https://www.nplg.gov.ge/wikidict/index.php?action=history&feed=atom&title=%E1%83%A1%E1%83%90%E1%83%9B%E1%83%A3%E1%83%A1%E1%83%98%E1%83%99%E1%83%9D_%E1%83%92%E1%83%90%E1%83%9C%E1%83%90%E1%83%97%E1%83%9A%E1%83%94%E1%83%91%E1%83%90სამუსიკო განათლება - რედაქტირების ისტორია2026-06-29T18:34:21Zამ გვერდის შესწორებათა ისტორია ვიკიშიMediaWiki 1.19.24https://www.nplg.gov.ge/wikidict/index.php?title=%E1%83%A1%E1%83%90%E1%83%9B%E1%83%A3%E1%83%A1%E1%83%98%E1%83%99%E1%83%9D_%E1%83%92%E1%83%90%E1%83%9C%E1%83%90%E1%83%97%E1%83%9A%E1%83%94%E1%83%91%E1%83%90&diff=246873&oldid=prevTkenchoshvili: ახალი გვერდი: '''სამუსიკო განათლება''' – მუსიკალური ხელოვნების სფეროში პროფ...2025-05-08T19:20:58Z<p>ახალი გვერდი: '''სამუსიკო განათლება''' – მუსიკალური ხელოვნების სფეროში პროფ...</p>
<p><b>ახალი გვერდი</b></p><div>'''სამუსიკო განათლება''' – მუსიკალური ხელოვნების სფეროში პროფესიონალების – კომპოზიტორების, [[მუსიკისმცოდნე|მუსიკისმცოდნეების]], შემსრულებლების (მომღერლები, ინსტრუმენტალისტები, ორკესტრისა და გუნდის [[დირიჟორი|დირიჟორები]]), პედაგოგების მომზადების სისტემა. სამუსიკო განათლებას საფუძველი ჩაეყარა ძველი აღმოსავლეთის ქვეყნებში, ანტიკურ საბერძნეთში. შუა საუკუნეების [[ევროპა]]ში სამუსიკო განათლების კერები ყალიბდებოდა ქრისტიანულ ეკლესიებთან. XV ს. ნიდერლანდსა და [[საფრანგეთი|საფრანგეთში]] დაარსდა სპეციალური საგუნდო კლასები (მეტრიზები), სადაც ასწავლიდნენ სიმღერას, [[ორგანი|ორგანზე]] დაკვრას, მუსიკის თეორიას (აქ აღიზარდნენ გამოჩენილი კომპოზიტორ-პოლიფონისტები გ. დიუფაი, ი. ობრეხტი, ი. ოკეგემი და სხვ.). სამუსიკო განათლება განსაკუთრებით განვითარდა [[რენესანსი]]ს ეპოქაში, როდესაც [[თეატრი|თეატრებისა]] და [[ორკესტრი|ორკესტრების]] მომრავლების გამო, საჭირო გახდა პროფესიონალი მუსიკოსების აღზრდა. XVI ს-ში [[იტალია]]ში სამუსიკო განათლების კერები იყო ბავშვთა თავშესაფრები, რომლებსაც კონსერვატორიები ეწოდებოდა. თანამედროვე სახის პირველი კონსერვატორია დაარსდა პარიზში (1795).<br />
<br />
XIX-XX სს-ში კონსერვატორიები გაიხსნა ევროპის თითქმის ყველა ქვეყანაში, სამხრეთ ამერიკისა და [[აშშ]]-ის დიდ [[ქალაქი|ქალაქებში]].<br />
<br />
ამჟამად შექმნილია სამუსიკო განათლების სისტემა: საბავშვო სამუსიკო სკოლები (მოზარდების დაწყებითი განათლება), სამუსიკო სასწავლებლები (ამზადებენ პროფესიონალთა კადრებს საშუალო სამუსიკო განათლებით), სპეციალური სამუსიკო სკოლები (იძლევა ზოგად საშუალო სამუსიკო განათლებას), [[კონსერვატორია|კონსერვატორიები]], ხელოვნების ინსტიტუტები. უმაღლეს სამუსიკო სასწავლებლებთან არსებობს ასპირანტურა და ასისტენტურა. სასწავლო საგანი „მუსიკა“ შეტანილია ზოგადსაგანმანათლებლო სკოლების სასწავლო პროგრამაში.<br />
<br />
