https://www.nplg.gov.ge/wikidict/index.php?action=history&feed=atom&title=%E1%83%A4%E1%83%90%E1%83%A0%E1%83%97%E1%83%9D%E1%83%99%E1%83%A3%E1%83%93%E1%83%90_%E1%83%9A%E1%83%94%E1%83%A0%E1%83%AC%E1%83%90%E1%83%9B%E1%83%90 2026-05-04T21:25:55Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%A4%E1%83%90%E1%83%A0%E1%83%97%E1%83%9D%E1%83%99%E1%83%A3%E1%83%93%E1%83%90_%E1%83%9A%E1%83%94%E1%83%A0%E1%83%AC%E1%83%90%E1%83%9B%E1%83%90&diff=248693&oldid=prev 2025-05-29T09:15:01Z

<p>ახალი გვერდი: &#039;&#039;&#039;ფართოკუდა ლერწამა&#039;&#039;&#039; (ლათ. Cettia cetti Temminck, 1820) − ფრინველი [[ბეღურასნაი...</p> <p><b>ახალი გვერდი</b></p><div>'''ფართოკუდა ლერწამა''' (ლათ. Cettia cetti Temminck, 1820) − ფრინველი [[ბეღურასნაირნი|ბეღურასნაირთა]] რიგიდან.<br /> * კლასი − ფრინველები (AVES)<br /> * რიგი − [[ბეღურასნაირნი]] (Passeriformes)<br /> * ოჯახი − [[ასპუჭაკასებრნი]] (Sylviidae)<br /> * გვარი − [[ლერწამა]] (Cettia)<br /> ფართოკუდა ლერწამა პატარა ზომის ფრინველია, ფრთა 60-70 მმ-ია, კუდი 55-65 მმ, [[ნისკარტი (ფრინველის)|ნისკარტი]] – 9-12 მმ, წონა – 10-15 გ. სქესობრივი დიმორფიზმი სიდიდესა და შეფერილობაში შეუმჩნეველია. ზრდასრული ფრინველი გაზაფხულზე ზურგის მხარეს მოთიხისფრო-ყავისფერია; კუდზედა ბუმბულები უფრო ყავისფერია; საჭის ბუმბულები მოყავისფრო-მურა. მომქნევები მურაა, მაგრამ გარეთა მარაოს კიდეები მოყავისფრო აქვთ. თავის გვერდები მორუხოა; თვალების ზემოთ მკვეთრადაა გამოხატული მოთეთრო ფერის „წარბები“. ყელი, მკერდი და მუცელი მორუხო-[[თეთრი (ფერი)|თეთრი]]ა, კუდქვეშა ბუმბულები მოყავისფრო, მოთეთრო არშიებით. შემოდგომით ზრდასრული ფრინველის ზურგის მხარე უფრო სუფთა თიხისფერია, ხოლო ქვემო მხარეს ჭარბობს [[რუხი (ფერი)|რუხი]] ელფერი. ნისკარტი მოწაბლისფრო-რქისფერია, ნისკარტქვედას ძირში მოყვითალოა, ხოლო ფეხები ღია მურა ფერისა. გარდა ამისა, ფართოკუდა ლერწამასათვის დამახასიათებელია საჭის 10 ბუმბული, მომრგვალებული კუდი, ე. ი. საჭის კიდურა ბუმბულები შესამჩნევად მოკლეა შუა ბუმბულებზე. კუდის ქვემო მფარავები დაგრძელებულია და კუდის სიგრძის ორ მესამედს აღწევს. პირველი მომქნევი ფართოა, ამას თან 10 მმ-ზე მეტით გრძელია მტევნის მფარავებზე და მე-2 მომქნევის ნახევრამდე აღწევს.<br /> <br /> აღწერილია 3 ქვესახეობა. [[საქართველო]]ში მოიპოვება: დასავლური ფართოკუდა ლერწამა – C. c. cetti Temm., 1820 და მესოპოტამიის ფართოკუდა ლერწამა – C. c. orientalis Tristram, 1869. <br /> <br /> ====გავრცელება==== <br /> სახეობის ბუდობის არეალი მოიცავს პირენეის ნახევარკუნძულს, სამხრეთ [[იტალია]]ს, ბალკანეთს, ხმელთაშუა ზღვის კუნძულებს, ჩრდილო-დასავლეთ [[აფრიკა]]ს, მცირე [[აზია]]ს, ყირიმს, არაბეთის ჩრდილოეთ ნაწილს, [[ირანი|ირანს]], [[ავღანეთი|ავღანეთს]], [[ამიერკავკასია]]ს, მდინარეთა დელტებს კასპიის ზღვის დასავლეთი სანაპიროებიდან, შუა აზიაში და [[ყაზახეთი|ყაზახეთში]], ჩრდილოეთით დაახლოებით 51-ე პარალელამდე. ზამთრობს არეალის სამხრეთ ნაწილში – ჩრდილო-დასავლეთ აფრიკაში, მცირე აზიაში, [[ერაყი|ერაყში]], ირანში, ავღანეთში, [[ინდოეთი|ინდოეთში]]. საქართველოში მობუდარია ორივე ქვესახეობა; დასავლური – [[აჭარა]]ში, ხოლო მესოპოტამიისა – აღმოსავლეთ საქართველოში. <br /> <br /> ====ბიოტოპი==== <br /> ბინადრობს [[მდინარე]]ებისა და ტბების სანაპირო ბუჩქნარებში, მაღალ ბალახნარებში, მთებში – გრუნტის წყლებით მდიდარ ხევებში, ლერწმიანებში, [[ლელქაში|ლელქაშში]]. ვერტიკალურად ვრცელდება 1700 მ- მდე ზღვის დონიდან.<br /> <br /> ====გამრავლება==== <br /> ბუდეს იკეთებს ბუჩქნარებში, მაღალ ბალახნარებში, ლელქაშში, მიწასთან ახლოს ან მცირე სიმაღლეზე, ბუჩქზე ან ბალახზე. აპრილის ბოლოს ან მაისის დასაწყისში დებს 4-5 კვერცხს. კრუხად ჯდება მხოლოდ დედალი. საინკუბაციო პერიოდი 12 დღემდე გრძელდება.<br /> <br /> ====კვება==== <br /> ფართოკუდა მეჩალიას საკვებს შეადგენენ პატარა ზომის [[მწერები]], მათი კვერცხები და [[ლარვა|ლარვები]]. ჭამს ნაირგვარ ჭიებს, წვრილ ლოკოკინებს, ობობებს და სხვა წვრილ უხერხემლოებს.<br /> <br /> ====მნიშვნელობა==== <br /> კვების ხასიათის მიხედვით სასარგებლო ფრინველია, მაგრამ მცირერიცხოვანია.<br /> <br /> ==წყარო==<br /> [[საქართველოს ფრინველების სარკვევი]]<br /> [[კატეგორია:ფრინველები]]<br /> [[კატეგორია:ბეღურასნაირნი]]<br /> [[კატეგორია:ასპუჭაკასებრნი]]<br /> [[კატეგორია:ლერწამა]]</div>

Echelidze