https://www.nplg.gov.ge/wikidict/index.php?action=history&feed=atom&title=%E1%83%A6%E1%83%90%E1%83%9F%E1%83%9D%E1%83%A1%E1%83%94%E1%83%91%E1%83%A0%E1%83%9C%E1%83%98 2026-04-30T19:10:12Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%A6%E1%83%90%E1%83%9F%E1%83%9D%E1%83%A1%E1%83%94%E1%83%91%E1%83%A0%E1%83%9C%E1%83%98&diff=247620&oldid=prev 2025-05-15T12:51:25Z

<p>ახალი გვერდი: &#039;&#039;&#039;ღაჟოსებრნი&#039;&#039;&#039; (ლათ. Laniidae) − ფრინველთა ოჯახი [[ბეღურასნაირნი|ბეღ...</p> <p><b>ახალი გვერდი</b></p><div>'''ღაჟოსებრნი''' (ლათ. Laniidae) − ფრინველთა ოჯახი [[ბეღურასნაირნი|ბეღურასნაირთა]] რიგიდან.<br /> ღაჟოსებრთა ოჯახში გაერთიანებულია პატარა და საშუალო ზომის ფრინველები, რომლებიც მთელი რიგი მკვეთრი მორფოლოგიური და ეკოლოგიური ნიშნებით ხასიათდებიან. პირველ რიგში უნდა აღინიშნოს [[ნისკარტი (ფრინველის)|ნისკარტი]]ს აგებულება, რომელიც ძალიან ემსგავსება [[შავარდნისებრნი|შავარდნისებრთა]] ნისკარტს და მტაცებლურ ცხოვრების ნირთანაა დაკავშირებული. ღაჟოსებრთა ნისკარტი მოკლეა და მძლავრი, გვერდებიდან ოდნავ შებრტყელებული. ნისკარტზედა ბოლოში მოკაუჭებულია, ხოლო მჭრელი კიდეები წვეროს წინ წარმოქმნიან კბილაკებს. ნისკარტის ძირში, მის გვერდებზე კარგადაა განვითარებული ჯაგრისებური ბუმბულები, რაც დამახასიათებელია ბევრი მწერიჭამია ფრინველისათვის. ნესტოები ოვალურია და ღია. ფრთები ბლაგვი და შედარებით მოკლეა. პირველი რიგის მომქნევი 10-ია. მათ შორის პირველი ჩვეულებრივად მოკლეა და ზოგჯერ მეორე მომქნევის მხოლოდ ნახევრამდე აღწევს. კუდი შედარებით გრძელი და საფეხუროვანია, შეიცავს საჭის 12 ბუმბულს. ფეხები ძლიერია, მაგარი გალოთი და თითებით. ბრჭყალები შედარებით დიდი, მოხრილი და ბასრია. სქესობრივი დიმორფიზმი ზოგიერთ სახეობას კარგად აქვს გამოხატული, მაგრამ უმრავლესობის დედალი და მამალი გარეგნულად ერთნაირია. ახალგაზრდა ფრინველებისათვის დამახასიათებელია ბუმბულსაფარველის ე. წ. ქერცლოვანი შეფერილობა.<br /> <br /> ღაჟოსებრნი სავანის ტიპის ტყის ფრინველებია და ხშირ, მაღალტანიან ტყეში არ შედიან. ისინი ირჩევენ მეტწილად ტყისპირებს, ბუჩქნარებს, ნათელი ტყის ფრაგმენტებს, კულტურულ [[ლანდშაფტი|ლანდშაფტს]] როგორც ბარში, ისე მთებში — 2000 მ-მდე ზ. დ.<br /> <br /> მრავლდებიან [[მონოგამია|მონოგამიურად]]. ბუდეს იკეთებენ მხოლოდ [[ხე]]ებსა და ბუჩქებზე; ბუდე დახურული არასოდეს არაა. დებენ 3-დან 8-მდე, უფრო ხშირად 4-6 კვერცხს. კრუხად სხდებიან მხოლოდ დედლები, მაგრამ ბარტყების გამოკვებაში დედალს მამალიც ეხმარება. საინკუბაციო პერიოდი 12-21 დღემდე გრძელდება.<br /> <br /> ღაჟოსებრნი იკვებებიან დიდი ზომის [[მწერები]]თ და პატარა ზომის ხერხემლიანებით — მღრღნელებით, წვრილი [[ბეღურასნაირნი|ბეღურასნაირი]] ფრინველებით, მათი კვერცხებითა და ბარტყებით, ხვლიკებითა და ამფიბიებით. დამახასიათებელია ე. წ. სამარაგო საკვების — თაგვების, ხვლიკების, კალიებისა და სხვათა წამოგება ბუჩქებისა და ხეების ეკლებზე.<br /> <br /> ღაჟოსებრთა ოჯახში 10 გვარის 76 სახეობას ითვლიან. გავრცელებული არიან [[აფრიკა]]ში, [[ევროპა]]ში, [[აზია]]ში, ჩრდილოეთ [[ამერიკა]]სა და [[ავსტრალია]]ში. [[საქართველო]]ში ამ ოჯახის ერთი გვარია.<br /> *[[ღაჟო]] (''ლათ''. Lanius)<br /> <br /> ==წყარო==<br /> [[საქართველოს ფრინველების სარკვევი]]<br /> [[კატეგორია:ფრინველთა ოჯახი]]<br /> [[კატეგორია:ბეღურასნაირნი]]<br /> [[კატეგორია:ღაჟოსებრნი]]</div>

Echelidze