title="ფაილი:Mefetvia.png">&#039;&#039;&#039;მეფეტვია&#039;&#039;&#039;</a> &#039;&#039;&#039;მეფეტვია&#039;&#039;&#039; (ლათ. Emberiza calandra Linnaeus, 1758) ...</p> <p><b>ახალი გვერდი</b></p><div>[[ფაილი:Mefetvia.png|thumb|250პქ|'''მეფეტვია''']]<br /> '''მეფეტვია''' (ლათ. Emberiza calandra Linnaeus, 1758) – ფრინველი [[ბეღურასნაირნი|ბეღურასნაირთა]] რიგიდან.<br /> * კლასი − ფრინველები (AVES)<br /> * რიგი − [[ბეღურასნაირნი]] (Passeriformes)<br /> * ოჯახი − [[გრატასებრნი]] (Emberizidae)<br /> * გვარი − [[გრატა]] (Emberiza)<br /> მეფეტვია ყველაზე დიდია ჩვენში გავრცელებულ გრატებს შორის, ფრთა 90-105 მმ-ია, კუდი 60-80 მმ, [[ნისკარტი (ფრინველის)|ნისკარტი]] – 11-14 მმ, წონა – 35-60 გ. მამალი მნიშვნელოვნად დიდია დედალზე. შეფერილობაში სქესთა შორის განსხვავება არაა. ზაფხულში ზრდასრულ ფრინველს თავი ზემოდან და სხეულის ზურგის მხარე მოწაბლისფრო აქვს, მორუხო ელფერით და მოშავო-ყავისფერი გასწვრივი წინწკლებით. წელი და კუდზედა ბუმბულები მუქი არაა და წინწკლებიც არა აქვთ. სხეულის მუცლის მხარე მოთეთროა, მუქი ყავისფერი გასწვრივი სიჭრელით მკერდსა და სხეულის გვერდებზე და წინწკლებით ყელზე, ჩიჩახვსა და კისრის გვერდებზე. ზოგჯერ ყელსა და ჩიჩახვზე სიჭრელე მეტია, ზოგჯერ კი სრულიად არაა. ლოყები და ყურების მფარავები მუქი მურაა, წვრილი მოყავისფრო-მურა წინწკლებით. მომქნევები, საჭის ბუმბულები და ფრთის ზემო მფარავები მუქი მურაა, უფრო ღია ფერის არშიებით. ნისკარტი და ფეხები მურაა.<br /> <br /> აღწერილია 4 ქვესახეობა. [[საქართველო]]ში მოიპოვება ჩვეულებრივი მეფეტვია – E. c. calandra Linn., 1758.<br /> <br /> ====გავრცელება====<br /> სახეობის ბუდობის არეალი მოიცავს შუა და სამხრეთ [[ევროპა]]ს – [[დასავლეთი]]თ [[ატლანტის ოკეანე|ატლანტის ოკეანის]] ნაპირებამდე; [[ჩრდილოეთი]]თ [[დიდი ბრიტანეთი|ბრიტანეთის]] კუნძულებს, სამხრეთ [[ნორვეგია |ნორვეგია]]ს, სამხრეთ-დასავლეთ შვეციას, [[ლიტვა]]ს, ჩერნიგოვის, კურსკისა და ვორონეჟის ოლქებით ჩრდილო [[კავკასია]]მდე და ვოლგის შესართავამდე; [[სამხრეთი]]თ მოიპოვება მთელს ევროპაში, აგრეთვე ჩრდილოეთ [[აფრიკა]]ში საჰარამდე, მცირე [[აზია]]ში, [[სირია]]ში, [[პალესტინა]]ში, [[ერაყი|ერაყში]], [[ამიერკავკასია]]ში, [[ირანი|ირანში]], შუა აზიაში და სამხრეთ [[ყაზახეთი|ყაზახეთში]]. არეალის ჩრდილოეთი რაიონებიდან გადამფრენია. ზამთრობს ბუდობის არეალის სამხრეთ ნაწილში, აგრეთვე [[ეგვიპტე]]ში, არაბეთში და სპარსეთის ყურის სანაპიროებთან. საქართველოს აღმოსავლეთ რაიონებში მეფეტვია მობუდარია, ხოლო დასავლეთში გვხვდება მიმოფრენის პერიოდებში, მცირე რაოდენობით – ზოგჯერ ზამთარშიც.<br /> <br /> ====ბიოტოპი==== <br /> ბინადრობს ბუჩქნარიან მდელოებსა და მინდვრებში, ტყისპირებში, ბაღებში, ზოგან ეზოებში. მთებში მოიპოვება 2000 მ-მდე ზრვის დონიდან.<br /> <br /> ====გამრავლება==== <br /> [[მონოგამია|მონოგამიური]] ფრინველია. ბუდობს ცალკეულ წყვილებად. ბუდეს იკეთებს მიწაზე პატარა ჩაღრმავებაში ნაირგვარ ბალახებს შორის, ზოგჯერ ბუჩქზედაც. წელიწადში ორჯერ მრავლდება. პირველი გამრავლება მიმდინარეობს აპრილის მეორე ნახევარში და მაისის პირველ ნახევარში, ხოლო მეორედ – ივნისსა და ივლისში. დებს 4-6 კვერცხს. კრუხად ჯდება მხოლოდ დედალი. საინკუბაციო პერიოდი 12-13 დღეს გრძელდება.<br /> <br /> ====კვება====<br /> მეფეტვიას ძირითადი საკვებია ნაირგვარი ველური ბალახების [[თესლი|თესლები]] და [[მწვანე (ფერი)|მწვანე]] ნორჩი ყლორტები. ზაფხულში მრავლად ჭამს [[მწერები|მწერებსაც]], რომელთა შორის ბევრია ტყისა და ბაღების მავნებლები.<br /> <br /> ====მნიშვნელობა==== <br /> სასარგებლო ფრინველია, რადგან ჭამს სარეველა მცენარეების თესლებსა და ბევრ მავნე მწერს.<br /> <br /> ==წყარო==<br /> [[საქართველოს ფრინველების სარკვევი]]<br /> [[კატეგორია:ფრინველები]]<br /> [[კატეგორია:ბეღურასნაირნი]]<br /> [[კატეგორია:გრატასებრნი]]<br /> [[კატეგორია:გრატა]]</div>

Echelidze