https://www.nplg.gov.ge/wikidict/index.php?action=history&feed=atom&title=%E1%83%A0%E1%83%A3%E1%83%AE%E1%83%98_%E1%83%90%E1%83%A1%E1%83%9E%E1%83%A3%E1%83%AD%E1%83%90%E1%83%99%E1%83%90 2026-04-28T18:03:38Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%A0%E1%83%A3%E1%83%AE%E1%83%98_%E1%83%90%E1%83%A1%E1%83%9E%E1%83%A3%E1%83%AD%E1%83%90%E1%83%99%E1%83%90&diff=248761&oldid=prev 2025-05-30T10:51:55Z

<p>ახალი გვერდი: &#039;&#039;&#039;რუხი ასპუჭაკა&#039;&#039;&#039; (&#039;&#039;ლათ&#039;&#039;. Sylvia communis Latham, 1787) − ფრინველი [[ბეღურასნაირნ...</p> <p><b>ახალი გვერდი</b></p><div>'''რუხი ასპუჭაკა''' (''ლათ''. Sylvia communis Latham, 1787) − ფრინველი [[ბეღურასნაირნი|ბეღურასნაირთა]] რიგიდან.<br /> * კლასი − ფრინველები (AVES)<br /> * რიგი − [[ბეღურასნაირნი]] (Passeriformes)<br /> * ოჯახი − [[ასპუჭაკასებრნი]] (Sylviidae)<br /> * გვარი − [[ასპუჭაკა]] (Sylvia)<br /> რუხი ასპუჭაკა პატარა ზომის ფრინველია, ფრთა 70-80 მმ-ია, კუდი 60-70 მმ, [[ნისკარტი (ფრინველის)|ნისკარტი]] – 9-11 მმ, წონა – 13-24 გ. სქესობრივი დიმორფიზმის სიდიდესა და შეფერილობაში მცირედაა გამოხატული. მამალი მხოლოდ ოდნავ დიდია დედალზე. გამრავლების პერიოდში მამალი ზურგის მხარეს მორუხო-მურაა; თავი და კუდზედა ბუმბულები [[რუხი (ფერი)|რუხია]]; მეორე რიგის მომქნევები და ფრთის მფარავები მურაა, ფართო მოქარცისფრო არშიებით; ასევე მურაა პირველი რიგის მომქნევები და მტევნის მფარავები, მაგრამ ვიწრო ღია ფერის არშიებით. საჭის ბუმბულების კიდურა წყვილი მოთეთროა, შიგნითა მარაოზე მუქი ლაქით, მეორე წყვილს წვეროებზე [[თეთრი (ფერი)|თეთრი]] ლაქები, ხოლო მესამე წყვილს – თეთრი არშიები აქვთ. ყელი თეთრია. მუცლის მხარე – მოთეთრო, მკერდსა და გვერდებზე მოვარდისფრო-ჟანგმიწისფერი ელფერით. დედალი საერთოდ მამლის მსგავსია, მაგრამ ზურგის მხარე უფრო ერთფეროვანია, მუცლის მხარე კი მოწაბლისფრო-ჟანგმიწისფერი. ზაფხულში მეორე რიგის მომქნევებსა და ფრთის ზემო მფარავებზე ქარცი არშიები უფრო მკრთალი ხდება. შემოდგომით ზურგის მხარე მოწაბლისფროა, ხოლო არშიები ფრთაზე უფრო ფართო და ჟღალია. ნისკარტი მუქი მურაა, ხოლო ფეხები – მოყავისფრო-მურა.<br /> <br /> აღწერილია 4 ქვესახეობა. [[საქართველო]]ში მოიპოვება კავკასიური რუხი ასპუჭაკა – S. c. icterops Menetries, 1832.<br /> <br /> ====გავრცელება==== <br /> სახეობის ბუდობის არეალი მოიცავს [[აფრიკა|აფრიკის]] ჩრდილო-დასავლეთ ნაწილს, თითქმის მთელ [[ევროპა]]ს მახლობელი კუნძულებითურთ და [[აზია|აზიის]] დასავლეთ ნაწილს, [[აღმოსავლეთი]]თ საიანის მთებამდე, გობის ალტაიმდე და აღმოსავლეთ ტიანშანამდე. [[ჩრდილოეთი]]თ აღწევს – სკანდინავიაში 64-ე, ხოლო [[ფინეთი|ფინეთში]] 65-ე პარალელებამდე, სსრ კავშირში არხანგელსკამდე, ტობოლსკამდე და კრასნოიარსკამდე. [[სამხრეთი]] საზღვარი გადის ხმელთაშუა ზღვის ჩრდილოეთი და აღმოსავლეთი სანაპიროებიდან არაბეთის ჩრდილოეთ ნაწილში, [[ირანი]]სა და [[ავღანეთი]]ს ცენტრალურ რაიონებში. ზამთრობს აფრიკაში, არაბეთსა და [[ინდოეთი|ინდოეთში]]. საქართველოში მოიპოვება ყველგან როგორც მობუდარი ფრინველი.<br /> <br /> ====ბიოტოპი==== <br /> ბინადრობს ნაირგვარ ბუჩქნარებში, ტყისპირებში, მეჩხერ ტყეში, ველის ზონის ბუჩქნარებში, ჭალებში, მთების ფერდობებზე.<br /> <br /> ====გამრავლება==== <br /> ბუდეს აგებს დედალი და მამალი ერთობლივად, ბუჩქებზე, მიწასთან ახლოს, ბალახებში ან პირდაპირ მიწაზე, ნამჯის, ხმელი ბალახისა და სხვა მასალისაგან. მაისის პირველ ნახევარში დებს 4-6 კვერცხს. კრუხად ჯდება დედალი, რომელსაც ხშირად ცვლის მამალიც. საინკუბაციო პერიოდი 11-13 დღეს გრძელდება. წელიწადში მრავლდება ორჯერ. მეორე ბუდობა იწყება ივნისის ბოლოსა და ივლისის დასაწყისში.<br /> <br /> ====კვება==== <br /> რუხი ასპუჭაკას საკვებს შეადგენენ [[მწერები]], რომელთაგან უმრავლესობა სოფლის მეურნეობისა და ტყის კულტურების მავნებელია. ჭამს ობობებს, აგრეთვე შემოდგომით – კენკრასაც.<br /> <br /> ====მნიშვნელობა==== <br /> მრავალი მავნე მწერის მასობრივი განადგურებით მნიშვნელოვანი სარგებლობა მოაქვს სოფლის მეურნეობისათვის.<br /> <br /> ==წყარო==<br /> [[საქართველოს ფრინველების სარკვევი]]<br /> [[კატეგორია:ფრინველები]]<br /> [[კატეგორია:ბეღურასნაირნი]]<br /> [[კატეგორია:ასპუჭაკასებრნი]]<br /> [[კატეგორია:ასპუჭაკა]]</div>

Echelidze