https://www.nplg.gov.ge/wikidict/index.php?action=history&feed=atom&title=%E1%83%9B%E1%83%98%E1%83%9C%E1%83%93%E1%83%95%E1%83%A0%E1%83%98%E1%83%A1_%E1%83%91%E1%83%94%E1%83%A6%E1%83%A3%E1%83%A0%E1%83%90მინდვრის ბეღურა - რედაქტირების ისტორია2026-05-02T23:44:38Zამ გვერდის შესწორებათა ისტორია ვიკიშიMediaWiki 1.19.24https://www.nplg.gov.ge/wikidict/index.php?title=%E1%83%9B%E1%83%98%E1%83%9C%E1%83%93%E1%83%95%E1%83%A0%E1%83%98%E1%83%A1_%E1%83%91%E1%83%94%E1%83%A6%E1%83%A3%E1%83%A0%E1%83%90&diff=249432&oldid=prevEchelidze: ახალი გვერდი: მინდვრის ბეღურა '''მინდვრის ბეღურა''' (ლა...2025-06-14T17:45:13Z<p>ახალი გვერდი: <a href="/wikidict/index.php/%E1%83%A4%E1%83%90%E1%83%98%E1%83%9A%E1%83%98:Mindvris_beRura.png" title="ფაილი:Mindvris beRura.png">მინდვრის ბეღურა</a> '''მინდვრის ბეღურა''' (ლა...</p>
<p><b>ახალი გვერდი</b></p><div>[[ფაილი:Mindvris beRura.png|thumb|250პქ|მინდვრის ბეღურა]]<br />
'''მინდვრის ბეღურა''' (ლათ. Passer montanus Linnaeus, 1758) – ფრინველი [[ბეღურასნაირნი|ბეღურასნაირთა]] რიგიდან.<br />
* კლასი − ფრინველები (AVES)<br />
* რიგი − [[ბეღურასნაირნი]] (Passeriformes)<br />
* ოჯახი − [[ფეიქარასებრნი]] (Ploceidae)<br />
* გვარი − [[ბეღურა]] (Passer)<br />
მინდვრის ბეღურა [[სახლის ბეღურა]]ზე ოდნავ პატარა ფრინველია; ფრთა 60-75 მმ-ია, კუდი – 50-60 მმ, [[ნისკარტი (ფრინველის)|ნისკარტი]] – 8-11 მმ, წონა – 22-30 გ. მამალი რამდენადმე დიდია დედალზე. შეფერილობაში სქესთა შორის განსხვავება არაა. ზრდასრული ფრინველი შემოდგომით, ახალ ბუმბულსაფარველში, თავსა და კისერზე ზემოდან ყავისფერია, მოღვინისფრო ელფერით. თავის გვერდები [[თეთრი (ფერი)|თეთრია]], მაგრამ ყურების მფარავები შავია და კარგად გამოიყოფა თეთრ ფონზე. გარდა ამისა, შავია ბუმბულები ნისკარტის ძირში, პირის კუთხეებთან და ზოლები თვალების ქვემოთ. ზურგი და მხრები მოწაბლისფრო-თიხისფერ-[[ყვითელი (ფერი)|ყვითელია]], შავი გასწვრივი წინწკლებით. კუდზედა ბუმბულები ჟანგმიწისფერ-[[რუხი (ფერი)|რუხია]]. ფრთის პატარა მფარავები მოქარცისფრო-წაბლისფერია; საშუალო მფარავები შავია, თეთრი წვეროთი. დიდი მფარავები და მომქნევები მოშავო-რქისფერია, მოჟანგისფრო-ყვითელი არშიებით. საჭის ბუმბულები მორუხო-რქისფერია, ვიწრო ჟანგმიწისფერი არშიებით. სხეულის ქვემო მხარეს ჭარბობს მორუხო-თეთრი ფერი. ყელზე დიდი შავი ლაქაა. ნისკარტი მოშავოა, ხოლო ფეხები მოწაბლისფრო-ხორცისფერი.<br />
<br />
გამოყოფენ 6-დან 16-მდე ქვესახეობას. [[საქართველო]]ში მოიპოვება ჩვეულებრივი მინდვრის ბეღურა – P. m. — montanus Linn., 1758 და ამიერკავკასიური მინდვრის ბეღურა – P. m. transcaucasicus Buturlin, 1906. <br />
