https://www.nplg.gov.ge/wikidict/index.php?action=history&feed=atom&title=%E1%83%A1%E1%83%9E%E1%83%94%E1%83%AA%E1%83%98%E1%83%90%E1%83%9A%E1%83%A3%E1%83%A0%E1%83%98_%E1%83%9A%E1%83%94%E1%83%A5%E1%83%A1%E1%83%98%E1%83%99%E1%83%90 2026-05-06T13:06:59Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%A1%E1%83%9E%E1%83%94%E1%83%AA%E1%83%98%E1%83%90%E1%83%9A%E1%83%A3%E1%83%A0%E1%83%98_%E1%83%9A%E1%83%94%E1%83%A5%E1%83%A1%E1%83%98%E1%83%99%E1%83%90&diff=219683&oldid=prev 2024-02-21T19:12:43Z

<p>ახალი გვერდი: &#039;&#039;&#039;სპეციალური ლექსიკა&#039;&#039;&#039; – ცალკეული პროფესიისა თუ დარგისათვის...</p> <p><b>ახალი გვერდი</b></p><div>'''სპეციალური ლექსიკა''' – ცალკეული პროფესიისა თუ დარგისათვის ნიშანდობლივი [[სიტყვა|სიტყვები]] <br /> და გამოთქმები. მათი ძირითადი ნაწილი, ჩვეულებისამებრ, საერთო-სახალხო და [[სალიტერატურო ენა]]შიც იმკვიდრებს ადგილს. ქართულ ფილოლოგიაში ამ გაგებით უფრო ხშირად დარგობრივი ლექსიკის ცნება გამოიყენება. <br /> <br /> სპეციალური ლექსიკა ცალკეულ პროფესიულ სფეროებს მოიცავს და ასახავს. რაც უფრო მეტად განვითარებული და დიფერენცირებულია ერის საზოგადოებრივ-სამეურნეო ყოფა, მით უფრო მდიდარი და მრავალფეროვანია სპეციალური ლექსიკა, ქართული ეთნოგრაფიული სინამდვილე და შესაბამისი მრავალმხრივი დარგები ამ თვალსაზრისით უხვ ლექსიკურ მასალას იძლევა. მდიდარი დარგობრივი ლექსიკით ცნობილია მესაქონლეობის, მევენახეობა-მეღვინეობის, ხენა-თესვის, რთვა-ქსოვის და ხალხური რეწვის სხვა სფეროები. ქართული დარგობრივი ლექსიკა განსაკუთრებით ფართოდ არის წარმოდგენილი [[ჯავახიშვილი ივანე|ი. ჯავახიშვილი]]ს ხელმძღვანელობით [[საქართველო]]ს ყველა კუთხეში შეკრებილ შინამრეწველობის მასალების კორპუსში, რომლის პირველი ტომი გამოიცა 1976. <br /> <br /> სპეციალური ლექსიკის მასივებს, ცხადია, მხოლოდ ტრადიციული სამეურნეო დარგები არ ქმნიან. თანამედროვე სამეცნიერო-ტექნიკური დარგების არსებობა ასევე დაკავშირებულია შესაბამის სპეციალურ ლექსიკასთან (მაგ. სამედიცინო ტერმინოლოგია, ქიმიის ლექსიკა და სხვ.). სპეციალური ლექსიკის მასივს ქმნიან ტერმინები <br /> და ე. წ. პროფესიონალიზმები.<br /> <br /> სპეციალური ლექსიკის დიდი ნაწილი საზოგადოებრივ ენობრივ ურთიერთობებში არ გამოიყენება და ამიტომაც უცნობია ფართო საზოგადოებისათვის, მაგ.: ასლი, დიკა, ცხავი, ცხრილი, ხელვარცლი, სამთითი…– პურეულის ლექსიკიდან; ენცეფალიტი, თრომბოფლებიტი, კომატოზური, პათოგენეზი… – სამედიცინო ლექსიკიდან. <br /> ტრადიციული სამეურნეო დარგების მოშლა ბუნებრივად იწვევს შესაბამისი ლექსიკის პასიურ ფონდში გადანაცვლებას, ანდა ენიდან საერთოდ გაქრობასაც კი.<br /> <br /> სპეციალური ლექსიკის შესწავლა საერთო-სახალხო ენასთან მისი კავშირის კვლევასაც მოითხოვს. ფართოდ <br /> მოხმარებისას ეს ლექსიკა სალიტერატურო ენის ორგანული ნაწილი ხდება. ამის მაგალითია სამედიცინო და <br /> ზოგი სხვა დარგის სპეციალური ლექსიკა (მაგ., აცრა, ანგინა, გრიპი, რენტგენი…. ატომი, ელექტრონი, აზოტი…)<br /> <br /> ქართული ენის სპეციალური ლექსიკის ჯგუფები ნაყოფიერად არის გამოკვლეული აღწერითი და ისტორიულ-შედარებითი მეთოდების გამოყენებით.<br /> <br /> ''ა. არაბული'' <br /> <br /> <br /> ==წყარო==<br /> [[ქართული ენა: ენციკლოპედია]]<br /> [[კატეგორია:ენათმეცნიერება]]<br /> [[კატეგორია:სოციოლინგვისტიკა]]</div>

Tkenchoshvili