https://www.nplg.gov.ge/wikidict/index.php?action=history&feed=atom&title=%E1%83%9B%E1%83%A3%E1%83%A1%E1%83%AE%E1%83%94%E1%83%9A%E1%83%98%E1%83%A8%E1%83%95%E1%83%98%E1%83%9A%E1%83%98_%E1%83%A0%E1%83%9D%E1%83%A1%E1%83%A2%E1%83%9D%E1%83%9B 2026-06-30T11:06:46Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%9B%E1%83%A3%E1%83%A1%E1%83%AE%E1%83%94%E1%83%9A%E1%83%98%E1%83%A8%E1%83%95%E1%83%98%E1%83%9A%E1%83%98_%E1%83%A0%E1%83%9D%E1%83%A1%E1%83%A2%E1%83%9D%E1%83%9B&diff=277955&oldid=prev 2026-06-26T19:47:41Z

<p>ახალი გვერდი: &#039;&#039;&#039;როსტომ ილიას ძე მუსხელიშვილი&#039;&#039;&#039; – ( 31.12.1888-20.05.1923), [[ქართველები|ქარ...</p> <p><b>ახალი გვერდი</b></p><div>'''როსტომ ილიას ძე მუსხელიშვილი''' – ( 31.12.1888-20.05.1923), [[ქართველები|ქართველი]] სამხედრო [[ოფიცერი]], კავალერისტი. რუსეთის საიმპერატორო [[არმია|არმიის]] [[გენერალური შტაბი]]ს [[პოლკოვნიკი]] და ქართული არმიის [[გენერალი]]. საქართველოს ეროვნული გმირი.<br /> <br /> დაამთავრა საარტილერიო სასწავლებელი და გენერალური შტაბის აკადემია.<br /> <br /> მონაწილეობდა [[პირველი მსოფლიო ომი 1914–18|პირველ მსოფლიო ომში]]. 1917 წლამდე მსახურობდა კავკასიის [[ფრონტი|ფრონტზე]], 39-ე საარტილერიო ბრიგადაში.<br /> <br /> სამხედრო დამსახურებისათვის დაჯილდოებული იყო წმ. ანას IV და III (1915 წ.), წმ. სტანისლავის II ხარისხის (1916 წ.) ორდენებით.<br /> <br /> საქართველოს სახელმწიფოებრივი დამოუკიდებლობის აღდგენის შემდეგ, 1918-1921 წლებში მსახურობდა საქართველოს დემოკრატიული რესპუბლიკის [[შეიარაღებული ძალები|შეიარაღებულ ძალებში]]. ეკავა სამხედრო სამინისტროს გენერალური შტაბის [[სამხედრო დაზვერვა|სამხედრო დაზვერვის]] უფროსის თანამდებობა. 1921 წლის თებერვლისათვის იყო [[ბათუმი]]ს რაზმის შტაბის უფროსი.<br /> <br /> [[საქართველოს დემოკრატიული რესპუბლიკის ოკუპაცია საბჭოთა რუსეთის მიერ|საქართველოს დემოკრატიული რესპუბლიკის ოკუპაციისა]] და იძულებითი გასაბჭოების შემდეგ, 1921 წლის მარტიდან, საქართველოს მთავრობის წევრებისა და ქართველი გენერალიტეტის ზოგიერთი წარმომადგენლის მსგავსად [[ემიგრაცია]]ში არ წასულა და დარჩა სამშობლოში. მსახურობდა საქართველოს [[წითელი არმია|წითელ არმიაში]]. იყო დივიზიის შტაბის უფროსი, ამავდროულად, მოღვაწეობდა ანტისაბჭოთა იატაკქვეშა წინააღმდეგობის მოძრაობაში. იყო საქართველოს დამოუკიდებლობის კომიტეტის მიერ შექმნილი „სამხედრო ცენტრის” წევრი. მას ეკუთვნოდა 1922 წლის დუშეთის მაზრის აჯანყების გეგმა, რომელიც მიზნად ისახავდა წითელი არმიის [[მთიულეთი|მთიულეთში]] შეტყუებას და იქ სრულ განადგურებას. ეს გეგმა უნდა აესრულებინათ [[ქაქუცა ჩოლოყაშვილი|ქაქუცა ჩოლოყაშვილის]], შალვა ფავლენიშვილისა და ლაშქარაშვილის რაზმებს.<br /> <br /> 1923 წლის თებერვალში [[ეროვნულ-დემოკრატიული პარტია|ეროვნულ-დემოკრატიული პარტიის]] სტუდენტთა კომიტეტის წევრმა კალე მისაბიშვილმა გასცა სამხედრო ცენტრი. (ზოგი წყაროს მიხედვით დამოუკიდებლობის კომიტეტის „სამხედრო ცენტრის“ შემადგენლობა პოლკოვნიკმა ნარეკელაძემ გასცა).<br /> <br /> 1923 წლის თებერვალში ჩეკისტებმა დააპატიმრეს გენერალი როსტომ მუსხელიშვილი და ,,სამხედრო ცენტრის“ სხვა 14 წევრი. ,,ЧК&quot;-ს სპეციალურმა კოლეგიამ, ე.წ. ,,ტროიკამ“, ყოველგვარი გამოძიება-გასამართლების გარეშე მათ სასჯელის უმაღლესი ზომა – დახვრეტა მიუსაჯა. იმავე წლის 20 მაისს ისინი დახვრიტეს თბილისში, დღევანდელი „ვაკის პარკის” ტერიტორიაზე. მასთან ერთად დახვრიტეს: გენერლები [[ალექსანდრე ანდრონიკაშვილი]], [[ვარდენ წულუკიძე]], [[კონსტანტინე აფხაზი]] და სხვა ქართველი ოფიცრები.<br /> <br /> საქართველოს დამოუკიდებლობისათვის ბრძოლაში შეტანილი განსაკუთრებული წვლილისათვის, სამშობლოსათვის თავგანწირვისა და ქვეყნის წინაშე აღმატებული ღვაწლისათვის საქართველოს პრეზიდენტის 2023 წლის 4 ივლისის N04/07/02 განკარგულებით სიკვდილის შემდეგ დაჯილდოვდა საქართველოს ეროვნული გმირის ორდენით და მიენიჭა საქართველოს ეროვნული გმირის წოდება.<br /> <br /> <br /> ==წყარო==<br /> [[დამოუკიდებელი საქართველოს გენერლები და ადმირალები]]<br /> <br /> [[კატეგორია: ქართველი გენერლები]]<br /> [[კატეგორია:საქართველოს პირველი რესპუბლიკის გენერლები]]<br /> [[კატეგორია:პირველი მსოფლიო ომის მონაწილეები‏‎]]<br /> [[კატეგორია:წმინდა ანას IV ხარისხის ორდენოსნები]] <br /> [[კატეგორია:წმინდა ანას III ხარისხის ორდენოსნები]] <br /> [[კატეგორია:წმინდა სტანისლავის II ხარისხის ორდენოსნები]] <br /> [[კატეგორია:საბჭოთა რეპრესიების მსხვერპლნი საქართველოში]]<br /> [[კატეგორია: მუსხელიშვილები]]</div>

Tkenchoshvili