[[საქართველო]]ში პროფესიულ სამუსიკო განათლებას მრავალსაუკუნოვანი ისტორია აქვს. იგი მჭიდროდ არის დაკავშირებული ქართულ ხალხური მუსიკის (სასულიერო და საერო) განვითარებასთან. IX-XIII სს-ში მოღვაწეობდნენ გამოჩენილი ჰიმნოგრაფები, რომლებიც წარმართავდნენ ქართული პროფესიული მუსიკალური კულტურის განვითარებას. მათ შორის იყვნენ [[გიორგი მთაწმინდელი]], ექვთიმე მთაწმინდელი, [[იოანე მტბევარი]], [[სტეფანე მტბევარი]], [[მიქაელ მოდრეკილი]], [[არსენ იყალთოელი]], [[იოანე მინჩხი]]. შეიქმნა ქართული ნევმური (სანოტო) სისტემა, რომლის საშუალებითაც მოხერხდა ქართული [[საგალობელი|საგალობლების]] ჩაწერა. შემორჩენილია რამდენიმე კრებული (ყველაზე ადრინდელი თარიღდება X ს-ით), შედგენილი მიქაელ მოდრეკილის მიერ. ამ კრებულით მტკიცდება, რომ [[ქართველები|ქართველებს]] ჯერ კიდევ მაშინ ჰქონიათ საფუძვლიანად დამუშავებული მუსიკის თეორია და თავისუფლად კითხულობდნენ მუსიკალურ ტექსტს [[ნოტები|ნოტების]] მიხედვით. პროფესიული სამუსიკო განათლების მაღალ დონეზე მიგვანიშნებს ეროვნული სამუსიკო ტერმინოლოგიაც. ქართული სამუსიკო ხელოვნების განვითარება მრავალგზის შეუწყვეტია უცხოელ დამპყრობთა შემოსევებს. XVIII ს-ში აღინიშნება ქართული მუსიკალური კულტურის ახალი აღმავლობა. მუსიკის სწავლებას სათანადო ადგილი ეთმობოდა სასულიერო სემინარიებში ([[თბილისი]], [[თელავი]]), ეკლესიებთან არსებულ სამგალობლო სკოლებში. XIX ს-ში თანდათან გავრცელდა ევროპული და რუსული მუსიკის ტრადიციები. 20-იანი წლებიდან თბილისში დაარსდა კერძო სამუსიკო კლასები. 40-იანი წლებიდან მუსიკას ასწავლიდნენ ამიერკავკასიის ქალთა ინსტიტუტსა და თბილისის პირველ გიმნაზიაში. ასწავლიდნენ სხვადასხვა ინსტრუმენტებზე დაკვრას და მუსიკის ელემენტარულ თეორიას.<br />
<br />
1871 თბილისში გაიხსნა „კავკასიის საზოგადოების“ სამუსიკო სკოლა. 1873-იდან ეროვნული სამუსიკო კადრების აღზრდის მთავარ კერად იქცა [[სავანელი ხარლამპი|ხ. სავანელი]]ს, [[მიზანდარი ალოიზ|ა. მიზანდარი]]ს, კ. ალიხანოვის სამუსიკო კლასები, რომელთა საფუძველზეც 1874-1876 ჩამოყალიბდა სამუსიკო სკოლა, 1886 სამუსიკო სასწავლებელი, ხოლო 1917 სასწავლებელი კონსერვატორიად გადაკეთდა. ეროვნული სამუსიკო კადრების აღზრდის შესანიშნავ კერად იქცია თბილისის ქართული გიმნაზია. აქ მუშაობდნენ [[ფალიაშვილი ზაქარია|ზ. ფალიაშვილი]], [[ბალანჩივაძე მელიტონ|მ. ბალანჩივაძე]], [[ჩხიკვაძე ზაქარია|ზ. ჩხიკვაძე]], [[ყარაშვილი ანდრია|ა. ყარაშვილი]]. 1905 თბილისში დაარსდა „ქართული ფილარმონიული საზოგადოება“, რომელთანაც 1908 გაიხსნა სამუსიკო სკოლა.<br />
<br />
თბილისის კონსერვატორიის გარდა არის თბილისის სამუსიკო კოლეჯი, სამუსიკო სკოლები, სამუსიკო განყოფილება არსებობს საქართველოს სახელმწიფო თეატრალურ უნივერსიტეტში.<br />
<br />
''მ. ახმეტელი''<br />
<br />
<br />
<br />
==წყარო==<br />
[[მუსიკის ენციკლოპედიური ლექსიკონი]]<br />
[[კატეგორია:განათლება]]<br />
[[კატეგორია:სამუსიკო განათლება]]</div>Tkenchoshvili