https://www.nplg.gov.ge/wikidict/index.php?action=history&feed=atom&title=%E1%83%9B%E1%83%98%E1%83%9B%E1%83%98%E1%83%9C%E1%83%9D%E1%83%A1%E1%83%94%E1%83%91%E1%83%A0%E1%83%98_%E1%83%90%E1%83%A1%E1%83%9E%E1%83%A3%E1%83%AD%E1%83%90%E1%83%99%E1%83%90 2026-07-01T01:09:35Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%9B%E1%83%98%E1%83%9B%E1%83%98%E1%83%9C%E1%83%9D%E1%83%A1%E1%83%94%E1%83%91%E1%83%A0%E1%83%98_%E1%83%90%E1%83%A1%E1%83%9E%E1%83%A3%E1%83%AD%E1%83%90%E1%83%99%E1%83%90&diff=248756&oldid=prev 2025-05-30T10:04:25Z

<p>ახალი გვერდი: მიმინოსებრი ასპუჭაკა (ლათ. Sylvia nisoria Bechstein, 1795) − ფრინველი [[ბეღურასნ...</p> <p><b>ახალი გვერდი</b></p><div>მიმინოსებრი ასპუჭაკა (ლათ. Sylvia nisoria Bechstein, 1795) − ფრინველი [[ბეღურასნაირნი|ბეღურასნაირთა]] რიგიდან.<br /> * კლასი − ფრინველები (AVES)<br /> * რიგი − [[ბეღურასნაირნი]] (Passeriformes)<br /> * ოჯახი − [[ასპუჭაკასებრნი]] (Sylviidae)<br /> * გვარი − [[ასპუჭაკა]] (Sylvia)<br /> მიმინოსებრი ასპუჭაკა თითქმის ბეღურასოდენა ფრინველია, ფრთა 80-90 მმ-ია, კუდი – 65-75 მმ, [[ნისკარტი (ფრინველის)|ნისკარტი]] – 11-13 მმ, წონა – 22-30 გ. მამალი ოდნავ დიდია დედალზე. შეფერილობაში სქესობრივი დიმორფიზმი კარგად ჩანს. ზრდასრული მამალი ზურგის მხრიდან ნაცრისფერია; თავი ზემოდან და გვერდებიდან ზურგზე რამდენადმე უფრო მუქია. ფრთები მუქი რქისფერია. მხრების, ზურგის ქვემო ნაწილის, კუდზედა ბუმბულების, ფრთების საშუალო და დიდი მფარავებისა და შიგნითა მეორე რიგის მომქნევების ბოლოებზე თეთრი არშიებია, რომლებიც ბუმბულის ძირითადი შეფერილობისაგან<br /> მუქი ასპიდური ზოლებითაა გამოყოფილი. საჭის ბუმბულები ასპიდურ-მურაა, [[თეთრი (ფერი)|თეთრი]] ბოლოებით (შუა წყვილის გარდა), ხოლო კიდურა წყვილის შიგნითა მარაოებზე თეთრი ლაქები უფრო მეტ ადგილს იჭერენ. სხეულის ქვემო მხარე მორუხო-თეთრია, [[რუხი (ფერი)|რუხი]] განივი („ქერცლისებური“) ზოლებით, განსაკუთრებით ყელზე, მკერდზე და გვერდებზე. დედალი გამოირჩევა მამლისაგან სხეულის ზედა მხარეს რუხი შეფერილობის მოწაბლისფრო-[[ჩალისფერი]] ელფერით. მკერდსა და გვერდებზე ხშირად ჟანგმიწისფერი გადაჰკრავს, ხოლო მუცლის მხარეს განივი ზოლები ნაკლებია. ნისკარტი მუქი რქისფერია, ხოლო ფეხები – მორუხო-მურა.<br /> <br /> აღწერილია 2 ქვესახეობა. [[საქართველო]]ში მოიპოვება ევროპული მიმინოსებრი ასპუჭაკა – S. n. nisoria Bechst., 1795.<br /> <br /> ====გავრცელება====<br /> სახეობის ბუდობის არეალი მოიცავს ცენტრალურ [[ევროპა]]ს და დასავლეთ ციმბირს: [[დასავლეთი]]თ – იუტლანდიის ნახევარკუნძულამდე და რეინის დაბლობამდე; [[ჩრდილოეთი]]თ – შვეციისა და [[ფინეთი]]ს სამხრეთ ნაწილებამდე, სსრ კავშირში – თითქმის მე-60 პარალელამდე, ომსკამდე და ნოვოსიბირსკამდე; [[აღმოსავლეთი]]თ – ალტაის დასავლეთ და სამხრეთ კალთებამდე; [[სამხრეთი]]თ – [[იტალია|იტალიის]] ჩრდილოეთ ნაწილში, ეგეოსისა და შავი ზღვების ჩრდილოეთ სანაპიროებამდე, [[კავკასია]]ში და კოპეტ-დაღში. ზამთარს ატარებს [[აფრიკა|აფრიკის]] მთელ აღმოსავლეთ ნახევარში და სამხრეთ-დასავლეთ არაბეთში. საქართველოში ცნობილია, როგორც მობუდარი ფრინველი.<br /> <br /> ====ბიოტოპი==== <br /> ბინადრობს ტყისპირებში, ნაკაფებში, ბაღებში, მდელოებზე, ველებში, ხეობებში, ყველგან – მხოლოდ ბუჩქნარებში. ვერტიკალურად ვრცელდება 2000 მ-მდე ზღვის დონიდან.<br /> <br /> ====გამრავლება==== <br /> ბუდეს იკეთებს ბუჩქებზე, იშვიათად [[ხე]]ზეც, მაგრამ შედარებით დაბლა. მაისის დასაწყისში დებს 3-6 კვერცხს. კრუხად მორიგეობით ჯდება ორივე სქესის ფრინველი. საინკუბაციო პერიოდი 14 დღეს გრძელდება.<br /> <br /> ====კვება==== <br /> მიმინოსებრი ასპუჭაკა მწერიჭამია ფრინველია. ჭამს როგორც ზრდასრულ (იმაგოს სტადიაში) [[მწერები|მწერებს]], ისე მათ [[ლარვა|ლარვებს]], რომელთაც პოულობს ბუჩქებზე, [[ხე]]ებზე, ბალახზე, მიწაზე. ზაფხულის მეორე ნახევრიდან მის საკვებ რაციონს ემატება ზოგიერთი კენკრაც.<br /> <br /> ====მნიშვნელობა==== <br /> მრავალი მავნე მწერის მასობრივად განადგურებით მნიშვნელოვანი სარგებლობა მოაქვს ბაღების, პარკებისა და სატყეო მეურნეობისათვის. ამასთან საკმაოდ კარგი მგალობელიცაა.<br /> <br /> ==წყარო==<br /> [[საქართველოს ფრინველების სარკვევი]]<br /> [[კატეგორია:ფრინველები]]<br /> [[კატეგორია:ბეღურასნაირნი]]<br /> [[კატეგორია:ასპუჭაკასებრნი]]<br /> [[კატეგორია:ასპუჭაკა]]</div>

Echelidze