https://www.nplg.gov.ge/wikidict/index.php?action=history&feed=atom&title=%E1%83%9C%E1%83%90%E1%83%93%E1%83%98%E1%83%A0%E1%83%97_%E1%83%9E%E1%83%90%E1%83%A2%E1%83%A0%E1%83%9D%E1%83%9C%E1%83%94%E1%83%91%E1%83%98 2026-05-04T10:22:29Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%9C%E1%83%90%E1%83%93%E1%83%98%E1%83%A0%E1%83%97_%E1%83%9E%E1%83%90%E1%83%A2%E1%83%A0%E1%83%9D%E1%83%9C%E1%83%94%E1%83%91%E1%83%98&diff=95221&oldid=prev 2020-02-24T13:38:54Z

<p>ახალი გვერდი: &#039;&#039;&#039;ნადირთ პატრონები&#039;&#039;&#039; − და-ძმა არიან ნადირთ პატრონები. თითო წლ...</p> <p><b>ახალი გვერდი</b></p><div>'''ნადირთ პატრონები''' − და-ძმა არიან ნადირთ პატრონები. თითო წლობით, მორიგეობით პატრონობენ ნადირს. ქალი როცა [[მწყემსი|მწყემსავს]], ნადირი მსუქანი და ფრთხილია, მისი მოკვლა უჭირს მონადირეს. ვაჟი როცა პატრონობს, ნადირი მჭლეა და ბრიყვი, ადვილად ხდება მონადირის მსხვერპლი.<br /> <br /> თიანელი მონადირე წასულა ტყეში. პირაქეთ ორი დათვი მოუკლავს. მერე სვიანაში (ადგილია) გადასულა და ორი მწოლიარე [[ირემი]] დაუნახავს. ერთი ცალრქა ყოფილა, მეორეს წყვილი რქა ჰქონია. აჩქარებულა მონადირე და ცალრქასთვის უსროლია. ცალრქა, თურმრ, ნადირთ პატრონის ირემი ყოფილა. მაშინვე დაუძახია ნადირთ პატრონს: ცალრქას დაჰკრესო! ეს მონადირე ცალზე დარჩეს შვილისშვილითაო. ამ დროს დაუნახავს მონადირეს, რომ ქალი ნადირთ პატრონი გამოვიდა, ხელში ტაგანი უჭირავს და ირმების წველას იწყებს.<br /> <br /> წამოვიდა ეს მონადირე შეშინებული. მივიდა შინ და, რას ხედავს: უფროსი შვილი მკვდარი დახვდა. საშუალო მაშინ მოკვდა, როცა მამა მოვიდა, მათზე უმცროსი კი ძმების დამარხვის დროს მოკვდა. დარჩა სულ პატარა, მეოთხე.<br /> <br /> მას აქეთ მათი გვარი ასე მოდის: შვილებიდან მხოლოდ ერთი ნაბოლარა რჩებათ.<br /> <br /> == წყარო ==<br /> [[მითოლოგიური ენციკლოპედია ყმაწვილთათვის|მითოლოგიური ენციკლოპედია ყმაწვილთათვის (ქართული მითოლოგია)]]<br /> [[კატეგორია:თქმულებები]]<br /> [[კატეგორია:ქართული თქმულებები]]</div>

Tkenchoshvili