<br />
====გავრცელება==== <br />
სახეობის არეალი მოიცავს თითქმის მთელ [[ევროპა]]ს და [[აზია|აზიის]] უდიდეს ნაწილს, [[დიდი ბრიტანეთი|ბრიტანეთის]] კუნძულებიდან და [[ატლანტის ოკეანე|ატლანტის ოკეანის]] ევროპის სანაპიროებიდან, სახალინის, კურილისა და [[იაპონია|იაპონიის]] კუნძულების ჩათვლით. [[ჩრდილოეთი]]თ ვრცელდება კოლის ნახევარკუნძულზე, თეთრ ზღვამდე, პეჩორის შესართავამდე, ობის ქვემო დინებამდე, ენისეის შესართავამდე და იაკუტიაში 64-ე პარალელამდე; [[სამხრეთი]]თ მოიპოვება ხმელთაშუა და შავი ზღვების სანაპიროებამდე, წინა აზიაში, [[ავღანეთი|ავღანეთში]], ჰიმალაის მთების კალთებზე, ინდოჩინეთში და კუნძულებზე — სუმატრაზე, იავაზე, ბორნეოზე, ჰაინანსა და ტაივანზე. საქართველოს აღმოსავლეთ რაიონებში მობინადრეა. დასავლეთ საქართველოში ბინადრობს მხოლოდ ზოგიერთ ადგილას მცირე რაოდენობით.<br />
<br />
====ბიოტოპი==== <br />
მინდვრის ბეღურას ტიპობრივი საბინადროა გამეჩხერებული ტყის ნაკვეთები, ტყე-ველები და ბუჩქნარიანი ველები, [[მდინარე|მდინარის]] სანაპირო მშრალი ლელიანები, ბაღები და პარკები, მარცვლოვანთა ნათესების მახლობელი ბუჩქნარები.<br />
<br />
====გამრავლება==== <br />
[[მონოგამია|მონოგამიური]] ფრინველია, ბუდობს როგორც განცალკევებულ წყვილებად, ისე პატარა კოლონიებადაც. ბუდეს იკეთებს უპირატესად ფუღუროებში, ხშირად — სოროებშიც, [[შენობა|შენობები]]ს [[სახურავი|სახურავების]] ქვეშ, ღრუიან ჯირკებში, ფლატეების ან კლდეების ნაპრალებში. წელიწადში ორჯერ მრავლდება, მაგრამ სხვადასხვა წყვილის ბუდობის ვადები განსხვავებულია. გამრავლება იწყება აპრილის პირველ ნახევარში და გრძელდება ივლისის ბოლომდე. დებს ჩვეულებრივად 5-6 კვერცხს. საინკუბაციო პერიოდი 11-12 დღეს გრძელდება.<br />
<br />
====კვება==== <br />
მინდვრის ბეღურას ძირითად საკვებს შეადგენენ სარეველა ბალახების და მცირე რაოდენობით კულტურულ მცენარეთა თესლები. გამრავლების პერიოდში მრავლად კენკავს [[მწერები|მწერებსაც]], რომელთა შორის ბევრი მავნებელია. ბარტყებს იგი მხოლოდ მწერებით კვებავს.<br />
<br />
====მნიშვნელობა==== <br />
ზოგან, სადაც მინდვრის ბეღურა რიცხვმრავალია, აღნიშნავენ მის მავნებლობას მარცვლოვანთა ნათესებისადმი. საქართველოში, კერძოდ [[კახეთი]]ს რაიონებში გამოკვლევებით აღმოჩნდა, რომ ამ ფრინველს მარცვლოვანებისათვის ზიანი არ მოაქვს, ხოლო მავნე მწერების მასობრივად განადგურებით, გამრავლების პერიოდში, სასარგებლოცაა.<br />
<br />
==წყარო==<br />
[[საქართველოს ფრინველების სარკვევი]]<br />
[[კატეგორია:ფრინველები]]<br />
[[კატეგორია:ბეღურასნაირნი]]<br />
[[კატეგორია:ფეიქარასებრნი]]<br />
[[კატეგორია:ბეღურა]]</div>Echelidze