https://www.nplg.gov.ge/wikidict/index.php?action=history&feed=atom&title=%E1%83%9B%E1%83%A3%E1%83%A1%E1%83%98%E1%83%99%E1%83%90%E1%83%9A%E1%83%A3%E1%83%A0%E1%83%98_%E1%83%99%E1%83%9D%E1%83%9C%E1%83%99%E1%83%A3%E1%83%A0%E1%83%A1%E1%83%98 2026-05-07T04:23:06Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%9B%E1%83%A3%E1%83%A1%E1%83%98%E1%83%99%E1%83%90%E1%83%9A%E1%83%A3%E1%83%A0%E1%83%98_%E1%83%99%E1%83%9D%E1%83%9C%E1%83%99%E1%83%A3%E1%83%A0%E1%83%A1%E1%83%98&diff=245688&oldid=prev 2025-05-02T20:47:30Z

<p>ახალი გვერდი: &#039;&#039;&#039;მუსიკალური კონკურსი&#039;&#039;&#039; – მუსიკოს-შემსრულებელთა (მომღერალთა...</p> <p><b>ახალი გვერდი</b></p><div>'''მუსიკალური კონკურსი''' – მუსიკოს-შემსრულებელთა (მომღერალთა, ინსტრუმენტალისტთა და კომპოზიტორთა) შეჯიბრი წინასწარ დადგენილი პირობების მიხედვით. <br /> <br /> მუსიკოსთა პაექრობის ისტორია იწყება ძვ. საბერძნეთსა და რომში. შუა საუკუნეების [[ევროპა]]ში გავრცელებული იყო თვითნასწავლი მუსიკოს-შემსრულებლების – [[ტრუბადურები]]ს, [[ტრუვერი|ტრუვერები]]ს, [[მინეზინგერები]]სა და [[მაისტერზინგერები]]ს შეჯიბრი. მსგავსი პაექრობანი იმართებოდა მსოფლიოს სხვა ქვეყნებშიც, მათ შორის საქქართველოშიც ([[აშუღი|აშუღთა]] შეჯიბრი). <br /> <br /> XVIII-XIX სს-ში საშემსრულებლო ხელოვნებაში (ორგანზე, [[კლავესინი|კლავესინზე]], ფორტეპიანოზე დაკვრა) ხშირად ეჯიბრებოდნენ ერთმანეთს გამოჩენილი კომპოზიტორები. მუსიკალური კონკურსი თანამედროვე სახით XIX ს-ში ჩამოყალიბდა. 1803 [[საფრანგეთი|საფრანგეთში]] ჩატარდა I ეროვნული კონკურსი რომის პრემიის მოსაპოვებლად. I საერთაშორისო კონკურსი (გიტარისტების) მოეწყო ბრიუსელში (1856). ანტონ რუბინშტეინის თაოსნობით დაარსდა და 1890 პეტერბურგში პირველად გაიმართა კომპოზიტორებისა და პიანისტების რეგულარული საერთაშორისო კონკურსი (ჩატარდა 5-ჯერ). [[I მსოფლიო ომი 1914–18|I მსოფლიო ომი]]ს შემდეგ დაწესდა მთელი რიგი საერთაშორისო კონკურსები. XX ს-ში მუსიკალური კონკურსი ძირითადად ახალგაზრდა ნიჭიერ შემსრულებელთა გამოვლენას ემსახურება. 1957 ჟენევაში შეიქმნა საერთაშორისო კონკურსების ფედერაცია, რომელიც 1959-იდან გამოსცემს ყოველწლიურ ბიულეტენს. ძირითადად მუსიკალური კონკურსები ტარდება ერთსა და იმავე ქალაქში. <br /> <br /> ყველაზე მნიშვნელოვანი მუსიკალური კონკურსებია: პ. ჩაიკოვსკის სახელობის (მოსკოვი, დაარსდა 1958), ბელგიის დედოფლის ელისაბედის სახელობის (ბრიუსელი, 1951), მ. ლონგისა და ჟ. ტიბოს სახელობის (პარიზი, 1943), ფ. შოპენის სახელობის (ვარშავა, 1927), ჰ. ვენიავსკის სახელობის (პოზნანი), ჯ. ენესკუს სახელობის (ბუქარესტი), ახალგაზრდა საოპერო მომღერალთა (სოფია), ბუდაპეშტის, „პრაღის გაზაფხული“, მუსიკოს- შემსრულებელთა კონკურსი ჟენევაში, ი.ს. ბახის სახელობის (ლაიფციგი), რ. შუმანის სახ. (ცვიკაუ), ნ. პაგანინის სახ. (გენუა) და სხვ.<br /> <br /> საქართველოში რეგულარულად ტარდება რესპუბლიკური, ხოლო 90-იანი წლებიდან პიანისტთა (1997, 2001, 2005) და ვოკალისტთა საერთაშორისო კონკურსები, რომლებმაც აღიარება მოიპოვეს. ქართველ მუსიკოს-შემსრულებელთაგან მნიშვნელოვან საერთაშორისო კონკურსებში გაიმარჯვეს: პიანისტებმა – [[ვირსალაძე ელისო|ე. ვირსალაძე]]მ, [[მდივანი მარინე|მ. მდივანმა]], [[ანჯაფარიძე ეთერ|ე. ანჯაფარიძე]]მ, [[თორაძე ლექსო|ა. თორაძე]]მ, [[კორსანტია ალექსანდრე|ა. კორსანტიამ]], ა. ტაკიძემ, [[ბუნიათიშვილი ხატია|ხ. ბუნიათიშვილმა]], [[ბოლქვაძე ელისო|ე. ბოლქვაძემ]] და სხვ. მევიოლინეებმა − მ. და [[იაშვილი ნანა|ნ. იაშვილებმა]], [[ისაკაძე ლიანა|ლ. ისაკაძემ]], [[ბათიაშვილი ლიზა|ლ. ბათიაშვილმა]] და სხვ; მომღერლებმა − ზ. სოტკილავამ, მ. ქასრაშვილმა, [[ბურჭულაძე პაატა|პ. ბურჭულაძემ]], ა. რაჭველიშვილმა, [[მაჩაიძე ნინო|ნ. მაჩაიძემ]], [[გაგნიძე გიორგი|გ. გაგნიძემ]] და სხვ.<br /> <br /> ''ს. ჟორდანია''<br /> <br /> <br /> ==წყარო== <br /> [[მუსიკის ენციკლოპედიური ლექსიკონი]] <br /> [[კატეგორია:მუსიკალური კონკურსები]]<br /> [[კატეგორია:მუსიკალური ტერმინები]]</div>

Tkenchoshvili