https://www.nplg.gov.ge/wikidict/index.php?action=history&feed=atom&title=%E1%83%A7%E1%83%A3%E1%83%A0%E1%83%94%E1%83%91%E1%83%98%E1%83%90%E1%83%9C%E1%83%98_%E1%83%91%E1%83%A3_%28%E1%83%9D%E1%83%9A%E1%83%9D%E1%83%9A%E1%83%98%29 2026-05-06T04:59:06Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%A7%E1%83%A3%E1%83%A0%E1%83%94%E1%83%91%E1%83%98%E1%83%90%E1%83%9C%E1%83%98_%E1%83%91%E1%83%A3_(%E1%83%9D%E1%83%9A%E1%83%9D%E1%83%9A%E1%83%98)&diff=245124&oldid=prev 2025-04-28T12:23:42Z

<p>ახალი გვერდი: &#039;&#039;&#039;ყურებიანი ბუ (ოლოლი)&#039;&#039;&#039; (&#039;&#039;ლათ&#039;&#039;. Asio otus Linnaeus, 1758) − ფრინველი [[ბუსნაირნი...</p> <p><b>ახალი გვერდი</b></p><div>'''ყურებიანი ბუ (ოლოლი)''' (''ლათ''. Asio otus Linnaeus, 1758) − ფრინველი [[ბუსნაირნი|ბუსნაირთა]] რიგიდან. <br /> * კლასი − ფრინველები (AVES)<br /> * რიგი − [[ბუსნაირნი]] (Strigiformes)<br /> * ოჯახი − [[ბუსებრნი]] (Strigidae)<br /> * გვარი − [[ოლოლი]] (Asio)<br /> ყურებიანი ბუ საშუალო ზომის ფრინველია, ფრთა 280-300 მმ-ია, [[ნისკარტი (ფრინველის)|ნისკარტი]] – 13-14 მმ, წონა – 285-330 გ. დედალი ოდნავ დიდია მამალზე; შეფერილობაში სქესთა შორის განსხვავება უმნიშვნელოა (დედალი უფრო ღია ფერისაა, ვიდრე მამალი). ზრდასრული ფრინველი ზემოდან მკრთალი ან მოქარცისფრო-ცვილისფერია, მაგრამ ძლიერ დაწინწკლულია მუქი მურა ღერძულა ხაზებით და წვრილი მოწაბლისფრო წინწკლებით. მხრებისა და ფრთის შუა და ქვემო მფარავების გარეთა მარაოებზე [[თეთრი (ფერი)|თეთრი]] ლაქებია. პირველი რიგის მომქნევები მკრთალი ჟანგმიწისფერია. მათ გარეთა მარაოებზე სამ-სამი მოშავო-მურა ლაქებია, ხოლო ფართო მურა შიგნითა მარაოებზე განივი ზოლები. საჭის ბუმბულები ძირულ მკრთალი ჟანგმიწისფერია, ხოლო წვეროში – [[რუხი (ფერი)|რუხი]], მკრთალი მურა განივი ზოლებით. სახის დისკო ოქროსფერ-ცვილისფერია; თვალებთან შავი ლაქებია; ნიკაპი და ყელი თეთრია, მკერდი და მუცელი მოთეთრო ან მოყვითალო-ცვილისფერი, მსხვილი მურა ღერძულა ზოლებით. ფეხები თითებამდეა შემოსილი, ბრჭყალები და ნისკარტი შავია ან მუქი რქისფერი. <br /> <br /> აღწერილია 4 ქვესახეობა. [[საქართველო]]ში მოიპოვება ჩვეულებრივი ოლოლი – A. o. otus Linn., 1758.<br /> <br /> ====გავრცელება==== <br /> სახეობის ბუდობბის არეალი მოიცავს [[ევროპა|ევროპის]], [[აზია|აზიისა]] და ჩრდილოეთი [[ამერიკა|ამერიკის]] ტყის ზონებს. მოიპოვება [[აფრიკა]]შიც ([[ალჟირი]], [[ტუნისი]], [[მაროკო]], [[ეთიოპია]]) ევრაზიაში [[ჩრდილოეთი]]თ ვრცელდება ტყე-ტუნდრის ზოლამდე, ხოლო [[სამხრეთი]]თ მოიპოვება ხმელთაშუა ზღვამდე, ჩრდილოეთ [[ირანი|ირანში]], თურქესტანში, ჰიმალაიზე, ალტაიზე, ცენტრალურ და ჩრდილო-აღმოსავლეთ [[ჩინეთი|ჩინეთში]], კორეასა და [[იაპონია]]ში. კამჩატკისა და სახალინის ტყეებში არ არის. იზამთრებს აღმოსავლეთ და ცენტრლურ ჩინეთში, ჩრდილო-დასავლეთ ინდოეთში, [[პაკისტანი|პაკისტანში]], აფრიკაში [[ნილოსი]]ს ხეობაში. საქართველოში ცნობილია როგორც მობუდარი ფრინველი.<br /> ====ბიოტოპი==== <br /> ბინადრობს ტყეში, უპირატესად – წიწვიანებში, სადაც ამავე დროს არის ღია ადგილები; ხშირად – პარკებსა და ბაღებშიც. [[კავკასია]]ში მოიპოვება 2750 მ-მდე ზ. დ.<br /> ====გამრავლება==== <br /> ჩვეულებრივად ბუდობს სხვა ფრინველების – ყვავის, კაჭკაჭის, ჭილყვავის, [[კაკაჩა]]ს, [[ძერა]]ს მიერ მიტოვებულ ძველ ბუდეში, იშვიათად – ფუღუროში, ზოგჯერ მიწაზეც. მარტის ბოლოს ან აპრილის დასაწყისში დებს 4-5 კვერცხს. თაგვისებური მღრღნელების სიმრავლის პირობებში კვერცხების რაოდენობა 7-8, ზოგჯერ 10-საც აღწევს. კრუხად ჯდება მხოლოდ დედალი. საინკუბაციო პერიოდი 27-28 დღემდე გრძელდება.<br /> <br /> ====კვება====<br /> ძირითად საკვებს შეადგენენ თაგვისებური მღრღნელები. იჭერს ზოგჯერ პატარა ზომის ფრინველებსაც, მაგრამ თაგვისებური მღრღნელების<br /> სიმცირის დროს, ფრინველებით ვერ იკმაყოფილებს მოთხოვნილებას, რის შედეგადაც შეიძლება არც კი გამრავლდეს.<br /> <br /> ====მნიშვნელობა====<br /> თაგვისებური მღრღნელების განადგურებით დიდი სარგებლობა მოაქვს სოფლის მეურნეობისათვის.<br /> <br /> ==წყარო==<br /> *[[საქართველოს ფრინველების სარკვევი]]<br /> [[კატეგორია:ფრინველები]]<br /> [[კატეგორია:ბუსნაირნი]]<br /> [[კატეგორია:ბუსებრნი]]<br /> [[კატეგორია:ოლოლი]]</div>

Echelidze