https://www.nplg.gov.ge/wikidict/index.php?action=history&feed=atom&title=%E1%83%9B%E1%83%97%E1%83%98%E1%83%A1_%E1%83%AD%E1%83%95%E1%83%98%E1%83%9C%E1%83%A2%E1%83%90მთის ჭვინტა - რედაქტირების ისტორია2026-05-01T08:26:06Zამ გვერდის შესწორებათა ისტორია ვიკიშიMediaWiki 1.19.24https://www.nplg.gov.ge/wikidict/index.php?title=%E1%83%9B%E1%83%97%E1%83%98%E1%83%A1_%E1%83%AD%E1%83%95%E1%83%98%E1%83%9C%E1%83%A2%E1%83%90&diff=249226&oldid=prevEchelidze: ახალი გვერდი: '''მთის ჭვინტა''' '''მთის ჭვინტა''' (ლათ. Acanthis flavirostris L...2025-06-11T09:22:31Z<p>ახალი გვერდი: <a href="/wikidict/index.php/%E1%83%A4%E1%83%90%E1%83%98%E1%83%9A%E1%83%98:Mtis_Wvinta.png" title="ფაილი:Mtis Wvinta.png">'''მთის ჭვინტა'''</a> '''მთის ჭვინტა''' (ლათ. Acanthis flavirostris L...</p>
<p><b>ახალი გვერდი</b></p><div>[[ფაილი:Mtis Wvinta.png|thumb|230px|'''მთის ჭვინტა''']]<br />
'''მთის ჭვინტა''' (ლათ. Acanthis flavirostris Linnaus, 1758) − ფრინველი [[ბეღურასნაირნი|ბეღურასნაირთა]] რიგიდან.<br />
* კლასი − ფრინველები (AVES)<br />
* რიგი − [[ბეღურასნაირნი]] (Passeriformes)<br />
* ოჯახი − [[მთიულასებრნი]] (Fringillidae)<br />
* გვარი − [[ჭვინტა]] (Acanthis)<br />
მთის ჭვინტა პატარა ზომის ფრინველია; ფრთა 70-85 მმ-ია, კუდი – 55-70 მმ, [[ნისკარტი (ფრინველის)|ნისკარტი]] – 7-9 მმ, წონა ― 15-20 გ. მამალი ოდნავ დიდია დედალზე. შეფერილობაშიც სქესთა შორის მცირე განსხვავებაა. მამლის საერთო შეფერილობა ჟანგმიწისფერ-ჟანგისფერია, ბუმბულების შუაში მუქი მურა ლაქებით. კუდზედა ბუმბულები მოვარდისფრო-წითელია, მაგრამ მათ შორის ყველაზე გრძელი, ჟანგმიწისფერია, მურა ფერის ლაქებით. მომქნევები და საჭის ბუმბულები მოშავო-მურაა, მოთეთრო ან მოჟანგმიწისფრო არშიებით. მუცლის მხარე მკრთალი მოწაბლისფრო-ჟანგმიწისფერია, მურა ღერძულა ლაქებით ჩიჩახვზე, მკერდსა და სხეულის გვერდებზე. მუცელი და კუდქვეშა ბუმბულები მოჟანგმიწისცრო-[[თეთრი (ფერი)|თეთრია]]. გაზაფხულზე წითელი ფერი კუდზედა ბუმბულებზე, სიჭრელე. ჩიჩახვზე, მკერდსა და სხეულის გვერდებზე უფრო მკვეთრი და შესამჩნევია. ნისკარტი გაზაფხულზე მოწაბლისფრო- [[ყვითელი (ფერი)|ყვითელია]], შემოდგომით და ზამთარში – ღია ყვითელი, მუქი წვეროთი. ფეხები მურაა. დედალი მამლის მსგავსი შეფერილობისაა, მაგრამ კუდზედა ბუმბულები წითელი კი არა, მოწაბლისფრო-[[რუხი (ფერი)|რუხი]] აქვს, ხოლო საერთო შეფერილობა მკრთალია.<br />
<br />
აღწერილია 11 ქვესახეობა. [[საქართველო]]ში მოიპოვება კავკასიური მთის კვინტა – A. f. brevirostris Moore, 1855.<br />
<br />
====გავრცელება====<br />
სახეობის ბუდობის არეალი შედგება სამი იზოლირებული ნაწილისაგან: ერთი მათგანი მოიცავს [[დიდი ბრიტანეთი]]ს ჩრდილოეთ ნაწილს და [[ნორვეგია|ნორვეგიის]] მთელ დასავლეთ სანაპირო ზოლს; არეალის მეორე ნაწილი განლაგებულია [[კავკასია]]ში, მის მოსაზღვრე მცირე [[აზია|აზიის]] ჩრდილო-აღმოსავლეთ და [[ირანი]]ს ჩრდილო-დასავლეთ ნაწილებში; არეალის ყველაზე ვრცელი ნაწილია ცენტრალურ აზიაში, რომელიც მოიცავს მთიან მასივებს აღმოსავლეთით ტიანშანამდე, მდ. მეკონგის სათავეებამდე, [[სამხრეთი]]თ – ტიბეტამდე და ქაშმირამდე. საქართველოში ცნობილია როგორც მობუდარი ფრინველი.<br />
<br />
====ბიოტოპი==== <br />
ბინადრობს მთების ზემო, წვრილტყიან ზონაში, სუბალპურ და ალპურ მდელოებზე, ბალახნარებსა და დაბალ ბუჩქნარებში ან მეჩხერ დეკიანში.<br />
<br />
====გამრავლება==== <br />
ბუდეს იკეთებს მეტწილად დეკას დაბალ ბუჩქებზე მიწის ზედაპირის მახლობლად. წელიწადში მრავლდება მხოლოდ ერთხელ. მაისში დებს 4-6 კვერცხს. კრუხად ჯდება მხოლოდ დედალი. საინკუბაციო პერიოდის ხანგრძლივობა 13-14 დღემდე აღწევს.<br />
<br />
====კვება==== <br />
მთის ჭვინტას საკვებს შეადგენენ სუბალპურ და ალპურ ბალახოვან მცენარეთა [[თესლი|თესლები]], აგრეთვე [[მწერები]].<br />
<br />
====მნიშვნელობა==== <br />
სამეურნეო მნიშვნელობა არა აქვს.<br />
<br />
==წყარო==<br />
[[საქართველოს ფრინველების სარკვევი]]<br />
[[კატეგორია:ფრინველები]]<br />
[[კატეგორია:ბეღურასნაირნი]]<br />
[[კატეგორია:მთიულასებრნი]]<br />
[[კატეგორია:ჭვინტა]]</div>Echelidze