https://www.nplg.gov.ge/wikidict/index.php?action=history&feed=atom&title=%E1%83%A2%E1%83%A7%E1%83%98%E1%83%A1_%E1%83%AD%E1%83%95%E1%83%98%E1%83%9C%E1%83%A2%E1%83%90%E1%83%99%E1%83%90 2026-05-01T05:48:08Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%A2%E1%83%A7%E1%83%98%E1%83%A1_%E1%83%AD%E1%83%95%E1%83%98%E1%83%9C%E1%83%A2%E1%83%90%E1%83%99%E1%83%90&diff=247976&oldid=prev 2025-05-19T10:22:22Z

<p>ახალი გვერდი: &#039;&#039;&#039;ტყის ჭვინტაკა&#039;&#039;&#039; (ლათ. Prunella modularis Linnaeus, 1758) − ფრინველი [[ბეღურასნაირნ...</p> <p><b>ახალი გვერდი</b></p><div>'''ტყის ჭვინტაკა''' (ლათ. Prunella modularis Linnaeus, 1758) − ფრინველი [[ბეღურასნაირნი|ბეღურასნაირთა]] რიგიდან.<br /> * კლასი − ფრინველები (AVES)<br /> * რიგი − [[ბეღურასნაირნი]] (Passeriformes)<br /> * ოჯახი − [[ჭვინტაკასებრნი]] (Prunellidae)<br /> * გვარი − [[ჭვინტაკა]] (Prunella)<br /> ტყის ჭვინტაკა ბეღურაზე პატარა ფრინველია, ფრთა 65-70 მმ-ია, კუდი − 55-65 მმ, გალო – 20-22 მმ, [[ნისკარტი (ფრინველის)|ნისკარტი]] – 9-12 მმ, წონა – 15-23 გ. სქესობრივი დიმორფიზმი სიდიდესა და შეფერილობაში არაა გამოხატული. ზრდასრულ ფრინველს თავზე ბუმბულები მურა აქვს, ძნელად შესამჩნევი ვიწრო მორუხო-მურა არშიებით; თავის გვერდებზე მოთეთრო წვრილი შტრიხებია. ზურგის, ფრთების ზემო მფარავებისა და მეორე რიგის მომქნევების გარეთა მარაოებს მურა-მოქარცისფრო არშიები, ხოლო ცენტრში – მუქი მურა გასწვრივი ლაქები აქვთ. მუცლის მხარე მორუხოა, მაგრამ ჩიჩახვსა და მკერდზე, ღია მურა ფერის ბუმბულების წვეროებზე აქვს მკრთალი [[რუხი (ფერი)|რუხი]] ფერის წვრილი წინწკლები, რომლებიც მკერდის არეში მატულობს, ხოლო მუცელზე ძირითადი ფერი ხდება, მურა-მოქარცისფრო ნარევით. მომქნევები და საჭის ბუმბულები ღია მურა ფერისაა, გარეთა მარაოებზე მოყავისფრო კიდეებით. ნისკარტი მოშავო-რქისფერია, ხოლო ფეხები - მოყვითალო-ხორცისფერი.<br /> <br /> აღწერილია 6 ქვესახეობა. [[საქართველო]]ში ბინადრობს კავკასიური ტყის ჭვინტაკა – P. m. obscura Hablizl, 1783. ზამთარში მოიპოვება ევროპული ტყის ჭვინტაკაც – P. m. modularis Linn., 1758.<br /> <br /> ====გავრცელება====<br /> სახეობის ბუდობის არეალი მოიცავს თითქმის მთელ [[ევროპა]]ს: [[დასავლეთი]]თ – პირენეის ნახევარკუნძულსა და [[დიდი ბრიტანეთი|ბრიტანეთის]] კუნძულებს; [[ჩრდილოეთი]]თ – სკანდინავიაში 70-ე პარალელამდე, სსრ კავშირში – თეთრ ზღვამდე და პეჩორის სათავეებამდე (არაა კოლის ნახევარკუნძულზე); [[აღმოსავლეთი]]თ ზოგან აღწევს ურალის ქედამდე, უფრო სამხრეთით კი – ტამბოვამდე და პოლესიემდე; [[სამხრეთი]]თ მოიპოვება ხმელთაშუა ზღვის კუნძულებზე, მაგრამ არაა სამხრეთ [[იტალია]]სა და [[საბერძნეთი|საბერძნეთში]]; გარდა ამისა, არის მცირე [[აზია]]ში, [[კავკასია]]ში და დასავლეთ [[ირანი|ირანში]]. ჩრდილოეთის პოპულაციები გადამფრენია და ზამთრობენ ბრიტანეთში, დასავლეთ [[გერმანია|გერმანიის]] სამხრეთით მთელ ევროპაში, ჩრდილო-დასავლეთ [[აფრიკა]]ში, მცირე აზიასა და კავკასიაში. საქართველოში კავკასიური ქვესახეობა მობინადრეა, ხოლო ევროპული – მოზამთრე.<br /> <br /> ====ბიოტოპი==== <br /> ბინადრობს ყოველგვარი ტიპის ტყეში – წიწვიანებშიც და ფოთლოვანებშიც, სადაც არის ხშირი, ადამიანისათვის თითქმის გაუვალი ბუჩქნარების, ბალახნარებისა და ეკალ-ბარდების ქვეტყე. ზაფხულში ადის ტყის ზემო საზღვრამდე, ხოლო ზამთარში ეშვება უფრო დაბლა.<br /> <br /> ====გამრავლება==== <br /> [[მონოგამია|მონოგამიური]] ფრინველია. ბუდობს ცალკეულ წყვილებად. ბუდეს იკეთებს მეტწილად ბუჩქებზე, ზოგჯერ მიწაზე – ბუჩქის ძირში. ბუდის აგებასა და კრუხობაში მამალი არ მონაწილეობს. მაისში დებს 4-6 კვერცხს. საინკუბაციო პერიოდი 12 დღემდე გრძელდება.<br /> <br /> ====კვება==== <br /> ტყის ჭვინტაკას საკვებს შეადგენენ [[მწერები]], ობობები, პატარა ლოკოკინები, მცენარეთა [[თესლი|თესლები]], ზოგჯერ წვრილი კენკრაც. საკვებს ეძებს და პოულობს მხოლოდ მიწაზე.<br /> <br /> ====მნიშვნელობა==== <br /> მავნე მწერების განადგურებით გარკვეული სარგებლობა მოაქვს სატყეო მეურნეობისათვის.<br /> <br /> ==წყარო==<br /> [[საქართველოს ფრინველების სარკვევი]]<br /> [[კატეგორია:ფრინველები]]<br /> [[კატეგორია:ბეღურასნაირნი]]<br /> [[კატეგორია:ჭვინტაკასებრნი]]<br /> [[კატეგორია:ჭვინტაკა]]</div>

Echelidze